陪放狗陪開工 菊梓喬同性密友曝光
2019年01月21日06:00

32歲的菊梓喬,入行兩年星途如坐穿梭機,趁星夢前一姐吳若希停工生女,時來運到攝位坐正,無綫九成劇集歌曲都由她主唱,上周六(12日)仲攞埋《勁歌》總選「最受歡迎女歌手」,是否實至名歸見仁見智,不過即場衰笑14秒的吳若希就一定好葡萄。

菊梓喬形象極好深受公司高層愛錫,單身多年緋聞唔多,最近有指被張景淳力追,她即劃清界線自保,寧願dry爆繼續享受唱慘情歌。即使有個同性密友薯餅跟出跟入,菊梓喬一樣收收埋埋好低調,日前見她與薯餅去將軍澳放狗,一身黑衣戴上黑帽而且全程避忌,聽教聽話唔多事,抵菊姐成功上位。

撰文:東方新地 圖片:新傳媒圖片、Instagram

延伸閱讀:

蘇民峰2019豬年生肖運程(蛇、馬、羊篇)

盤點14個明星感人故事紋身 每個都埋藏深層意思!

菊梓喬 同性密友曝光

菊梓喬(Hana)在上周六(12日)舉行的《2018年度勁歌金曲頒獎典禮》奪得「最受歡迎女歌手」,令全場嘩然,而近年屢傳與她爭做「星夢一姐」的吳若希更在旁勁浮誇衰笑,自拍大合照時又唔叫菊梓喬,連串小動作,似是暗寸菊梓喬未夠班做一姐。當晚,被公司捧上天的菊梓喬硬著頭皮領獎,她除了在歌唱事業上付出多年的努力,在感情上也犧牲不少。

被封星夢一姐的菊梓喬,日前在《2018年度勁歌金曲頒獎典禮》勇奪「最受歡迎女歌手」,被指未夠班的她只好欣然接受,謙虛表示自己攞獎是僥倖。

吳若希真心恥笑

上周六(12日),菊梓喬成為《2018年度勁歌金曲頒獎典禮》大贏家,宣布她成為「最受歡迎女歌手」時,死敵吳若希瘋狂衰笑,被指全心食花生睇一姐被批鬥,搞到菊梓喬好尷尬。完場前大合照,菊梓喬更被影到黑面。

為上位唔拍拖

單身多年的菊梓喬,樣子清秀是典型靚女,但入行後甚少緋聞,據知情者說:「其實Hana一直都有男仔追,當中唔少男仔條件都唔錯,但佢定力好好,話想專注唱歌先,感情嘢唔想諗住,因為自細屋企環境唔好,佢要擔起成頭家,所以佢好識諗,同埋Hana已經32歲年紀唔細,再唔博就真係冇機會。公司早已暗示過,想繼續有位上就唔好搞搞震,吳若希就係最佳人版,好好地被力捧瞞住公司搞出咁多嘢,為生B又停工一年,機會唔等人,蘇州過後真係冇艇搭,喊都無謂。」有同門師姐前車可鑑,令菊梓喬立定決心唔拍拖。

一姐唔易做

入行兩年幾便坐正做一姐兼做埋歌后,菊梓喬雖然有實力,但上位之快難免惹閒言,上周六拎「最受歡迎女歌手」,致謝時講到喊。

有男仔埋身想進一步發展關係都被菊梓喬拒絕,不過同性密友又另計,據知菊梓喬加盟星夢時,已被追星愛好者薯餅虎視眈眈,由於當時菊梓喬知名度一般,遇上欣賞自己的粉絲,她當然欣然接受,知情者透露:「薯餅追咗星都十幾年,其實佢都幾博愛,韓星港星都鍾意,好多年前佢已經好迷霆鋒同Isabella(梁洛施),為咗接近明星,佢早年入商台做,每次見到星都拉住人集郵,佢唔怕醜面皮厚,目的就係埋啲星身做朋友,就算跟出跟入做阿四都冇所謂。近年去咗《 YES!》度做,繼續追星,仲成日黐實Hana陪開工陪放狗,做埋私人攝影師,佢周圍同人講Hana已經成為佢嘅第一女神,最諷刺係未冧Hana前,薯餅係吳若希嘅瘋狂fans。」

黑衣出巡

上周三(9日)晚上6時許,菊梓喬離開寓所,駕車到將軍澳隨便泊在街邊,一身黑衣打扮的她,帶著愛犬步行8分鐘到將軍澳海濱長廊的寵物公園。

門口會合

菊梓喬行到去狗公園門口,中性打扮的同性密友薯餅早已企定定等她,二人前後腳行入公園。

《YES!》員工 薯餅

低調會合放狗

雖然薯餅是同性,殺傷力冇識男人咁致命,不過菊梓喬為免招人話柄,一樣低調行事。日前菊梓喬先行獨自駕車到達將軍澳海濱長廊寵物公園附近,泊好車後與愛犬步行八分鐘去狗公園,而薯餅就拖住自己隻狗在公園外與她會合,二人最初扮唔識,入到狗公園才放下戒備,開心放狗。

公園放狗

身為公眾人物,菊梓喬一直保持低調,搵張長凳坐低視察清楚周圍環境,薯餅負責做阿四服侍狗狗,睇得 出她與菊梓喬隻狗好熟絡。

人怕出名豬怕肥,菊梓喬明顯比師姐吳若希珍惜機會,經常被讚唱慘情歌感情爆棚的她,曾表示感情上的缺失或許是她投入歌曲的原因:「好多朋友都話我把聲唱情歌有種好痛嘅感覺,可能係感情有缺失,呢個係共鳴!識男友隨緣啦,唔可以強求,老闆都叫我專心工作!」專注係好,但工作壓力大,唔識紓緩分分鐘屈到病,菊梓喬本身性格頗孤僻又不善埋堆,唔拍拖有個同性密友都好,起碼有人陪佢放狗傾吓偈,氹吓佢開心都好嘅!

菊梓喬與同性密友薯餅一人拖一 狗,入到狗公園即霸地盤與狗同 樂,薯餅樣貌跟林曉峰有八成似。警 覺性比菊梓喬更高,不時四圍𥄫。

除帽鬆一鬆

玩咗一陣,菊梓喬終於放下戒心,除低頂帽抖氣並整理長髮。

菊梓喬家有兩愛犬,兩隻都是松鼠狗,白色的是椰子,黑白色的是花花。

化身馴狗師

養狗多年的菊梓喬除了視愛犬如女兒,訓練狗狗亦好有心得,這晚見她不時拍手叫狗,又向其他狗做指令,馴狗師上身。

跟足三年

16年菊梓喬未走紅,薯餅已放長線投資,無論出活動、去電台宣傳抑或上街busking,薯餅都跟隨左右做埋攝影師。

薯餅每次見到心儀女星都封人做女神,菊梓喬都唔例外,她在IG內叫她做「鵪鶉蛋女神」。

薯餅絕對係偶像收割機,最好笑是菊梓喬入行前,她原來是吳若希的瘋粉,不過近年已唔見薯餅再搵吳若希合照。

埋身追星 男女通殺

薯餅年約30歲,曾為追韓星,頻頻去韓國睇演唱會。近年連港星都追,早年曾入商台工作,開始與藝人打交道,無論男女奀星、巨星都一律唔放過,除菊梓喬外,她早年已開始追隨樂瞳與Jeana(何佩瑜),既是陳柏宇的頭號粉絲,又封謝霆鋒是男神之最。之後成為《 YES!》員工,繼續埋身追星,每次見星都集郵,其IG有大量與藝人的合照。

樂瞳
何佩瑜
陳柏宇
謝霆鋒

20位女星素顏大公開 係化妝喬裝定係易容術?

盤點娛樂圈8位高齡爸爸 最大年紀係60歲?!

吳若希晒合照冇菊梓喬份!網民:專登唔影一姐

3字尾索過後生女!劉心悠 公開4招保養心得

陳妍希挑戰朱茵演「紫霞仙子」捱批!

大方分享B女得意樣!李亞男:同奶奶餅印樣…

深宵睇《蓋世豪俠》笑住瞓!嚴選最想大台重播的8套經典神劇

背同居有米男友收兵 江嘉敏姣撻伍允龍

家庭聚會冇男友份 17歲沈月黑面對抗邱淑貞

姊妹幫口催婚 鄧麗欣台灣置業等嫁王子

《比悲傷》女主角陳意涵 陀B八個月 肥B唔肥身

吳孟達慨嘆與星爺形同陌路 揭17年冇再合作的原因

插菊梓喬冇人撐!吳若希發難扭跳槽

搣甩地獄廚神惡名 黃翠如煲靚湯 蕭正楠嗌「好滾動!」

靠吳綺莉接濟 卓林煙駁煙遊街

酒井法子被封「網上乞兒」!只因加了兩條連結⋯

傳應采兒陀第二胎!陳小春全家福相留言藏暗示?

貼廿年前孕照 慶囝囝生日 曾華倩:上天賜我最寶貴禮物⋯

【守護神之保險調查】入行逾三十年!60歲苗僑偉 嫩男變型佬

剝牙唔怕痛!陸永5歲細女最怕居然係呢樣嘢…

延伸閱讀:

蘇民峰2019豬年生肖運程(虎、兔、龍篇)

關注我們Facebook專頁
    相關新聞
      更多瀏覽