黃翠如押後造人計畫
2019年01月21日03:00
台上有座爆肌版紙板「蕭正楠」,令翠如哭笑不得。

【星島日報報道】黃翠如昨日出席超市開幕活動,席間大會奉上爆肌版人型紙板「蕭正楠」,其後更安排小男孩上台獻花給翠如,似乎想催促蕭太盡快生B。翠如透露近日經常逛超市,因為新劇《致所有愛過的人》不時開早班,故要買定食材煮早餐。問到榮升人妻的她可有煮早餐給老公食?翠如謂:「叮野食算唔算?曹永廉開始介入我哋家中,認真哋叫我學煲湯,又教我哋學買餸,我想請佢融入我哋家里,因為佢下廚好叻。」她大爆某次致電問老公正在做甚麼?原來他跟曹永廉正在家中煲劇,她笑道:「總之我不在家,通常阿廉就會喺我屋企。」

問到造人計畫?翠如坦言兩夫婦也沒空。談到阿蕭日前自爆家族繁殖力強,翠如即謂:「佢最鍾意講呢啲,要好好管教他,一陣要佢跪玻璃,要佢言行舉止優雅,我家教不夠嚴,唔好意思!」

翠如認真地表示,緊接要開拍新劇及拍攝旅遊特輯,故暫時未有計畫生B。記者笑她有「秘婚」前科,翠如大呼:「真的未有(計畫生B)呀!4月又要開劇,你唔信又問我。」她坦言有人傳授生仔秘方,就是不要讓男方穿內褲,她笑笑口說:「要真人演繹我才會明白,我不愛講呢啲,家教好嚴!」

關注我們Facebook專頁
    相關新聞
      更多瀏覽