【10YearChallenge】2009年推出的12首經典廣東歌 90後集體回憶
2019年01月19日11:00

最近流行的#10yearchallenge,風靡全球,普羅大眾,甚至明星都紛紛和應,上載自己的新舊對比照。其實在過去的10年,香港的樂壇推出了不同種類的歌曲,而大量廣為人知的經典廣東歌,都是在2009年推出的,以下12首歌曲相信大家都不陌生!

撰文:東方新地|圖片來源:Youtube

延伸閱讀:

盤點14個明星感人故事紋身 每個都埋藏深層意思!

蘇民峰2019豬年生肖運程(虎、兔、龍篇)

2009年推出的12首經典廣東歌

|搜神記 容祖兒

2009年度十大勁歌金曲頒獎典禮「金曲金獎」的得主就是這首歌,歌詞內容表達出戀人一旦投入戀愛,就對身邊的事物盲目抽離,歌詞令聽歌者反思戀愛不應是盲目,亦是不少人喜愛的歌曲!

|雙冠軍 容祖兒

這首歌在當時唱到街知巷聞,其中一個原因是這歌是首廣告歌,觀眾在電視旁日聽夜聽,即使10年後也非常長青,記得歌詞!值得一提,2009年度十大勁歌金曲頒獎典禮,《雙冠軍》獲得最受歡迎廣告歌曲獎。

|年度之歌 謝安琪

《年度之歌》是2009年度叱吒樂壇流行榜頒獎典禮的“叱吒樂壇十大歌曲”,歌詞表達出歌手在台上台下的心底話:歌曲即使非常熱播,下一年都會被樂迷淡忘,同如人生,有高低起落!

|你瞞我瞞 陳柏宇

十年前,這首歌一出,幾乎每個人唱K都一定會點,加上這首歌很高音,即使女生也不用升KEY都可以唱得到!

A.I.N.Y. G.E.M.

紅都出宇宙嘅G.E.M.其中一首成名之作點可以少咗A.I.N.Y.,當時剛剛出道的G.E.M.真的非常「高汁」,而且還吸引了大批人將她的歌設成鈴聲,認真經典!

|七百年後 陳奕迅

雖然現在已經是2019年,但陳奕迅的歌依然能夠保持歷久常新的吸引力,而這首《七百年後》是2009年度叱咤樂壇流行榜頒獎典禮的樂壇至尊歌曲大獎。若唱K沒有陳奕迅的歌,真的不能接受!

|沙龍 陳奕迅

另一首當年陳奕迅很有名的歌《沙龍》,這首歌如歌詞所說的一樣,值得一直保留下去,一聽再聽!同時,陳奕迅唱出歌曲感情,非常有味道!

|如果我是陳奕 Mr.

此首「如果我是陳奕迅」,令Mr.一歌爆紅,皆因主唱Alan的聲線與陳奕迅非常相似,就連陳奕迅本人也曾經演唱過這首歌!

|發現號 RubberBand

2009年另一隊爆紅的樂團又什可以少了RubberBand,其演唱的《發現號》讓不少網民都指這首歌聽完能重拾人生失去了的那團火!

|相對論 張敬軒

這首歌收錄在張敬軒的第九張大碟,市面都認為有80年代的味道,節奏輕快讓人一聽就上腦。

|弱水三千 麥浚龍

《弱水三千》這首歌帶出佛理和道家思想,讓人一再回味,加上Juno在音樂路上的堅持,也是歌迷喜歡的地方。

|我的回憶不是我的 泳兒、海鳴威

近期連登將這首歌「惡搞」重新改詞,雖然兩位男女歌手不是非常受關注,但在眾多合唱歌中,絕對是必唱的K歌之一!

藝人潮玩網絡晒10年前舊照挑戰

最近,譚凱琪喺《大帥哥》中飾演天嬌而人氣急升,Zoie就將自己2009年舊相同今年嘅新相拼埋一齊做個對比,並留言話:「人生有幾多個十年」!睇相見佢同10年前個樣一模一樣咁,淨係條眉唔同咗,似乎佢都keep得相當好喎!

而網絡紅人倪晨曦亦都上載自己10年前舊照,並留言:「由小傻妹變成大傻妹 but my smile never changed」,一向靚女嘅Elva就被網民大讚,不過有網民就笑言:「以前的臉比較多膠原蛋白」。

除咗女星夠膽玩呢個挑戰外,男星都唔例外,就好似依家51歲嘅胡渭康同樣無懼晒出對比圖,仲指:「人玩我又玩」,唔少網友睇到都讚一向保養得宜嘅佢睇落同樣冇點變,反而仲多添幾分成熟男人味!

而後生一輩嘅何廣沛亦都跟隊晒出對比圖,笑言:「人玩我又玩,最緊要搵番張一樣都係out focus既相」,睇番依家30歲嘅佢10年前原來係梳「飛輪海」頭,有網友就話佢皮膚白咗之外就冇點變!

林奕匡喺IG話:「見大家都玩,我又玩埋一份」,10年前嘅佢一臉稚氣,依家做咗人夫個樣都成熟穩重咗,而最大唔同可能只係對眼依家好似大咗啲啲。

而汪詩詩就晒出同宇宙最強嘅老公甄子丹10年前嘅合照,望落分別都唔太大,都係一樣咁恩愛!

呢位勁似周董?

不過要數喺呢個挑戰最特別嘅就一定游學修!皆因佢將自己10年前嘅相同周杰倫當年嘅「八度空間」唱片封套拼埋一齊,雖然游學修似唔似周董就真係見仁見智,但有樣嘢可以好肯定嘅就係佢應該覺得自己好似周董!

View this post on Instagram

#10yearschallenge

A post shared by 游學修 Neo Yau (@neoyau19) on Jan 15, 2019 at 9:13am PST

10YearChallenge原來用嚟…

10 Years Challenge呢個熱潮相信依家冇人唔知,皆因明星同普羅大眾都有潮玩晒出10年前同依家嘅對比圖。然而,日前就有人踢爆指原來呢個挑戰背後係有個陰謀,指發起人有心借呢個挑戰以收集10年間網民老化程度嘅數據!

唔知你有冇放#10YearChallenge嘅相上網同友人分享,但亦有網友指既然10年前嘅相早已放上網,何必再搞呢個挑戰嘅把戲,然而有一點就係可能大家為突顯10年前後嘅分別,而特登搵嚟當年未有數碼化嘅相再放上網,從而令挑戰成功再多一批數據。

醒目藝人識穿挑戰背後隱藏陰謀

不過有圈中藝人可能早已看透世情,一方面參與遊戲,但就冇被收集數據嘅機會,嗰位就係森美!皆因森美就特別與眾不同,只晒出自己10分鐘前後分別嘅相,仲抵死留言:「唔洗等十年先有改變啦,朝頭早起身梳洗前同梳洗後,十分鐘都夠大分別啦!」,睇嚟暫時得佢先係真識玩嗰位!

14位女藝人童年照

1.佘詩曼

現年43歲的佘詩曼1997年參加香港小姐奪季軍,同年簽約TVB加入娛樂圈,演藝事業一直平步青雲。而今年大熱內地劇集《延禧攻略》更令阿佘獲得廣泛內地網民支持,再次成為城中熱話。

2. 關之琳

女藝人
女藝人

有「大美人」之稱嘅關之琳細細個已經係美人胚子,眉清目秀,對笑眼至今依然存在!

3. 胡定欣

定欣四個月大時,眼仔碌碌好可愛。

4. 林夏薇

林夏薇除了身材皮膚keep得好,靚樣原來由細到大都無變,細個已經幾靚女,五官相當標緻!

View this post on Instagram

小Aki🤪VS 大Aki☺️ #逆緣 #Aki

A post shared by Rosina Lam 林夏薇 (@rosinalam) on Apr 27, 2018 at 8:56pm PDT

5. 陳慧琳

陳慧琳出哂名身型高佻,但原來佢1歲時臉圓圓,睇落仲好似好為食咁。

陳慧琳1歲的童年照。
3歲時嘅童年照已見Kelly手長腳長!
陳慧琳5歲的童年照。

6. 賈曉晨

賈曉晨細個時成個男仔頭咁,似男仔多過似女仔,好彩大個變番個靚女。

7. 郭羨妮

郭羨妮曾於微博上載一張小一入學舊相,小學就已經咁靚女,難怪大咗可以選到香港小姐冠軍啦。

8. 高海寧

高Ling細個時嘅樣同而家變化不大,對眼同而家最相似!

9.鍾嘉欣

嘉欣BB愈大愈靚,bb個時仲肥嘟嘟,真係好趣緻呀!

鍾嘉欣(右)5歲時與姊姊(左)童年照。

10. 陳慧珊

陳慧珊48歲生日,喺個人社交網上載幾張童年照,唔少網友睇到啲相,都話陳慧珊好似媽咪,成個餅印咁話,唔知大家又點睇?

11. 蔡卓妍

阿Sa童年時已經表演慾滿分,而且個樣帶幾分可愛,跳芭蕾舞都幾襯佢!

12. 陳研希

陳研希老公陳曉日前趁住老婆31歲生日,於是上載咗老婆嘅童年照,睇落小時候嘅陳研希同而家都仲有幾分細個嘅影子。

13. 孫燕姿

大家可能會以為矮啲嗰個孫燕姿,但實情著住藍色衫個女仔先至係,係咪睇唔出呢?

14. 范冰冰

冰冰嘅童年照中,見到佢細細個已經深明影相角度嘅重要性,識得微微低頭45度角望鏡頭!

延伸閱讀:

蘇民峰2019豬年生肖運程(蛇、馬、羊篇)

關注我們Facebook專頁
    相關新聞
      更多瀏覽