【專訪】夢寐以求!梁釗峰《問題青年》由陳輝陽作曲 林夕填詞
2019年01月18日11:59

如看不到 請到Youku觀看

組合C AllStar休團後,成員梁釗峰首位「跑出」推出個人專輯《閃亮的青春》!釗峰表示過去的2018年是自己獨立的第一年,能夠與很多勁人合作做專輯很有得著:「係我人生的highlight!」

2018-獨立的第一年

釗峰表示《閃亮的青春》其實有個寄語:「就算係咩經歷都好,都係人生的highlight,咁出碟固然之係我人生的highlight!我自己休團後,2018係我自己獨立嘅第一年,出到呢隻EP,同到咁多勁人合作,得著都唔少!」

夢寐以求

專輯中其中一首歌《問題青年》是由陳輝陽作曲,林夕作詞,釗峰一提起即難掩興奮心情:「好開心呀呢隻歌,因為呢兩個大師嘅合作嘅鞏固性同經典性,係我細細個已經夢寐以求!如果第時做歌手,會唔會有一首佢哋兩個炮製嘅歌?結果就喺我身上好幸福咁呈現出嚟!」

個人身份感覺大不同

今次以個人身份出專輯,釗峰直言與之前有組合成員一起時的感覺十分不同:「得返一個人,要好誠實好忠誠面對自己的作品,話畀大家聽歌曲入面除咗演繹方面有幾多血肉係自己!雖然好唔同,但都好過癮。亦都係休團嘅定義,將自己嘅棱角喺作品展現出嚟。」

關注我們Facebook專頁
    相關新聞
      更多瀏覽