日本旅行再開生日派對!郭可盈、林文龍大搞賀囡囡9歲生日
2019年01月17日16:00

1月14日係郭可盈同林文龍嘅囡囡津津(林天若)9歲生日,一向視女兒為掌上明珠嘅可盈同文龍除了一家三口到大阪旅行,更為愛女津津大搞生日派對,以囡囡喜愛的卡通人物L.O.L. Surprise作為主題,邀請成班親朋好友及囡囡的同學們一同慶祝,可盈更於微博上大曬當日嘅熱鬧景況。

撰文:Leo Fu(原文刊於:Sunday kiss)|圖片來源:郭可盈微博

延伸閱讀:

速學8個派對或約會簡單編髮 手殘女都一定做到!

蘇民峰2019豬年生肖運程(虎、兔、龍篇)

郭可盈、林文龍賀囡囡9歲生日

只見津津着上粉紅色的紗裙,化身成可愛的小公主,可盈及文龍更同愛女一齊切蛋糕,仲齊齊向佢獻吻影相,真係幸福滿瀉,好冧呀!

可盈及文龍一齊錫住囡囡住蛋糕

有家長見到津津的生日佈置後,都認為他們生日會花了不少錢,可盈也回應指單是L.O.L. Surprise的玩具已經不便宜,今次更以此作布置,絕對價值不菲。

生日派對也邀請了他們的親朋好友
當然少不了津津的朋友同學!

郭可盈於微博上大曬當日嘅熱鬧情況

其實,在囡囡生日前一日,他們一家三口就已飛到日本大阪遊玩,更暗示「next trip is… …」睇嚟陸續有來,難怪網民們都說津津十分幸福呢!

可盈一家三口也於囡囡生日前到大阪遊玩
可盈及文龍帶同津津一同到大阪旅行
在大阪已提前為津津慶生了

49歲郭可盈全家齊慶生

就快踏入50歲嘅美魔女郭可盈,昨日渡過了最後一個4字頭的生日。11月28日係郭可盈49歲生日,佢喺微博分享咗多張慶生照片,似乎全家總動員為她慶祝生日,連弟媳熊黛林都帶著一對雙胞胎囡囡齊齊出席。

美魔女郭可盈49歲生日,佢喺微博分享了兩張與老公林文龍和女兒津津的溫馨自拍合照,並Sweet爆留言:「我要我愛和愛我的人,每年都一起《共同渡過》!」

雖然郭可盈近年已經淡出娛樂圈,亦甚少出席活動,連弟弟郭可頌與熊黛林結婚後話題度都高過佢。

不過,《刑事偵緝檔案》中的高婕,《談判專家》中的簡潔,網民對呢位TVB曾經家喻戶曉的當家花旦依然留在不少粉絲心中。而郭可盈劇中女強人的形象與她生活中的形象亦十分貼近。不少網民留言祝福「高婕」生日快樂!

現年49歲的郭可盈無論樣貌,身材都沒有太大變化,難怪一班網民紛紛大讚佢係「凍齡美魔女」!

生日蛋糕食完一個又一個!

郭可盈更晒出全家大合照除了老公林文龍同女兒津津之外,連弟弟郭可頌、弟婦熊黛林以及他們一對雙胞胎囡囡孖女Kaylor同Lyvi 都齊齊出席生日會,場面非常熱鬧!而枱面仲擺著三個蛋糕及大壽桃,仲有個巨型發光煎堆同「勁浮誇」拉糖絲超吸睛!

郭可盈 遭林文龍捍衞婚姻禁出山

無綫去年在午夜神劇時段播出23年前經典作《刑事偵緝檔案》,飾演沙展的陶大宇與記者「高婕」郭可盈因此劇成為一代經典熒幕情侶,除掀起無限集體回憶,仲勾起一段師奶殺手與當代女神的當年情。

陶大宇與郭可盈當年拍足三輯《刑偵》,戀足三輯點會冇投入真感情?早年仲再續前緣拍多套《青出於藍》,內有連場濕吻,二人多年後更不避嫌直認曾過電,又曾約會睇電影《侏羅紀公園》,舊相好公開打情罵俏,陶大宇失婚寡佬就話啫!郭可盈大大個老公林文龍喺度都咁大膽,結果觸動醋夫神經,近年雖有不少監製力邀郭可盈拍劇,當中有人想搵她與大宇再合作,但林文龍為捍衞婚姻,以湊女照顧家庭為由,禁老婆出山拍劇。郭可盈無機與陶大宇再合體,惟有狂煲舊作,回味往日情啦!

撰文:東方新地|圖片:新傳媒圖片庫

郭可盈
郭可盈
老婆郭可盈公開重提與陶大宇曾過電又差點撻著,林文龍醋意大發,為捍衞婚姻禁老婆出山都無可厚非。

郭可盈 陶大宇 火速入戲撻著

一對經歷23年的熒幕情侶陶大宇和郭可盈,95年至97年間拍過三輯達100集的《刑事偵緝檔案》,當年郭可盈參選93年港姐大熱倒灶,最後三甲不入,只獲「最受傳播媒介歡迎獎」及「最佳演藝潛質」兩個獎項,不過好快就簽下無綫經理人合約,新晉小花擔正《刑事偵緝檔案》的「高婕」一角迅速走紅,當年第一套劇就拍住青靚白淨性格開朗的陶大宇,二人很快便傳出緋聞。

郭可盈
郭可盈
23年前的熒幕情侶,隨著神劇《邢事偵緝檔案》重播再度受關注,陶大宇當年憑劇集爆紅榮升「師奶殺手」,郭可盈亦成為當家花旦,之後套套劇都擔正女一。

做演員要入戲就要投入真感情,據知當年陶大宇與郭可盈戲裡戲外都像真情侶一樣,每次出席宣傳活動都像拍住拖開工,二人更多次獲頒「最受歡迎熒幕情侶」。

郭可盈
郭可盈
拍完三輯《刑偵》,陶大宇與郭可盈人前人後都以情侶姿態示人,挨實拖手樣樣齊,當年可盈入行冇耐未有男友,但大宇已有青梅竹馬的圈外女友阿寶。
郭可盈
郭可盈
多年來陶大宇和郭可盈在訪問中公開曾過電及相約睇戲,互媾到出面。

知情者透露:「當年劇組見大宇同可盈感情真係好好,嗰時大宇已經係一線小生,可盈就係新人,不過好快佢哋都好投入角色,每場感情戲都由大宇帶可盈入戲,冇人會信佢哋冇動過真感情囉!不過全行都知大宇好花弗,好多人都勸可盈拍戲要識抽離,唔好太認真對待呢段關係。」電視台男女感情瓜葛複雜,當年陶大宇其實已有拍拖多年的圈外女友阿寶,00年二人結婚,但敵不過七年之癢,07年陶大宇搭上郭羨妮拋棄糟糠。

郭可盈
郭可盈
無綫現在晚晚重播《刑事偵緝檔案》,女主角郭可盈都好回味,日前出埠等上機,都自備珍藏碟慢慢欣賞。

郭可盈
郭可盈
郭可盈
郭可盈
郭可盈
郭可盈

自爆有遐想

當年的師奶殺手陶大宇並非浪得虛名,不少異性暗暗死在他手上,03年他與郭可盈再合作拍無綫劇《青出於藍》,戲中更有多場濕吻戲,當年拍《刑偵》的陳年感情又再回湧。事隔多年,二人竟在一次公開訪問驚爆曾過電,只差一步便能發展感情,郭可盈還笑指陶大宇不夠積極,但陶大宇卻指當年的郭可盈卜卜脆,令他曾有遐想,郭可盈還主動相約睇《侏羅紀公園》,不過散場就冇下文。

郭可盈
郭可盈
當年仍是包包面的郭可盈與青靚白淨的陶大宇,在《刑事偵緝檔案》奉旨談情,瞬間引爆粉絲對這Pair經典情侶的懷念。

郭可盈
郭可盈

二人又提及再拍《青出於藍》時,當時已婚的陶大宇在一場廚房戲問郭可盈如果拍《刑偵》時媾她會怎樣?因當時郭可盈與林文龍已拍拖但未公開,陶大宇竟再進一步問如果林文龍沒有出現,他會唔會有機會?其實整個電視城都知郭可盈名花有主,陶大宇咁問擺明當林文龍冇到。

郭可盈
郭可盈
自04年拍完無綫劇《心花放》,陶大宇與郭可盈再冇合作拍劇,十年後再度同台,已是14年在國內電視節目《年代秀》,二人一見如故,當初溫馨再湧現。
郭可盈
郭可盈
節目上重提當年拍劇的往事,對於多次被封「最受歡迎熒幕情侶」,二人都沾沾自喜。

而當時林文龍亦收到風,此後一直當陶大宇是眼中釘,知情者透露:「大家都係男人,文龍點會唔知大宇想點?人哋大大個男友喺度佢自己又結咗婚,仲講呢啲!文龍唔嬲就假,當時佢睇得可盈好緊,驚畀人乘虛而入,但可盈同大宇仲有一套《心花放》要拍,次次見到佢哋出活動都拖晒手勁親密,真係睇到眼火爆,佢唔想可盈再同大宇合作,唔想節外生枝。其實咁多年嚟都有人搵可盈同大宇再合作,不過可盈知道老公唔鍾意,佢亦應承咗呢幾年要陪住個女,所以拍劇呢啲長時間嘅工作佢都唔接,只接短時間唔困身嘅工作。」

郭可盈
郭可盈
早前二人在飲宴上重遇,攬頭攬頸仲扮錫錫,完全不避嫌,難怪林文龍會呷醋。

照顧女兒半退出

為免夜長夢多,04年林文龍娶郭可盈,婚後郭可盈繼續拍劇,其後再沒機會與陶大宇合作,直至10年誕下女兒林天若(Tania),她應承老公留家專心照顧女兒,只偶爾出席公開活動。至14年,郭可盈與陶大宇參加內地節目《年代秀》演出,多年後再碰頭,據知一直避見大宇的可盈,度了三年期才造就那次同台,事前亦要得到林文龍批准。

郭可盈
郭可盈
上周三(18日),郭可盈駕車送女助手到女兒天若的學校,由女助手下車接女兒,她則在停車地方等候。8歲的天若又長高了,拖實媽咪女助手行,邊行邊匯報返學日常事。
郭可盈
郭可盈
近年不時見郭可盈負責做司機接送女兒返學放學,這日接完女再接老公,林文龍陪女兒坐後排,郭可盈全程冇落過車。

近年林文龍拍劇中港兩邊走,又與黃玉郎合作投資娛樂公司,而郭可盈就負責照顧家中大小事務,幾乎每日都親自駕車接送女兒天若返學放學,廿四孝人妻人母做到足。

郭可盈
郭可盈
郭可盈先在九龍塘放低女助手,然後再駛到九龍法國醫院,未幾見拎住個細篋的林文龍步出,看來他剛入院短住。
郭可盈
郭可盈
郭可盈身家億億聲,雖然投資的物業遍布香港,但她鍾情西貢海景屋,02年與老公林文龍遷入當年以二千幾萬買入的匡湖居獨立屋居住至今。

上周三(18日),郭可盈如常駕車接女放學,之後再去九龍法國醫院接林文龍,現場見他拎住個細篋離開醫院,然後一家三口直返西貢匡湖居寓所,雖然未知文龍入院所為何事,但翌日見他踢完波去湊女放學,相信身體並無大礙。

郭可盈
郭可盈
林文龍出院後翌日 (19日),一身波衫打扮到學校湊女放學,可見其身體狀況並冇大礙,好大可能是入院做身體檢查。

郭可盈與林文龍現在婚姻美滿,有個又靚又乖的女兒,可盈應該好慶幸當年冇跌落陶大宇的糖衣陷阱,那些年的過電,咪當夢一場囉!

郭可盈
郭可盈
郭可盈近年退下火線專心照顧女兒,見她不時參與女兒學校活動,放假又會一家三口外遊或去主題公園玩,睇得出可盈有女萬事足。

郭可盈
郭可盈

郭可盈
郭可盈
今年情人節,林文龍與郭可盈歐遊過二人世界,更在微博上載啜嘴相,閃到爆。
郭可盈
郭可盈
去年郭可盈48歲正日生日,林文龍為她安排浪漫晚餐,又送上名貴的Hermès禮物,可盈上載一家三口合照,又留下生日感言:「愛人、家人、朋友們、粉絲們,謝謝您們的愛!」相當溫馨。

郭可盈
郭可盈

吳若希晒合照冇菊梓喬份!網民:專登唔影一姐

3字尾索過後生女!劉心悠 公開4招保養心得

陳妍希挑戰朱茵演「紫霞仙子」捱批!

大方分享B女得意樣!李亞男:同奶奶餅印樣…

深宵睇《蓋世豪俠》笑住瞓!嚴選最想大台重播的8套經典神劇

背同居有米男友收兵 江嘉敏姣撻伍允龍

家庭聚會冇男友份 17歲沈月黑面對抗邱淑貞

姊妹幫口催婚 鄧麗欣台灣置業等嫁王子

《比悲傷》女主角陳意涵 陀B八個月 肥B唔肥身

吳孟達慨嘆與星爺形同陌路 揭17年冇再合作的原因

插菊梓喬冇人撐!吳若希發難扭跳槽

搣甩地獄廚神惡名 黃翠如煲靚湯 蕭正楠嗌「好滾動!」

靠吳綺莉接濟 卓林煙駁煙遊街

酒井法子被封「網上乞兒」!只因加了兩條連結⋯

傳應采兒陀第二胎!陳小春全家福相留言藏暗示?

貼廿年前孕照 慶囝囝生日 曾華倩:上天賜我最寶貴禮物⋯

【守護神之保險調查】入行逾三十年!60歲苗僑偉 嫩男變型佬

剝牙唔怕痛!陸永5歲細女最怕居然係呢樣嘢…

延伸閱讀:

盤點14個明星感人故事紋身 每個都埋藏深層意思!

關注我們Facebook專頁
    相關新聞
      更多瀏覽