[LIFE] 冬天都阻唔到我食雪糕!邊食邊影「雪糕博物館」超IG-able嘅博物館
2019年01月12日12:00
0
0

最近每日平均嚟講都係17至20°C,再加上超高嘅濕度,感覺冬天已經離香港而去,準備踏入春天......呢個咁似春天嘅冬天時間,真係食多杯雪糕都唔怕凍,不過雪糕食得多,關於雪糕嘅知識你又有幾多?

唔知嘅就要去下喺洛杉機嘅「Museum of Ice Cream」(MOIC) 睇下啦〜呢間博物館唔單止唔會禁止飲食,仲會派雪糕畀參觀者邊行邊食!職員會根據唔同展區嘅主題去派唔同類型、味道嘅雪糕,食住雪糕行博物館一定會特別醒神㗎啫〜

每個區域都有Team MOIC嘅成員導賞,而展區內亦有好多同雪糕相關嘅資訊、小知識等各位自行發掘,大家可以一邊了解雪糕嘅一切,一邊喺打卡位影相呃Like!

咁多個展區入面最出名就係Sprinkle Pool!參觀都入池影相前都要先除鞋,影完靚相「上水」就可以去Sprinkle Shower度用噴氣槍吹走黐咗喺身上嘅彩針,舒舒服服咁行埋之後嘅展區。

唯一令人苦惱嘅問題係Team MOIC會將參觀者分批限時咁放入Sprinkle Pool,即係話影相嘅時候個背景會有好多人......想要張靚相Post IG就要花多啲心思搵個好位,或者帶個有高超攝影技巧嘅朋友一齊去啦〜

不過最令編輯欣賞嘅地方係MOIC將舊建築嘅一部分融入展覽之中!MOIC舉辨嘅地方前身其實係間極具歷史性銀行,佢哋將銀行留低嘅舊金庫大門加上粉紅色部分,變成雪糕金庫嘅入口,有特色之餘亦增加大眾對呢幢歷史建築嘅認識。

由依加到2月24號佢哋都做緊票價優惠,10個人或以上嘅團體可以每人以US$29(約HK$227)入場,2歲或以下嘅小朋友免費,湊唔夠10個人一齊買飛就要用正價US$38(約HK$298)入場,大小同價。唔想同人逼又有錢嘅話可以選擇包場,價錢就要Email慢慢傾啦〜

Museum of Ice Cream

地址:1 Grant Avenue, San Francisco, CA 94108

官網FacebookInstagram

這篇文章 [LIFE] 冬天都阻唔到我食雪糕!邊食邊影「雪糕博物館」超IG-able嘅博物館 最早出現於 GIRLTALK 有班女仔

關注我們Facebook專頁
    相關新聞
      更多瀏覽