梁洛施晒同場合照 徐濠縈驚現真身
2019年01月11日14:38

最近,鄭秀文、梁洛施、徐濠縈同周汶錡齊齊岀席活動,本身大家都影咗唔少靚靚相,點知佢哋當中有位「豬隊友」相載靚相上個人社交網時,就唔覺意令阿徐驚現「真身」!

撰文:東方新地|圖片:Instagram、新傳媒圖片庫

延伸閱讀:

盤點14個明星感人故事紋身 每個都埋藏深層意思!

蘇民峰2019豬年生肖運程(虎、兔、龍篇)

四位靚女同場

話說,最近鄭秀文、梁洛施、徐濠縈同周汶錡四位靚女就同場出席活動,幾位靚女分別三十同四十幾歲,但keep得好就真係唔洗講,個個都咁省鏡就當然要合照後再晒相啦!

徐濠縈
徐濠縈
鄭秀文IG

徐濠縈驚現真身

不過點知梁洛施上載同場相時就唔知有心定無意,明明係同一個場景,但同框嘅阿徐個樣變得極黑之餘,仲有勁深法令紋,睇落即刻老咗幾十年,搞到連網友都忍唔住講句:「依家啲科技真係發達,阿嬸都可以變童顏。」,真係唔知好嬲定好笑!

徐濠縈
徐濠縈
黑啲同白啲皮膚睇落真係會有年齡上嘅分別…
Isabella同阿徐同框啲膚色都有啲唔同咁喎!

不過相信今次事件應該同燈光及角度有關嘅啫,嚇唔到小編嘅!然而呢次事件睇嚟就令大家學到嘢,就係放相上社交網之前或者要同有份影相嘅友人夾一夾,如果唔係出現啲現「真身」嘅情況就好似有啲尷尬…

康堤拍拖 徐濠縈開綠燈

Eason同阿徐由拍拖到結婚,一齊經歷咗22年,唔覺唔覺,康堤都14歲喇!大個女,最近仲被周刊影到有個男朋友仔,仲成個「嫩版彭于晏」咁款!

康堤
康堤

噚日(21/11)阿徐出席公開活動被傳媒包圍,問佢對康堤拍拖有咩睇法。阿徐心情勁靚表示,有好多朋友都有send 報導畀佢睇,佢冇嚇親,因為佢一早就知康堤拍拖,仲話傳媒竟然咁叻收到風,因為個女唔畀Daddy Mummy睇佢打波,連喺邊度比賽,佢哋都唔知。

阿徐亦都話,康堤已經讀中三,呢個年紀拍拖,同有鍾意嘅人都好正常。仲讚個女嘅男朋友仔都幾靚仔,康堤同佢一樣咁有眼光。希望傳媒朋友錫住佢哋,始終對方唔係藝人,學生哥都唔習慣上鏡。

做媽咪嘅亦都有為個女着想,所以成日都提醒康堤要小心,唔好着校服去拍拖,喺公眾場合要檢點啲。

阿徐話已經見過康堤個男友幾次,Eason就未見過,不過睇佢個樣咁開放,都應該唔會有咩意見嘅。Eason早前喺節目上透露過,自己嘅初戀係12歲嗰陣,喺英國讀書嗰陣發生嘅,對方係一個來自直布羅陀嘅少女。

阿徐話最搞笑嘅係,反而係啲朋友話接受唔到,因為喺佢哋眼中,康堤仲係個好似「梁浸浸」咁細個嘅小朋友,但係其實康堤已經係個有唔少心事嘅少女啦!

相關文章:

徐濠縈 做全職阿媽

邊個話Eason嫂徐濠縈淨係識遊山玩水花錢買衫㗎?十四年來Eason走南闖北忙搵食,康堤順利入女拔又品學兼優,絕對係媽媽徐濠縈功勞。剛過去暑假最後一個周末,本刊就發現廿四孝媽媽親自帶住囡囡去眼鏡舖配眼鏡準備開學。買完眼鏡,兩母女隨意站在街邊雞啄唔斷,眨吓眼就快14歲的康堤已經高過媽媽,兩母女話題多多,好感情到兩姊妹一樣!

徐濠縈
徐濠縈
臨開學,徐濠縈親自出動陪囡囡康堤配新眼鏡準備新學年。下月四日就滿14歲,康堤已經高過媽媽。

雖然陳家有女初長成,不過在Eason同阿徐心目中,康堤始終年紀細仲需要悉心照顧,日前Eason接受訪問,表示雖然自己在英國留學長大,不過就未捨得送康堤離家;至於阿徐,對女兒的學業生活到交友,一樣緊張管到實,知情者透露:「康堤愈 大,阿徐愈係覺得個女有個簡單正常童年最緊要,所以社交網絡一定唔會晒女正面相,偷拍個女彈琴都係得背影。康堤喺學校真係好受歡迎,唔關佢爸爸係邊個事,因為佢讀書叻、性格好、識彈琴唱歌早已係學校風頭躉、唔少師姐師妹都係佢fans。阿徐好緊張康堤交朋友,尤其呢個年紀好易受同輩影響,想佢作風低調啲又怕佢影響學業,所以近年花多咗時間箝實個女,下個月佢間舖執埋,佢就全副精神放番喺個女度,做全職阿媽。」康堤正值少女期,睇實啲都啱嘅!

徐濠縈
徐濠縈
兩母女買完眼鏡,齊齊喺店外駐足雞啄唔斷商量下一站,感情好到兩姊妹一樣。
徐濠縈
徐濠縈
邊和媽媽又傾又講,康堤一邊手多多撥弄長髮,手長腳長的康堤比起型格媽媽多了一份嫵媚。
徐濠縈
徐濠縈
終於決定行程起行去下一站,徐濠縈發現鏡頭友善打招呼,康堤就自細被父母訓練有素,對鏡頭視而不見。
徐濠縈
徐濠縈
Eason嫂生活唔係只得襯衫買衫跑步同見朋友,其實都有慈母一面常伴康堤左右,這日她坐在眼鏡店內靜候去驗眼的囡囡。
徐濠縈
徐濠縈
揀完心水眼鏡畀埋錢,兩母女一齊離開眼鏡店,店員熱情送到出門口。
徐濠縈
徐濠縈
阿徐與友人Dorothy合股的潮服店「Liger」下月結業,曾在銅鑼灣及尖沙咀開店,可惜最終捱唔住。

徐濠縈
徐濠縈

徐濠縈
徐濠縈
幼稚園K3已經開始學鋼琴,徐濠縈自爆康堤未夠13歲已經考獲八級鋼琴,日前仲忍唔住偷拍囡囡練琴擺上網。
徐濠縈
徐濠縈
悉心鋪路安排康堤讀名校、學鋼琴,有天份又有表演慾的康堤早有報導指被圈中人邀入行,不過父母就意見一致,希望康堤有個快樂童年,所以幼稚園以後已經避免放女正面相上網。

徐濠縈
徐濠縈

同場加映:徐濠縈慘遭囡囡康堤嫌棄 話佢扮後生?

徐濠縈早前同囡囡康堤去完韓國旅行返港,阿徐除了表示今次係康堤首次去韓國外,仲話諗住同囡囡一齊學跳K-Pop,因為佢覺得如果可以同個女好似兩姊妹咁樣一齊跳,感覺會幾型,但可惜囡囡表示唔多想同媽咪跳。

徐濠縈與女兒同遊韓國。

徐濠縈被康堤話扮後生?

阿徐又話囡囡而家已經高過自己,平時又會拎佢啲靚波鞋著。但重點係每當阿徐著啲大tee或者著得young啲的時候,康堤就會彈句「媽咪你做乜扮後生?」,真係聽到個心都離一離呀,唔知阿徐心入面點諗呢?

延伸閱讀:

Selina公開變瘦秘訣 3個月體脂30%減到21%!

關注我們Facebook專頁
    相關新聞
      更多瀏覽