鄭秀文約食飯兼拍片 杜sir:做乜唔講耶穌⋯
2019年01月10日14:20

許志安趁新年去咗外國滑雪,留低鄭秀文(Sammi)一個喺香港,雖然同老公短暫分隔兩地,但Sammi不愁寂寞,仲話一向好享受單獨一個人,有時又會趁唔洗陪另一半約吓朋友食飯見面,而呢日佢就約咗合作無間嘅杜琪峯導演食飯,仲拍片開心share一分鐘,到底二人嘅對話係乜⋯

撰文:東方新地 |圖片:新傳媒圖片,鄭秀文IG、許志安、梁家玉Instagram

延伸閱讀:

速學8個派對或約會簡單編髮 手殘女都一定做到!

Selina公開變瘦秘訣 3個月體脂30%減到21%!

鄭秀文IG拍片一分鐘

Sammi日前凌晨喺Ig 出咗新post,佢同杜琪峯排排坐喺鏡頭前,杜sir仲搭住佢膊頭,然後Sammi就問杜sir今日咩事請食飯,點知杜sir就話:「冇嘢!」

之後Sammi同杜sir介紹Ig嘅拍片功能:「好短咋,得一分鐘咋,你唔好發咁多言呀!」明顯好少玩Ig嘅杜sir,就顯露出好奇一面,佢反問Sammi話:「咩一分鐘,咁做乜要講啫,你做乜唔講耶穌?你唔講你愛上帝,你要講喎,如果得一分鐘,你要話畀人聽你愛仁慈嘅上帝喎!」

杜sir忽然講唔停,Sammi惟有笑住咁答佢:「我愛呀!但我講得太多,唔能夠逼,信仰呢樣有自由嘛!」點知杜sir有十萬個為什麼咁繼續問:「咁點解要一分鐘呀?」全程妙問妙答,Sammi都招架唔住:「冇呀!拍啲片上載吓之嘛!」有網民就喺片段下方留言問杜sir係唔係飲醉咗。

而Sammi除咗自拍影片,仲喺Ig留下感性短文「Mi最敬重的人。早已遠遠超乎工作合作關係。他是我的良師,伯樂。每次見面總有聊不完的話題。他現在這個人生階段最希望就是能夠藉着『鮮浪潮』提攜一些新進的電影工作者。他這個人對於後輩的提攜從沒帶着一點私心,完全出自真心真意,因為他愛電影,很樂於提攜後輩,他樂於看見青出於藍勝於藍。每次聚在一起,我們都會聊天,甚麼都聊,好開心好寬心。他明白Mi、Mi也明白他。對於我來說,藉着拍戲認識了這個人和他太太杜太,Mi覺得非常無價。這十八年來沒有令我們的感情減少,反而是遞增反而是更深厚,謝謝杜sir對我的提攜和愛,每次看到他,就猶如看到父親一樣,總之,他活得開心,我就安心。」

見證許志安受洗

2005年鄭秀文(Sammi)拍完電影《長恨歌》後曾患上抑鬱症,情緒一度受困擾,幸而得到朋友及信仰支持,Sammi走出陰霾康復過來,而喺2011年Sammi和安仔復合後,Sammi就帶埋安仔一齊返「港福堂」教會,同年年底安仔已決志信主,直至前年12月17日安仔決定受洗成為真正嘅基督徒。

鄭秀文
鄭秀文
2005年鄭秀文(Sammi)拍完電影《長恨歌》後曾患上抑鬱症,情緒一度受困擾,幸而得到朋友及信仰支持,Sammi走出陰霾慢慢康復過來,所以身為虔誠基督徒的Sammi亦希望自己的信仰,能感染身邊的親朋好友,在前年1月Sammi見證了父母洗禮,到聖誕節之前佢再見證丈夫許志安及好友雷頌德嘅在港福堂受洗儀式!

鄭秀文:人生中其中最最最最快樂嘅事!

身為虔誠教徒的Sammi感染了結婚四年的老公許志安信主,Sammi特別揀喺聖誕節在社交網貼安仔受洗短片,她留言道:「呢個係我人生中其中最最最最快樂嘅事。呢種快樂,深到不知如何形容。分享呢條片並不是要放甚麼閃,而是帶着最大的喜悅分享這個時刻。」

許志安
許志安
Sammi十年前於中國基督教播道會港福堂受浸,十年後的12月17日,丈夫許志安在同一教堂同一水池受浸,她直言是「人生中其中最最最最快樂事」。
許志安全家都有來作見證,好窩心!

Sammi喊住拍片

10年前的12月9日,Sammi在同一地點受洗,老公安仔喺同一個月份、同一個地點受浸,Sammi感受甚深,負責話拍片的她自言激動到喊,手都震埋,所以拍得好差,Sammi寫道:「呢種快樂,是來自心靈上、精神上和靈魂上的,沒有其他快樂可以比擬。安仔受浸了,我再沒甚麼需要擔心他,因為天父會帶領他的每一天。」

Sammi感染到老公許志安信主,在對方受洗一刻感動到喊。

雷頌德夫婦 同一日受洗

早排雷頌德夫婦喺IG上載受洗嘅片段,仲話感謝Sammi帶領佢哋信主,原來佢哋同安仔同一日受洗,而煮食好叻嘅Mark嫂,仲整咗啲十字架形嘅餅送畀好友們,相當有心思。

深宵睇《蓋世豪俠》笑住瞓!嚴選最想大台重播的8套經典神劇

靠吳綺莉接濟 卓林煙駁煙遊街

插菊梓喬冇人撐!吳若希發難扭跳槽

吳孟達慨嘆與星爺形同陌路 揭17年冇再合作的原因

搣甩地獄廚神惡名 黃翠如煲靚湯 蕭正楠嗌「好滾動!」

背同居有米男友收兵 江嘉敏姣撻伍允龍

《比悲傷》女主角陳意涵 陀B八個月 肥B唔肥身

結婚29周年 同戚美珍錫錫放閃!苗僑偉:一定照顧佢一生一世

傳應采兒陀第二胎!陳小春全家福相留言藏暗示?

貼廿年前孕照 慶囝囝生日 曾華倩:上天賜我最寶貴禮物⋯

【守護神之保險調查】入行逾三十年!60歲苗僑偉 嫩男變型佬

剝牙唔怕痛!陸永5歲細女最怕居然係呢樣嘢…

延伸閱讀:

蘇民峰2019豬年生肖運程(猴、雞、狗篇)

關注我們Facebook專頁
    相關新聞
      更多瀏覽