剝牙唔怕痛!陸永5歲細女最怕居然係呢樣嘢…
2019年01月03日17:23

陸永同太太Reina有兩個女陸一穎(Hannah)同陸一心(Simsim),佢哋生得可愛又精靈活潑,深受網民喜愛,日前Reina就帶咗細女Simsim去剝牙,估唔到年紀小小嘅佢唔怕剝牙痛,反而係怕另一樣嘢⋯

撰文:東方新地| 圖片:Reina陸永Instagram

延伸閱讀:

蘇民峰2019豬年生肖運程(猴、雞、狗篇)

速學8個派對或約會簡單編髮 手殘女都一定做到!

陸永 5歲細女剝牙唔怕痛

話話5歲嘅Simsim依家喺換牙階段,近排因為有隻牙仔頂住,所以Reina就帶咗Simsim去剝牙。剝牙時要由於麻醉藥太苦,所以醫生同Simsim搽緊藥嘅時候,搞到成個慘樣出咗嚟,結果苦到噴咗啖口水出嚟。

陸永
陸永

媽媽仲剝牙過程嘅片段上載到Instagram,話:「呢個BB好得意… #啲麻醉藥好苦 #佢平時唔會亂噴口水㗎」。

Simsim剝完牙之後表示一啲都唔痛,只係覺得啲藥好苦,仲依起棚牙俾媽媽影相!Reina就留言話:「豆契媽唔知用咗零點幾秒剝咗啊Sim隻牙,好快手!冇感覺!佢話係啲藥苦啫!」

勁玩瑜珈賀甩牙

係剝牙之前,SimSim用手摸自己隻就快甩嘅牙仔,之後轉頭就見佢食嘢,但最估唔到嘅係佢突然做拱橋,認真夠難以捉摸!

陸永嫂智鬥5歲細女完敗

Reina在社交網台上載了一張照片,相中Simsim喺露台「披頭散髮」咬住蘋果,期間Reina勸囡囡「你可唔可以去夾返好啲頭髮呀?」,Simsim一句神回覆「應到媽媽行」,佢話:「我依家唔係做正經嘢,唔想扮正經囉⋯⋯」Reina無奈留言:「real到你嬲」。

網民笑言Simsim係「人生哲學家」

對著小小金句王Simsim,網民隨即紛紛留言:「好正 美貌與智慧並重」、「佢又好似有啲道理」,更有網民封佢為「人生哲學家」,追問「Sim sim幾時出書呀」

View this post on Instagram

無限表情放送…

A post shared by MISSUS 6 (@missussix) on May 2, 2018 at 9:10am PDT

陸永嫂勸女食蘋果 網民:完美演繹「死妹丁」

隨後,Reina又上載了一段短片,片中細女Simsim認真做勞作,Reina期間叫她「快啲食個蘋果啦」,一心做勞作的Simsim當場拒絕:「唔想呀」。Reina繼續耐心勸囡囡,試用「唔食就畀蟻蟻食」,Simsim竟回覆:「蟻蟻你食吖食吖食吖…」,更作勢擺蘋果落地。

Reina:“陸一SIM呀!”

Simsim:“吓?”

Reina:“你快D食個蘋果啦…”

Simsim:“唔想呀…”

Reina:“蟻蟻食㗎喇咁樣…”

Simsim:“AIYA…蟻蟻你食丫食丫食丫…擺落地下…”

#我應該點畀反應

#佢唔問返我佢係咪好有愛心我做咩要投降

網民又在紛紛留言大讚Simsim:「好可愛」、「搞笑」、「真係遺傳晒陸生」。

天賦異能?靠運攞劍撃比賽第二名

「幾日前學校問ah Sim有冇興趣參加劍撃比賽…「吓?佢冇學過㗎喎…」就咁佢就喺學校學咗幾日,話佢靠運攞咗個第二名都唔過份丫。#你好嘢 #學幾日攞到第二名他日必成大器 #冠軍真係有姿勢有實際㗎」

Simsim做捧場王 網民:「老竇跟阿女學嘢啦!」

陸永日前在 IG 上載一條細女 Simsim 聞歌起舞的短片,片中 年僅5歲的Simsim 聽住爸爸的新歌,好有節奏咁興奮熱舞,不少網民大讚她非常有天份,紛紛留言:「SIM真係表演能力極強」、「點解個 groove 可以咁襯」、「老竇學嘢啦!」

話說我老婆loop緊農夫首新歌,竟發現有人以粵劇打扮排緊舞!@missussix #究竟佢喺邊度摷件咁嘢出黎 #又點解會覺得襯隻歌呢

其實Simsim平時已經非常有表演欲,鐘意跳舞之餘,仲好鍾意自己琢磨演技,甚至指導父母配合。看來SimSim真的遺傳晒爸爸的藝術細胞!

好憎打風冇學返 陸永囡囡:「喺屋企玩到冇嘢好玩」

打風停課,唔少小朋友都覺得「唔駛返學」好高興。不過,陸永細女SimSim就有好似有啲不滿。陸永嫂Reina昨日又分享囡囡趣事:「兩姊妹話個「山竹」好衰,好憎打風,搞到佢哋冇得返學,又冇得出街玩」而且囡囡最唔開心嘅係因為「喺屋企已經玩到冇嘢好玩」有網民就留意話:「居然想翻学,我都想停课!」

陸永6歲大囡諗法成個老積鬼

日前,陸永太太Reina喺個人社交網上載同大女Hannah嘅合照,仲留言話:「我問Hannah點解日日喺學校做功課,小息唔去玩,佢話『你imagine下放學返到屋企唔駛(使)做功課,可以玩又得,睇電視又得,係幾Free……』」。

媽咪都答唔到呀女問題

聽到囡囡咁問看己,Reina亦不禁續指:「最近接放學,一上到車就會問我『媽咪,我諗唔到返到屋企可以玩咩?』做曬(晒)功課嘅煩惱」,即係簡單暗示要出街玩,睇嚟陸永大女都真係幾醒目喎!

陸永老婆嬲到震刪Post爆鬧老公

話說,喺娛圈出名係「愛妻號」之一嘅陸永喺上個月老婆Reina生日時就獅子開大口,應承對方會去學車同報埋名學影相,當時氹到Reina鬼咁開心,以為老公真係會言出必行!

Reina10月生日時,陸永話學車同報埋Course學影相!(呢個Post已被刪)

愛妻號變成「呃妻號」!

點知陸永之後竟然喺活動上就話「都係交吓功課先」,簡單嚟講就係氹住老婆先,結果陸永開嘅呢張「空頭支票」,搞到Reina日前喺個人社交網嬲到爆Seed鬧爆陸永指「以後大時大節咪再送禮物」,隔住個Mon都感覺到陣火藥味!

Reina上載咗張灰底黑字圖,字𥚃行間睇得出其心灰意冷,加上一大堆嘅hashtag「嘥錢學車做乜都唔係為咗pass係為咗畀張收據我睇」、「簡單啲直接啲好」、「我識得自己安排」,睇嚟陸永今次都有排煩!

最後Reina喺留言度話代老公送份禮物畀自己就係去西藏,仲叫佢留喺屋企湊女!冇幾耐,陸永都知衰,即刻喺個post度留言:「暫時不作回應,等我考到個車牌再拎住部相機自拍一張俾(畀)你」,試圖冧番老婆!

今次陸永形象盡毀,由「愛妻號」變咗「呃妻號」!

不過兩公婆床頭打交床尾和,Reina似乎好似已經下咗啖氣,皆因佢終於再上載兩公婆參加生日會嘅合照!話咁快,兩個人就耍完花槍!

View this post on Instagram

參加生日會… rehearsal

A post shared by MISSUS 6 (@missussix) on Nov 3, 2018 at 11:19pm PDT

陸永趁老婆生日送貼心禮物

10月10日係陸永太太Reina個生日,佢就喺Instagram晒出老公送的生日禮物,並冧爆咁話:「從來未收過咁sweet 嘅生日禮物!」隨即一眾網友大直呼:「好甜!」、「甜到漏!」,仲被一眾網友封為「最幸福人妻」。究竟「愛妻號」陸永送咗咩貼心禮物令老婆咁感動?之前見陸永成日有老婆接送,原來陸永一直唔識揸車唯有依賴老婆。今次老婆生日陸永就鼓起勇氣送驚喜:「日日見你咁頻撲,好攰好眼瞓,想幫輕下你又無能為力,所以鼓起勇氣去學揸車!」

除咗去揸車,陸永買咗部相機幫屋企三位「少女」留下美好回憶,「老婆,你講得啱,我係應該幫你同兩個女影多啲見得人嘅相,所以我買咗部相機報埋個攝影班!」真係Sweet到爆呀!

陸永 5 歲細女做捧場王 網民:「老竇跟阿女學嘢啦!」

陸永早前在 IG 上載一條細女 Simsim 聞歌起舞的短片,片中 年僅5歲的Simsim 聽住爸爸的新歌,好有節奏咁興奮熱舞,不少網民大讚她非常有天份,紛紛留言:「SIM真係表演能力極強」、「點解個 groove 可以咁襯」、「老竇學嘢啦!」

其實Simsim平時已經非常有表演欲,鐘意跳舞之餘,仲好鍾意自己琢磨演技,甚至指導父母配合。看來SimSim真的遺傳晒爸爸的藝術細胞!

陸永夫婦結婚7周年紀念 老婆大覺瞓唔睬佢?

農夫成員陸永近年多得Do姐提攜,人氣急升,拍劇、拍戲、主持、廣告瓣瓣掂,陸永同時係娛樂圈出名的愛妻號,與老婆Reina婚前婚後都非常恩愛,仲生咗兩個好可愛的囡囡Hannah同Simsim,不時在網上晒家庭樂,羨煞旁人!

陸永同老婆Reina不時都喺網上放閃!
一家四口好幸福!
兩個女兒同爸爸一樣咁有型喎!

真係「七年之癢」?

成日聽人話「七年之癢」,捱唔捱得過其實都係視乎情侶或者兩公婆的造化,尤其係生活喺多姿多采的娛樂圈中!不過陸永同Reina應該冇問題啦,日前佢哋兩公婆結婚七周年紀念,陸永就準備好大束紅玫瑰氹老婆,但相中見到Reina大覺瞓,完全冇理會陸永,用背脊「得」住佢,搞咩先?

陸永感言多謝老婆

之後陸永留言解釋番,仲多謝老婆:「今朝一早佢車個女返學,跟住接放學,再車第二個女返學,再接放學,再車返屋企煮晚飯畀佢哋食……我收工返嚟,佢已經攰到瞓死咗了,辛苦你了。結婚七周年快樂,我愛你。」

到Reina第二朝起身,佢都即時喺網上補番靚相,留言多謝陸永:「陪我一齊早起湊女,陪我一齊食早餐,陪我hea住打機等女放學,就算冇花我都覺得好浪漫… 」

陸永
陸永
真係好Sweet!

陸永外父欠債走數

陸永與老婆Reina及一對女兒一心、一穎非常幸福,不過其實背後都有唔少辛酸,尤其去年特別多事發生!因為陸永裝修工程的外父欠債纍纍兼走數,連累Reina被人上門追債滋擾!

陸永同太太都鍾意在lG放閃,一家四口幸福滿瀉!

陸太Reina被滋擾愁爆

日前陸永不在港,陸太Reina獨自揸車送囡囡返學,被問到老竇走數連累佢不停畀人追債滋擾一事,Reina顯得相當緊張:「係呀!」問到個數目多少?Reina皺眉話:「已經幫佢(指父親)唔到!」之後就急急腳上車離開。事實上,Reina父母早年離婚, Reina跟父親關係疏離,至近年父親向Reina表示開設裝修材料公司,因為生意周轉唔到要借錢應急,而據知陸永覺得嗰個始終係外父,所以最後都有借錢,但估唔到會沒完沒了!

陸永不在港,上周五陸太Reina獨自帶女返學,被問到被父親牽連畀收數佬騷擾,Reina一臉無奈。
Reina拖著女兒急急腳趕返學校!
出發去意大利前,陸永就同太太一齊送兩個囡囡返學, 兩個囡囡得意可愛, 更遺傳咗爸爸DNA ,非常開朗又識氹人開心。

美容院退股避滋擾

去年陸永打本給太太與友人合資開設美容院,將裝修工程交給外父負責,完成裝修後更已經找清所有款項,惟美容院正式營業時,不時有工人及其他人上門追數,令Reina情緒非常低落。據知陸永勸太太退股離開美容院,雖然突然退股損失咗一筆錢,又會影響到朋友,錢冇咗可以再賺過,又唔使再被騷擾。

受父親欠債打擊至落晒形的Reina,不願多講父親,只表示近日冇被騷擾。

陸永:太太瞓唔到覺

以為退股一了百了,直至最近再有另一班債主,去騷擾陸永太太已退股的美容院,陸永外父欠債纍纍才爆煲!身在外地的陸永電話回覆本刊記者:「佢哋不停打電話去太太已經退股的美容院要搵我太太出嚟,甚至搵埋我出嚟!」陸永直指外父債項是無底深潭,已經令陸永夫婦無法處理,陸永現最擔心係太太心情受影響,太太更因終日擔憂而失眠!

農夫現正同Do姐及蕭正楠去了意大利拍攝《Do姐再shopping》。

發聲明斷絕關係

心情大受影響的陸太,上月中就忍痛發聲明同父親斷絕關係。Reina在聲明中表明立場:「有關陳X X 及駿星材料工程有限公司對外之一切行為及金錢糾紛,一概與本人無關!若任何人就上述之事宜,或因本人丈夫之身份,而向本人作出任何要脅、騷擾或纏擾之行為,本人必將報警處理。」其實Reina就曾在lG亦試過嬲到留言發洩:「 希望爸爸似返個人!」據知陳爸爸在外邊早有第二頭住家,卻不理大堆債項影響女兒,幸好這段艱難時間,Reina有個顧家又負責嘅好老公陪她並肩作戰。

長期受騷擾的Reina,以中文名陳莉娜發聲明,忍無可忍同欠債走數的父親劃清界線。

延伸閱讀:

Selina公開變瘦秘訣 3個月體脂30%減到21%!

關注我們Facebook專頁
    相關新聞
      更多瀏覽