張振朗秘撻Viu TV女藝人楊偲泳 男方親口咁回應!
2019年01月02日17:02

早前先傳出現時31歲嘅張振朗越級媾掂視后現時37歲胡定欣,不過原來一切可能只係個煙幕!皆因日前張振朗被踢爆暗撻現時25歲、被網民封為「巨咪陳妍希」嘅Viu TV女藝人楊偲泳!

撰文:東方新地|圖片:新傳媒圖片庫、Instagram

延伸閱讀:

速學8個派對或約會簡單編髮 手殘女都一定做到!

蘇民峰2019豬年生肖運程(蛇、馬、羊篇)

張振朗秘撻Viu TV女藝人楊偲泳

最近,31歲嘅張振朗被爆暗撻25歲被網民封為「巨咪陳妍希」嘅Viu TV女藝人楊偲泳。據知二人於朋友聚會中相識,而張振朗更對對方頗有好感,所以短短數日雙方感情迅速升溫!

張振朗
張振朗
現時31歲張振朗
張振朗
張振朗
被網民封為「巨咪陳妍希」嘅Viu TV女藝人楊偲泳

前年張振朗憑劇集《踩過界》人氣急升後一劇接一劇,由於男方正處於上位時間,所以二人刻意將戀事低調處理,就算互相關注對方個人社交網,亦甚少交流以免露出端倪!

View this post on Instagram

睇個頭都知今次係盡力一鋪! Thanks @larz214 #極道怪咖

A post shared by 張振朗 (@owencheung) on Dec 28, 2018 at 2:03am PST

早排聖誕節,張振朗出席商場活動時於台上唱出情歌《愛的就是你》,而楊偲泳更被目擊現身低調對方撐場,其後仲讚好張振朗喺社交網上載嘅唱歌視頻!

除此以外,最近為拍新劇《機場特警》而染了一頭白髮嘅張振朗就趁唔洗開工,爭取時間拍拖,做柴可夫,去接女友楊偲泳收工!

張振朗最近為新劇《機場特警》進行拍攝。

男方親口回應

而當張振朗被傳媒追問新戀情時,佢就承認與楊偲泳喺朋友聚會認識,但二人處於互相了解中,並指希望各方俾啲空間佢哋,期間張振朗更不忙大讚女方係個好女仔,指對方同佢一樣咁鐘意演戲,睇嚟張振朗堅係好冧對方喎!

View this post on Instagram

A post shared by Bluemoon | Sunsetholic (@renciysw) on Dec 28, 2018 at 10:32pm PST

今年25歲嘅楊偲泳曾於歌手王灝兒JW嘅歌曲《矛盾一生》MV擔任女主角而開始為人所認知,其後參與Viu TV節目拍攝。

View this post on Instagram

A post shared by Bluemoon | Sunsetholic (@renciysw) on Dec 23, 2018 at 1:26am PST

View this post on Instagram

1’c

A post shared by Bluemoon | Sunsetholic (@renciysw) on Dec 21, 2018 at 1:20am PST

楊偲泳外表甜美,亦有「巨咪陳妍希」之稱,雖然未知呢段戀情能否開花,但於娛樂圈而言就絕對係2019年第一宗開心事!

View this post on Instagram

Smiling vs not smiling

A post shared by Bluemoon | Sunsetholic (@renciysw) on Oct 15, 2018 at 8:34pm PDT

View this post on Instagram

你們都要幸福安康🌖

A post shared by Bluemoon | Sunsetholic (@renciysw) on Sep 24, 2018 at 5:52am PDT

延伸閱讚:

張振朗越級媾掂視后

早前傳出37歲胡定欣與31歲張振朗撻著,二人於上年3月為新劇《包青天》出發到橫店及新疆拍外景,一拍就50日,朝見口晚見面,相處後擦出愛火花。

胡定欣
胡定欣
胡定欣與張振朗被傳因合作拍新劇《包青天再起風雲》擦出火花,發展相差6歲的姊弟戀。

去年未埋堆

據知開劇前胡定欣與張振朗從未合作過所以並不熟絡,不過張振朗與謝東閔是好兄弟,而謝東閔亦是「Crazy Runner」的成員,不時與胡定欣一齊去練跑,知情者透露:「Owen(張振朗)係個好有正能量嘅人,每次同佢合作都會好開心,去到橫店同新疆,除咗拍劇根本冇其他娛樂,佢就好識搞氣氛又會搵啲小玩意同劇組一齊玩,完全係開心果,就係咁樣就融化咗定欣喇!定欣同佢相處後覺得個人開心咗好多,佢哋仲會傾吓心事咁,好自然就日久生情。返到香港佢哋keep住有聯絡,Brian(謝東閔)同姚子羚亦鼓勵定欣唔需要顧慮咁多,最緊要係有感覺同開心。不過因為Owen同Apple(陳芷尤)分手冇耐,佢哋唔想惹人話柄,想慢慢了解多啲先,所以好多時出嚟都一大班人,定欣亦成日喺Owen IG留言,私底下都好sweet㗎!」

胡定欣
胡定欣
胡定欣與謝東閔、陳山聰因組成「Crazy Runner」而成為好友,而張振朗與謝東閔是好兄弟,惟過去的聚會未見過張振朗出現,前年10月陳山聰生日,胡定欣與張振朗仍未合作與熟絡,冇份亦屬正常。

早前豹哥(單立文)開騷,豹嫂(胡蓓蔚)夫唱婦隨,成班「胡說八道」姊妹加「Crazy Runner」成員拉隊捧場,張振朗亦埋堆一齊影合照,為免露出愛的蛛絲馬跡,他與胡定欣企到離行離列,不過合照曝光後,張振朗的出現已令外界起疑心。

胡定欣
胡定欣
有指張振朗與胡定欣北上拍外景兩個多月萌生愛意,劇集殺青仍頻頻見面,5月張振朗更融入胡定欣的閨密堆,齊齊去欣賞「豹哥」單立文的演唱會,男方亦被發現低調到場支持胡定欣上月演出的舞台劇。

棄尤物追視后

張振朗近年上位如坐穿梭機,加入無綫六年由二打六做到男一,星途算是順暢,不過論演藝年資,與視后胡定欣仍有一定距離。張振朗與陳芷尤多年來一直以「好好朋友」互稱,拍拖多年已經去到同居階段,去年戀情更慢慢浮出水面、歐遊、見家長,男方探班仲探到去新加坡,仲以為轉入直路修成正果,點知上年4月張振朗與陳芷尤同一時間、同一個景點、同一段說話,仲煞有介事強調分手不涉及第三者,分別在個人IG公布分手消息,有指這段感情始終敵不過小花連環埋身,再加上張振朗事業起飛與女友相距愈來愈遠成分手導火線。

拍拖多年共賦同居,張振朗一直收收埋埋與陳芷尤的情侶關係絕少放閃,可惜呢段情始終敵不過男方緋聞纏身。
去年5月,張振朗與陳芷尤歐洲浪漫遊法國、荷蘭,當日愛的印記拍下的照片,今年4月則被用來作分手公告,亦是張振朗唯一一次承認陳芷尤的女友身份,二人連分手都夾定出po,仲煞有介事強調不涉及第三者。

雖然成功令胡定欣暗裡著迷,但張振朗形象帶點花弗某程度上會令女方缺乏安全感,據知胡定欣為穩陣起見想觀察一段長時間,知情者透露:「定欣喺情路上真係經歷唔少,每次公開戀情都過唔到三年,都咪話唔信邪,今次佢真係想睇清楚先,唔想再受傷。始終Owen細佢6年,定欣真係想搵結婚對象,冇時間再玩玩吓,其實佢曾經講過再搵男友都要搵個好鍾意小朋友嘅,因為佢都想做媽咪,Owen係好鍾意小朋友,成日都會幫手湊佢兩個姪仔,定欣知道佢好享受家庭生活,直覺上唔會差得去邊,不過相處同磨合上仲要啲時間。」

37歲胡定欣與31歲張振朗自傳出戀情後,二人都表現風騷,胡定欣承認試過姊弟戀,更公開大讚張振朗有上進心係好男仔。

胡定欣
胡定欣

姊弟戀有經驗

《宮心計2深宮計》早前播完,胡定欣人氣繼續飆升,投入舞台劇《偶然・徐志摩》後又馬 不停蹄飛去加拿大多倫多開演唱會,有愛情滋潤的她未見疲態,每次現身都春風滿面。對於與前度陳道明分手後Dry足兩年終開齋,胡定欣雖否認戀情,但仍忍唔住大讚張振朗:「吓!咁搞笑咁有趣,佢係好男仔嚟嘅。我以前都試過同細過我男仔拍拖,蘇師傅(蘇民峰)話我相學上好適宜搵年紀比自己輕嘅男仔,其實年齡相差大唔係問題,最重要係溝通得來。」談到跟張振朗合作《包青天》很開心,定欣大讚他有上進心,又承認二人傾得埋有共同話題,聲稱到了這個年紀不會挑剔太多。既然不抗拒姊弟戀,唯一嘅顧慮可能係女尊男卑,咁發展住地下情先,等張振朗做埋視帝,到時先公開門當戶對囉!不過馬國明輪咗咁耐都未到佢,張振朗應該要等吓喇!

橫店攻欣50日

二人先去橫店再去新疆,連拍50日外景日對夜對,張振朗、胡定欣、姚子羚與曹永廉等人經常嘻哈玩樂等埋位,睇得出眾人相處得好開心,而張振朗與胡定欣更是形影不離。

再戰新疆

橫店拍完再飛新疆,張振朗與胡定欣已經玩埋一齊,胡定欣更喺男方頭上舉 ,二人又同穿黑衫黑褲情侶裝現身機場,襯到絕。

張振朗(@owencheung)分享的貼文於PDT 2018 年 5月 月 1 日 上午 12:01張貼

溫馨玩自拍

能夠得到視后歡心,張振朗當然有其過人之處,飾演「展昭」的他為氹胡定欣,不時主動撩玩自拍,而胡定欣亦玩得好開心,好受落。

胡定欣
胡定欣
胡定欣
胡定欣

蛋糕洩密

張振朗上月20日生日,晒出「展昭」造型蛋糕,負責製作的蛋糕師正是胡定欣好友,有指是她專誠訂製蛋糕送男方驚喜。

胡定欣
胡定欣

延伸閱讀:

Selina公開變瘦秘訣 3個月體脂30%減到21%!

關注我們Facebook專頁
    相關新聞
      更多瀏覽