【專訪】鍾欣潼新碟幸福滿滿 大讚老公願意經常陪伴自己
2018年12月19日11:22

鍾欣潼(阿嬌)將在本月20日與老公賴弘國於香港擺酒結婚!公司為阿嬌推出國語碟《聽說的幸福》作為禮物,主題全部都圍繞着幸福,向大家分享新婚的喜悅。

「幸福」的定義

今次阿嬌推出純國語碟,問她是否想用國語唱給老公聽?她表示其實不是為了老公:「都唔係因為我老公講國語,所以錄國語歌。就係因為覺得國語市場好大,想同大家分享呢個喜悅。」

問到對於「幸福」的定義,阿嬌就覺得陪伴是最重要:「可以搵到一個願意花時間,同埋肯遷就我嘅人!」講到專輯中《你不會懂》這首歌講缺乏安全感,而阿嬌和老公又屬於長距離戀愛,阿嬌就指這是台灣電視劇的片尾曲:「我識Michael時就係拍緊呢部劇,我覺得我主要嫁畀Michael嘅原因係佢願意成日飛過嚟陪我。佢肯維繫呢段感情我覺得好開心!」

守不到秘密

整張專輯中,阿嬌表示自己最喜歡就是《聽說的幸福》這首歌:「本身呢隻歌係一個驚喜想送畀我老公嘅一份結婚禮物。特登搵汪蘇瀧寫曲同詞,度身訂造畀我。本身想放喺婚紗video入面,想喺婚禮度播!但係我唔係守到秘密嘅人,咁我好早就已經畀咗Michael聽,因為收到呢隻歌真係好開心,覺得好感動,好想快啲同佢share!」

《幸福出發》歌詞中有「Baby Baby 愛情麼麼噠」這些撒嬌用語,阿嬌表示自己不是一個嗲的人,錄的時候感到好尷尬,一路錄一路覺得好想嘔,她說:「第一次用一個咁甜嘅聲去錄一隻歌!本身隻歌叫《麼麼噠》,又有啲過份咗嘅我覺得!」

婚紗好細件!?

快將在香港擺酒,阿嬌最近更在網上分享自己的減肥計劃,又首次公開體重,減肥決心很大:「好想大家督促住我去減肥,因為我唔係一個中意健身嘅人,會有好多藉口!一開始咗拍呢個片之後就好似冇得後悔,同埋冇得退。」問到是否因為婚紗好性感好少布?阿嬌就笑言婚紗不性感,但好細件

關注我們Facebook專頁
    相關新聞
      更多瀏覽