【頒獎禮】完美演繹新手媽咪 36歲李佳芯首奪視后
2018年12月16日23:10

《萬千星輝頒獎典禮2018》,李佳芯、陳煒及黃智雯賽前被認為是大熱之爭,最終由近年上位的36歲李佳芯得獎,她在《BB來了》中的「唐恬兒」演活新手媽媽的苦與樂,贏得民心,終首度榮登視后!

編輯:Chloe、東方新地|圖片:新傳媒圖片庫、TVB劇照、李佳芯IG

延伸閱讀:

全港53間直資私小學費一覽 10大學費最平直資私立小學

【童星兄弟】「大喊十」浸大畢業 王秉熹奪全球大學電影獎

36歲李佳芯首奪視后

入行10年的李佳芯憑《BB來了》獲《萬千星輝頒獎典禮2018》「最佳女主角」,首奪視后,恭喜晒Ali!

李佳芯上台逐一多謝,她說︰「我要多謝一型允豬呀!」之後她讀出一眾允豬的名字。她說︰「我唔係贏在起跑線嘅人,我一直都好努力靠自己,做好眼前角色,我只係知一直都要做好。」

李佳芯《BB來了》完美演繹新手媽咪

繼上年憑《踩過界》嘅蒲精法官角色橫挧多個獎項後,近日李佳芯喺熱播中嘅《BB來了》豁出去演「港媽」唐恬兒,七情上面演活由女強人因有意外有咗而表現出做準媽媽的不安心情,獲網友激讚!

0
0

李佳芯向老公表現出對未知的未來感到非常害怕,並直言:「你知道我犧牲了多少嗎?你知道一個女人懷孕代表什麼嗎?係事業、身材、樣貌各方面即時賭上!」

李佳芯專演小三 姣上位!?

14年在台慶劇《名門暗戰》中飾演岳華的情婦狐狸精Ivy,與關菊英大鬥法引起不少觀眾的關注。隨著人氣和關注度不斷的提升,她開始演出不同的電視劇,包括《倩女喜相逢》中演九尾狐、《潮流教主》、《巨輪II》等,在劇中的性感、邪性演技好評如潮。

2017年更憑著《踩過界》中喜愛夜蒲的女法官獲得《星和無綫電視大獎2017》「我最愛TVB女主角」,「姣」到上位的代人物。

李佳芯 肯捱肯搏好相與

其實,當年由model做起嘅Ali,原來在旅遊記者界出名肯捱肯搏好相與,大約13年前開始已多次跟住記者上山下海,由台灣、日本,去到意大利、澳洲、斐濟,最勁仲去埋南極!以下的版面同靚相,眼利嘅網民又記唔記得先?

李佳芯
李佳芯

由收費電視主持,轉到大台做是非精,再由情婦角色做到入屋,全靠呢副剎食笑容。

李佳芯
李佳芯
Ali去年在劇集《踩過界》中變身豪放大法官,以前出trip著健康Bikini碎料啦!

外貌不是一切 喜愛李佳芯的4種迷人特質

坊間女神有兩種,一種是一見到雙眼「bling bling」,但很快就開始有負評,而另一種同樣地樣貌令人非常驚歎,但人氣卻是直線上升,無可挑剔的。Ali就好像是第二種女生,在熒幕前曝光得多,愈多人喜愛。或者是因為李佳芯除了樣貌之外,更有很多迷人的特質。

1. 素顏一樣得

先別說她的內在,化妝後的Ali一定是女神,五官標致。不過可能大家一定會說「落妝睇吓佢真面目先啦!」偏偏這位女神最愛的,就是晒素顏樣給大家看,完全不吝嗇。素顏的Ali雖然比平時化妝的她暗淡無光了一點,但五官依然還存在,可以看得出她沒有過分「喬裝」,而且皮膚又白又少瑕疵,完完全全是一個女神!

View this post on Instagram

The way to celebrate my 700K ig followers… fooooot high five!:)) #ALife

A post shared by Ali 李佳芯 (@aliaime) on Nov 23, 2018 at 5:33am PST

2. 不愛高調

很多所謂女神都好像很喜歡「show off」自己,不過這位女神雖然貴為視后,但相當低調!當大家認為做娛圈可以住豪宅、有車接送時,這位視后卻是同家人同住公屋,出入都以公共交通工具代步,從不show off自己的名氣!當然,女神都有私生活的,經常被傳與ViuTV主持陳炳銓的戀情,Ali都只會略略帶過,貫徹她低調個性。

女神愛低調,平時都打扮樸素去坐公共交通工具!
就算私生活,與陳炳銓的「戀情」都是非常低調。

3. 超級慳妹不港女

Ali跟很多女生一樣愛扮靚,愛打扮!不過不同的是,雖然自己是明星,但閒時卻不愛買品牌,只愛去平民小店購物,而且有時亦不理大明星的面子,以公共交通工具代步!不買名牌這個點,試問有多少個女生做得到呀?

4. 睇得又玩得

很多女神都背住一個「包袱」,經常要給別人感覺是溫柔、文青呀高貴呀,但卻令自己失去生活趣味。不過,Ali卻一點都不care,早在有線電視主持時,已經是主打傻大姐形象,到主持無綫節目《學是學非》時,還跟一班「是非精」玩到癲,女神形象又玩得又睇得!

View this post on Instagram

珍 惜 出 現 在 身 邊 的 小 天 使 , 那 是 修 來 的 福 氣 🌾 #ALife

A post shared by Ali 李佳芯 (@aliaime) on Nov 3, 2018 at 5:05am PDT

《BB來了》講啲咩可以收視咁高開?

《BB來了》以陪月員作為背景,主要講述新手爸媽嘅血淚史,更包含婆媳關係同家庭糾紛等貼地嘅生活日常問題,引嚟迴響,劇集人氣可謂節節上升。無論係未婚定已婚,未生BB定已生BB,劇集嘅討論度都甚高,更難得有唔少90、00後都肯坐定定睇TVB~有傳媒消息更指首集平均收視已高達29.3點,雖然仲未有官方數字,但以暫時形勢嚟講,《BB來了》都好大機會成為2018年首集最高收視嘅劇集喎!

BB來了
BB來了
第一集就如劇名一樣,講述女主角唐恬兒(李佳芯飾演)與男主角葉致廷(黎諾懿飾演)是新婚一年 ,仍處於甜蜜期的夫妻,二人正為事業拼搏期間,卻突然意外有了BB,結果將一切計劃打亂。
BB來了
BB來了
劇中更有唔少好戲之人,演出自然細膩
BB來了
BB來了
劇中,李佳芯飾演一位名牌買手,平日食好著好兼經常出入高級場所,加上備受公司重用,故準備到巴黎受訓一年後,就可以平步青雲晉身管理層。
BB來了
BB來了
而神之馬壯黎諾懿就飾演Ali劇中嘅老公葉致廷(Elvis),係一名35歲嘅高級餐廳與酒吧經理,但因為老婆突然懷孕,睇怕都要遠離夜夜笙歌嘅品味人生喇~

小品劇情口碑好 揮贏大製作

近年嘅劇集,成功與否都頗視乎口碑及討論程度,而2018起至今,晚上兩線黃金劇集時段共播出13套劇集,已包括唔少無綫谷到好行嘅「大製作」,好似《溏心風暴3》、《天命》、《飛虎之潛行極戰》,但睇嚟都唔夠《BB來了》收視高開喎!低成本高收視,高成本反而⋯⋯啲高層唔知有冇都嚇到窒一窒呢?

天命
天命
依家同期播放中嘅劇集《天命》,雖然有陳展鵬、唐詩詠、姚子羚、李施嬅等小生花旦出演,但劇集嘅口碑同收視都不及《BB來了》。
老實講,由零六年到依家,《溏心風暴》次次都爭產,又炒埋啲咩金句,觀眾都厭啦~
《衛斯理》系列同內地合拍,又有大卡士,網民都唔Buy,話寧願睇番舊版喎~
《飛虎》嘅題材都冇話非常入屋

小品更易引起共鳴

反觀近年唔少小品劇集都受到香港觀眾熱捧,劇情圍繞日常生活,係更多觀眾嘅日常寫照,更容易引起共鳴。呢啲劇集投資預算未必好多,仲可能係編導小試牛刀之作,較少依賴卡士又或堆砌金句,劇情有趣貼地,配合細膩嘅演出令不少觀眾投入其中。

唔少親情片或講述倫理關係嘅劇集收視同口碑皆不俗,例如《親親我好媽》題材超入屋,平均收視25點,最高曾錄得31點
《果欄中的江湖大嫂》平均收視為26.2點
《一屋老友記》平均收視為28.2點,最高收視曾錄得35點

寫實對白反成精警金句

好對白自然為一套劇集大大加分,《BB來了》都有唔少精警金句,談及產後抑鬱、夫妻關係、陪月話題、婆媳糾紛,好能夠反映港爸港媽嘅現實生活,呢啲事件就算冇經歷過都唔會冇聽過,自然容易引嚟電視機前嘅觀眾共鳴、網友嘅熱烈討論!更有觀眾話可以學到湊B知識所以鍾意睇,果然好似黎諾懿咁話,「得港媽王國得天下」啊!

李佳芯不禁向老公表現出對未知的未來感到非常害怕外,並直言:「你知道我犧牲了多少嗎?你知道一個女人懷孕代表什麼嗎?係事業、身材、樣貌各方面即時All IN(賭上)啊!」

完美演繹新手媽媽不安

李佳芯七情上面,仲喊哂口同老公講自己內心除咗不安、擔心外,其實仲有害怕的感覺!
作為一名愛美麗的女士,要由一個本身身型纖瘦的靚女,變成一個師奶,仲要唔知生完bb後能否修身成功,一個又一個未知之數及犧牲,無疑引起唔少女士們的共鳴!
劇中,兩公婆住開放式單位,加上一人一份糧,每月出糧可以有錢買衫買酒得閒出埠,享受輕鬆人生。但面對BB的來臨,開支馬上變大,例如產檢兩星期至一個月覆診一次、順產4萬開刀7萬等,樣樣都係錢。

男性都有產後抑鬱

BB來了
BB來了
劇中黎諾懿工作上遇到挫折,同時又面對新手爸爸的莫大壓力,患上男性產後抑鬱症!

媽媽谷」無處不在

BB來了
BB來了
所謂「媽媽谷」即係媽媽Group,一班孕婦或者產後媽媽於唔同社交平台成立群組,認識同路人,就如Ali所講:「有跟地區有按生B月份,可以交流生B同湊B心得,仲有定期聚會﹗」

之後有大肚婆話記住每日瀏覽「港媽王國」(現實中好似有個叫… ),其實現實有唔少媽媽谷都會爭取團購優惠,買尿片、奶粉、靚靚BB衫等都可以有折扣,做個精明靚媽!另外又有一班同路人作照應,懷孕期間的種種問題都有人一齊討論!

「媽媽谷」術語你識唔識

咩叫「62」「99」「C6」?

原來呢啲都係媽媽谷術語,「62」代表老爺、「99」代表奶奶,至於「C6」… 即係個死佬呀!

黎諾懿都忍唔住要講出心底話,表示媽媽谷就有如一班師奶自暴自棄、講是講非,好擔心老婆由高學歷氣質港女淪落成港媽!睇到呢度,男士們女士們係咪都好有共鳴?

選角好 演出自然細膩

唔少觀眾都話其實李佳芯嘅觀眾緣真係好好,就算劇中超炆憎成日發脾氣都唔惹人討厭,網民都話佢做邪花Never、Paris時累積嘅人氣都不是白費,今次嘅自然演繹更獲網友大讚佢演技大躍進!但其實除咗Ali,劇中仲有唔少好戲之人,一齊嚟睇吓啦!

陳秀珠
陳秀珠
劇中飾演李佳芯媽咪的陳秀珠都十分好戲!而Ali與陳秀珠的母女情也是一大看點之一,陳秀珠為了女兒與親家爭吵,完美演繹出一位絕世好媽的一面,所有超生活化的貼地情節,令觀眾更有深刻感受!
BB來了
BB來了
羅樂林飾李佳芯劇中父親
《BB來了》婆媳大戰無得避! 5大婆媳紏紛共鳴位
《BB來了》婆媳大戰無得避! 5大婆媳紏紛共鳴位
飾演她奶奶的Madam Lo盧宛茵不時以「生仔就幫手俾首期」,利誘新抱生b,反令李佳芯十分反感。
BB來了
BB來了
高海寧飾帥氣調酒師
姚嘉妮演長腿MK陪月員

BB來了
BB來了
楊卓娜飾「金牌陪月」佳妙
BB來了
BB來了
吳家樂飾蔡長青,係黎諾懿劇中嘅中醫顧問

延伸閱讀:

【好感動!】結婚誓詞的意義 6段最真摯動人的明星誓詞

關注我們Facebook專頁
    相關新聞
      更多瀏覽