【專訪】周柏豪新碟《All About Love》贈老婆:愛對於我來說是人生最重要
2018年12月10日11:13

如看不到 請到Youku

周柏豪推出由自己一手包辦製作的新專輯《All About Love》,直言一直希望有能力做一張專輯送給自己的另一半。柏豪又表示這張專輯寫了很多私人的事在內,其他人可能未必明白,但全部都是圍繞着愛,歌曲很能代表自己。

兌現《天光》承諾

新專輯《All About Love》是周柏豪轉新唱片公司後的首張大碟,柏豪直言當知道有機會讓他自己去籌劃一張大碟時,就一直想到底做什麼主題,最後想做一些好私人的東西:「之前派歌或過往多首作品,有時一派台同埋放上社交媒體,大家都會有唔同意見,當然有啲朋友話又係講愛情,又係講呢啲!但其實我覺得愛對於我來講係人生入面最重要,亦都係最難,係一個永遠講唔完嘅話題。因為唔同年紀對於愛嘅睇法同感受都唔同。」柏豪又提到過往有一首作品叫《天光》,有一段歌詞,當中有個承諾就是將來自己有能力可以做一張唱片給自己另一半。

新碟是送給老婆的禮物,專輯封面當然很有意思,是一張他們一起到冰島旅行的照片,是一張見不到樣貌的合照,柏豪:「我同我另一半都好喜歡呢個地方,當時冇諗過會成為一張專輯的封面。因為要揀要影一張代表呢張專輯嘅相,我覺得好有難度,亦都唔知點樣影,我覺得要係好真實嘅嘢!」柏豪又透露專輯亦有其他冰島之旅的照片。

做代表自己的歌

新歌《老少平安》搵來藍奕邦作曲填詞,柏豪笑指當日向藍奕邦表達自己十分欣賞時,被對方考試,最後自己成功通過,令對方另眼相看,決定一起做件有意義的事:「唔係諗住去做一首要達到咩成績嘅歌,反而係好想做一隻對於我同佢來講,係我哋音樂路途上面覺得有用同埋記錄到自己感受嘅歌。」柏豪直言《老少平安》是一首比較成熟和大人的歌,可能要去到自己的年齡或以上的朋友才會感受到:「出到社會工作,能夠見屋企人或者心愛嘅人嘅機會愈來愈少。每次見面都要好好珍惜,因為每一次見面其實都係少緊一次。」

周柏豪對於愛的分享

如看不到 請到Youku

關注我們Facebook專頁
    相關新聞
      更多瀏覽