入行兩年成為娛樂圈發電機 細數江嘉敏歷代緋聞男友
2018年12月01日22:15

24歲江嘉敏(Kaman)入行兩年火速上位,最近每晚8點半電視劇《兄弟》都見到佢嘅出現。入行短短兩年就擔正女主角,都有唔少網民唔太睇好佢,加上Kaman兩年內緋聞不斷纏身,故有「姣花」之稱。早排認愛電競公司高層Anthony嘅Kaman又被指姣藝人黃建東,今次就同大家一齊睇下江嘉敏嘅歷代緋聞啦!

撰文:東方新地 |圖片:Instagram

延伸閱讀:

《義不容情》第5-9集劇情 | 周海媚登場暗戀溫兆倫、有康有健兄弟多次爆爭執

《義不容情》第1-4集劇情 | (附精華片段!)藍潔瑛演活窮媽媽梅芬芳 捲入謀殺案被岳華判死刑

細數江嘉敏歷代緋聞男友

1. 何廣沛

相信大家有睇TVB嘅話,對何廣沛呢三個字都唔陌生,皆因佢喺台慶劇集《跳躍生命線》入面飾演吳卓羲2.0,即係衝動到爆嘅角色。

何廣沛同馬德鐘喺《跳》入面做救護拍檔,同羅天宇則為兄弟兼同事。

入行5年嘅何廣沛,其實第一套拍嘅劇係《愛回家》,不過第一部有角色名嘅劇集就係《女人俱樂部》,當時佢演飾吳啟華後生版,迷到萬千少女。

《女人俱樂部》宣傳活動
《女人俱樂部》宣傳活動

何廣沛同Kaman第一次合作就係拍劇集《親親我好媽》,而呢套都係Kaman入TVB後第一套劇。

《親親我好媽》宣傳活動

江嘉敏同何廣沛喺劇中飾演學生哥,二人共譜戀曲,嗰陣時有網民都覺得佢哋好襯,兼傳戲假情真。

2. 黃嘉樂

現年39歲嘅黃嘉樂入行已經18年,初時係做唔顯眼嘅角色,不過後來就有做男配角嘅機會,可惜17年嚟都依然無擔正機會。

江嘉敏 攞正牌攬頭攬頸

江嘉敏同黃嘉樂因為拍《果欄中的江湖大嫂》而認識,有指佢轉移目標去劇中男友黃嘉樂,更加有恃無恐攞正牌一樣每日在個人社交網絡發布二人日對夜對攬頭攬頸新動態。

江嘉敏
江嘉敏
明知對方有正印攝影師女友,慣犯江嘉敏一樣開工黐實黃嘉樂,收工有意無意短訊撩吹水,進攻型行徑連同劇演員亦睇唔過眼。
江嘉敏
江嘉敏
在《果欄中的江湖大嫂》演一對,江嘉敏大條道理在社交網絡po甜蜜劇照,表面宣傳劇集內裡留言引人遐想。

江嘉敏
江嘉敏

江嘉敏
江嘉敏
一向喜歡年長大哥哥,江嘉敏因為新劇與黃嘉樂混熟,還趁工作日見夜見不斷向高大靚仔又上位中的黃嘉樂示好。

江嘉敏
江嘉敏

黃嘉樂跟得女友放閃不停

面對Kaman攻勢,黃嘉樂現實嘅女友就以每日一po反擊,連朋友都頂唔順形容Samantha為「長期閃光彈」。

江嘉敏 Samantha
江嘉敏 Samantha
本來聽晒男友話低調處理戀情,近月為防發電機江嘉敏,黃嘉樂攝影師女友Samantha亦開始在IG出招,每日一po放閃、每次都tag埋男友霸地盤。

江嘉敏 Samantha
江嘉敏 Samantha

江嘉敏 Samantha
江嘉敏 Samantha

宣示主權

據知情人士透露,正印要宣示主權原來係為江嘉敏所逼:「其實佢哋今年5月2日至啱啱拍拖一周年,嘉樂雖然話過想儲兩年錢先結婚,但係變數可以好大,兩年後身邊係邊個邊有得保證。Samantha同嘉樂年紀差唔多、唔想再浪費時間,同埋真係覺得男友好仔唔想錯過。」

江嘉敏 Samantha
江嘉敏 Samantha
黃嘉樂拍拖拍得低調,個人IG劇集女友出鏡多過正印女友,不過Samantha就日日update拍拖動態,買情侶鞋、過情人節、生日咀嘴都照po 。
江嘉敏 Samantha
江嘉敏 Samantha
不用外出工作時Samantha亦樂得跟實男友做跟班攝影師、出席所有男友朋友聚會,抓緊機會確定自己阿嫂身份。前排與黃嘉樂孖住出席林子善婚宴。

知情人士續說:「本來Samantha對男友好有信心,都冇諗過要搞咁多嘢,不過江嘉敏咁進取惟有見招拆招,除咗返電視台,男朋友去到邊、見咩娛樂圈朋友Samantha都跟到實,次次仲要打埋卡晒恩愛,又成日旁敲側擊叫嘉樂快啲求婚畀啲表示,都係為咗全世界都知佢係嘉樂嫂、希望有人知難而退啫!」

江嘉敏 Samantha
江嘉敏 Samantha
三十多歲Samantha雖然唔夠23歲江嘉敏嫩口,但身形健美又有主見,經常自晒bikini,身材不比電視台小花差。

江嘉敏 Samantha
江嘉敏 Samantha

江嘉敏 Samantha
江嘉敏 Samantha
與黃嘉樂年紀相若的 Samantha是資深婚禮攝影師,不時還親自上陣做model,氣場十足身材亦有睇頭。
江嘉敏 Samantha
江嘉敏 Samantha
有十年婚禮攝影經驗的Samantha在攝影圈薄有名氣,又因為同圈中人熟絡與黃嘉樂不乏話題,去年黃嘉樂老友張頴康帶埋老婆囡囡拍大肚照,亦是Samantha操刀!

3. 王浩信

近日每晚播嘅《兄弟》都見到Kaman同王浩信,因為劇情要求要去英國拍攝,當時Kaman就被指姣纏有家室嘅王浩信。被問到會否與王浩信保持距離,以免再傳緋聞,佢笑話:「都冇咩嘢要避忌,因為我同佢只係傾劇本同埋講吓啲感情戲點處理,如果咁樣都被人講,即刻要完全唔傾偈,唔講嘢!不過我媽咪都有問我單緋聞係咪真,我話『你話呢?』」

江嘉敏
江嘉敏
江嘉敏話帶咗好多零食出Trip!

自薦幫王浩信搽油

早前二人接受《東張西望》訪問,王浩信話拍打拳戲期間,工作人員幫佢喺皮膚搽油不下數十次,在旁的江嘉敏笑話:「下次呢啲粗重嘢留畀我呢啲細嘅做!」王浩信聽到後尷尬笑話:「我嗰個年代啲女仔都唔係咁嘅⋯⋯」!

江嘉敏
江嘉敏
賣萌係江嘉敏的強項,王浩信少啲定力都唔掂!

拍親劇都傳緋聞,王浩信見識過江嘉敏電力後亦都開始避忌,《兄弟》拍攝後半部,就刻意與女方保持距離。

江嘉敏
江嘉敏
4.余德丞

早前踢波暈倒入院嘅余德丞同Kaman拍重頭劇《危城First Lady》,Kaman有得同小鮮肉朝夕相對,仲唔開行發電機咩……

二人不時會喺IG上載合照,並有Hashtag#余德乘嘉敏,因此當時傳出兩人已拍拖幾個月。

5. 黃建東

啱啱過去嘅《萬千星輝賀台慶》,其中一個環節係幾位藝人同時彈琴,而一向拍開惡搞片嘅黃建東(東東)亦有份參與其中。原來佢8歲開始就學琴,仲表示對上一次喺TVB彈琴已經係2011年香港先生選舉嘅才藝表演。

東東喺2011年參選香港先生,獲得「演藝潛能大獎」獎項

東東喺Instagram表示:「江嘉敏話未見過男仔彈琴,我彈完之後佢話愛上咗我。但係佢啱啱宣佈應有男朋友,咁我…點算啊?」

之後東東再PO相,寫道:「呢個少女話未見過男仔彈琴,聽完我彈之後紅都面晒,仲開始叫我做愛人添。 你隻衰豬咁樣望住我,搞到人哋個心肝仔卜卜跳添…」

江嘉敏含情脈脈望住東東,唔通真係愛上咗佢?

見到「愛人」出PO,江嘉敏都忍唔住留言回應

一齊重溫當晚精彩片段啦!

色誘張繼聰

而在早前播完嘅無綫劇《誇世代》﹐江嘉敏同張繼聰搞「大叔戀」,二人一場切磋武技戲份,背心拋胸的江嘉敏,胸壓張繼聰不特止,還用腳將男方夾到實一實,睇到班宅男熱血沸騰。

無綫
無綫
無綫劇《誇世代》
無綫
無綫
無綫劇《誇世代》中江嘉敏用大腿夾實大叔張繼聰!

江嘉敏 認戀30歲電競公司高層

之前一直自稱單身的江嘉敏,早前被影到多次與30歲的電競公司高層Anthony十指緊扣,甜蜜拍拖,二人在西貢秘密同居,連日來共度春宵,愛得相當痴纏。對於新戀情,嘉敏之前回應傳媒時表示二人發展中,只是開始不久,她希望把感情事低調處理,也不想影響家人。

女神公開認愛,可以大方拍拖,難怪心情都靚啲,她在IG表示心情如笑容般相當燦爛!

入行後首公開戀情

近日台慶劇《兄弟》熱播中,拍呢套劇期間,有傳江嘉敏明知王浩信有家室仍主動獻殷勤,又私下與對方傳短訊。江嘉敏近日接受周刊訪問時決定公開戀情,話同圈外男友Anthony拍拖兩個多月,講到二人認識經過,江嘉敏話今年農曆新年,在朋友聚會中認識Anthony,江嘉敏一直坐喺Anthony身邊學打麻雀,點知做咗運財童子令對方食咗一鋪嚦咕嚦咕。講到之前同王浩信傳緋聞,江嘉敏話感到好無辜,最後要劉穎鏇安慰,先唔再鑽牛角尖。

江嘉敏又話唔怕公開戀情會嚇走宅男fans,她認為拍拖係每個人必經階段,係令人成長其中一環。佢又讚男友份人幾細心同幾有耐性,男友嘅耐性同細心令脾氣唔好嘅佢都改變咗。江嘉敏話男友好怕羞,所以自己嘅ig就未有放同男友合照,不過睇返佢男友嘅私人ig同Facebook嘅頭像相,都係用同江嘉敏嘅頭貼頭合照放閃。

江嘉敏
江嘉敏

Anthony起底有才有米

身高六呎的Anthony Cheng 在美國加州柏克萊大學畢業,在本地一間著名電競公司擔任產品部總監,家住太子道西價值千多萬港元的豪宅,平時駕駛名車出入。男友年紀輕輕已事業有成,難怪江嘉敏對戀情都直認不諱。

公司要員

電競公司的老闆之前就上傳同員工聚會,佢大讚眾人好幫得手,齊齊推動及帶領電競事業,而Anthony(白色衫)是其中一員!

愛同藝人合照

Anthony都鍾意同啲星影相,之前佢就把許廷鏗及側田嘅合照放過上Facebook,見到桂綸鎂嘅巨型相片,Anthony企埋去合照仲留言話「She is so into me~」似乎鍾情於氣質型美女!唔知喺Anthony眼中,女友江嘉敏又屬於邊種類型嘅美女呢?

IG隔空傳情

Anthony的IG設定為私人賬戶,未有對外公開,但見江嘉敏都有Follow!而之前女友心情似乎欠佳,上傳史諾比卡通圖片話想要一個抱抱,Anthony雖然未有多言,但就留下一個彩虹圖案鼓勵她!

Anthony的IG

盤點十個晉身電視劇女主角的港姐

網民:準備畀人照肺啦!吳若希大爆TVB講明要撐周柏豪

網民:好難信佢無整過囉! 索爆張曦雯舊照流出惹整容疑雲

人妻岑麗香驚變獨眼巨人

江嘉敏被踢出視后候選名單 原來名額畀佢搶走咗?

延伸閱讀:

8位紅星減肚腩餐單大公開!安仔3週減12磅 Kelly減肥照食Tea…

關注我們Facebook專頁
    相關新聞
      更多瀏覽