劉嘉玲自爆拍劇時太細未開竅
2018年11月28日03:00
劉嘉玲穿上黑色喱士長裙性感撐場。

【星島日報報道】公益金50周年晚宴昨晚於灣仔會展舉行,香港特別行政區行政長官林鄭月娥女士、名譽副會長黎明、公益金執行委員會主席王冬勝、太子珠寶鐘錶集團主席及行政總裁鄧鉅明、李家誠跟太太徐子淇、何超瓊、張正甫、余錦基、劉嘉玲、汪詩詩及湯君慈等名人紅星盛裝到場支持。

黎明以名譽副會長身分到場,他應記者要求停下拍照,隨後跟在場公益金理事打招呼。而黎明助手跟在場記者表示,因他趕時間所以不接受訪問。

劉嘉玲身穿黑色喱士長裙亮相,性感又高貴。談到無線深夜時份,播映主演劇集《義不容情》又再一次引起追劇潮,問她可有一同追看,嘉玲說:「自己依家都好少睇電視。(觀眾大讚妳好戲。)經典即係經典,都成日重播嘅。以前TVB劇,係真係唔錯。」談到她沒有時間,還是不想翻看自己演的戲。她說:「睇過晒嘛!啲對白我都仲記得。(呢個角色好深刻?)覺得自己當年無好好演呢一個角色。(都讚你演得好喎!)可能我天生啦,但我相信更認真去演,可能再好點,不過當時實在太忙。呢套劇,每一個角色都寫得好好。(妳最鍾意角色之一?)TVB無一套劇有我最鍾意嘅角色,因為當時TVB拍劇太細個,到我真正開竅,係我拍電影嘅時候。」

劉嘉玲透露已完成一連串工作,終於有時間放假去旅行休息。問到是否計畫跟丈夫梁朝偉去滑雪?她笑笑說:「係啊!(偉仔睇B哥哥紅館騷好開心。)係啊,我哋成班『217』嘅朋友,依家到呢個階段都已經好開心。」提到偉仔拒絕開金口唱歌,她說:「係啊!我係想引佢唱,一唱歌就會緊張。如果要佢唱歌,睇怕要陳奕迅或者張學友訓練吓佢。(偉仔有無對你唱情歌?)無無無!(想唔想偉仔唱?)唔駛喇!我哋依家昇華咗,不過畀驚喜我,我都會好感激嘅。」

關注我們Facebook專頁
    相關新聞
      更多瀏覽