女神點只劉穎鏇? 仲有8位歷屆索爆港姐亞軍
2018年11月04日15:52

昨晚《3日2夜》係劉穎鏇(Tiffany)同江嘉敏主持的最後一集,其中2016年港姐亞軍Tiffany樣靚身材正、兼可愛真摯不造作,成功攻陷一班觀眾!雖然話每年港姐冠軍大多都可以名留青史,但其實好多亞軍人馬都同Tiffany一樣高質,唔少人仲覺得佢哋值得攞冠軍㗎!以下咁多位,大家最喜歡邊個呢?

撰文:東方新地|圖片:新傳媒、Instagram

延伸閱讀:

68歲李司棋縱橫演藝圈數十年 「拍嗌交戲拍到血壓高!」

《周遊東京2》星期一有得睇 周奕瑋預告10大心水行程

《3日2夜》劉穎鏇迷倒觀眾

最近一輯《3日2夜》由劉穎鏇(Tiffany)及江嘉敏帶大家遊歷土耳其伊斯坦堡。節目中大家除了欣賞土耳其的特色景點之外,當然少不了留意兩位女神的互動!Tiffany在鏡頭前可愛真摯不造作,成功攻陷一班觀眾!

雖然冇以往大家最期待的浸溫泉環節,但Tiffany同江嘉敏去了享受土耳其浴,非常吸睛。靚女浸浴喎,一定好好睇啦!

女神點只劉穎鏇? 仲有8位歷屆索爆港姐亞軍

|劉穎鏇

現年只得21歲的劉穎鏇於1997年出生,喺2016年港姐競選奪取「亞軍」、「最上鏡小姐」及「現場最受歡迎佳麗獎」三個獎項,擁有青春無敵的甜美外貌加上174cm模特兒身材,兼有豐滿上圍,外在條件無得輸!當年都有唔少觀眾話佢比馮盈盈更值得攞冠軍!

冠軍馮盈盈、亞軍劉穎鏇、季軍陳雅思及友誼小姐張寶兒。

做完是非精再拍劇

劉穎鏇選港姐後加入TVB,亦加入咗《學是學非》吸收主持經驗,作為是非精,肯定會儲到一定人氣!

有份演台慶劇《兄弟》

劉穎鏇第一次參演的台慶劇《兄弟》就快出街,佢喺劇中飾演女拳手,打得拳拳到肉,令人期待!

|王卓淇

可能大家都唔係好記得,王卓淇係2014年香港小姐亞軍,當年冠軍係邵珮詩、季軍則為何艷娟。就快27歲的王卓淇近年開始多咗參演劇集,不時都大晒無敵長腿。佢自己本身喺社交網站都不時分享靚相派福利,男網民們當然無任歡迎!

笑容甜美,不過身材就平平無奇一啲!
冠軍邵珮詩、亞軍王卓淇及季軍何艷娟

白滑長腿成標記

招牌長腿又白又滑,已成王卓淇的標記!

王卓淇 劇集初嚐性感

之前喺《果欄中的江湖大嫂》其中一集中,見到王卓淇以泳裝現身,除咗不停擺甫士外,仲向住鏡頭撒嬌,性感之中帶點可愛!然後王卓淇又大晒小蠻腰,一個字,正!

|何依婷

2017年香港小姐冠軍由雷莊兒奪得,不過當時小編就比較喜歡亞軍何依婷!有齊天使面孔加埋迷死人笑容,唔少網民都話唔明白點解佢去年會失落冠軍寶座,似乎都為佢輸咗俾雷莊兒而感到不值!

冠軍雷莊兒、亞軍何依婷及季軍黃瑋琦

校花look迷死人

何依婷之前喺兒童節目《Think Big Family》中,著住校服扮學生妹,紅色外套灰裙子,又靚又pure!何依婷無論輕輕淺笑或哈哈大笑都係咁可愛迷人,仙氣隔住個mon都感覺到,難怪網民都不禁大讚佢絕對係校花!點解小編當年啲同學……

何依婷身材都係比較纖瘦,唔算話有豐滿上圍,不過勝在夠平均又皮膚白滑,甜爆靚樣搭夠!

|鄧卓殷

2018年出爐港姐亞軍鄧卓殷(Amber),與冠軍陳曉華(Hera)一樣靚女不過就完全唔同Style,笑容可愛甜美、嬌滴滴就似一個鄰家女孩,Hera外表太女神高不可攀?Amber感覺就比較親切貼地啦!

港姐決賽當日的泳裝問答環節上,Amber幫農夫改咗個新組合名「播種的機」,轉數快又有創意!
冠軍陳曉華、亞軍鄧卓殷及季軍丁子田

企喺馮盈盈隔籬細粒好多!
幾位應屆港姐日前都有份出席《2019節目巡禮》

港大建築系畢業

Amber畢業於香港大學建築學系,當然唔少得同大家分享一下畢業相!

Amber
Amber
呢個角度睇對腳好似長咗唔少,要讚攝影師!
Amber在學期間,喺由亞洲權威雜誌Perspective舉辦的年度設計頒獎盛事「A&D TROPHY AWARDS」獲獎!果然叻女!

|黃心穎

2012年港姐亞軍黃心穎,即係依家大家好熟悉的心穎BB,選港姐後加入TVB後事業可謂平步青雲,現為大台力捧花旦之一!

近年有唔少人睇番轉頭,都話其實2012年呢屆港姐真係超高質,除了現時大受歡迎的小花黃心穎及朱千雪外,仲有「靚湯」湯洛雯、身材出眾的林泳淘、陳潔玲,以及袁偉豪前女友岑杏賢等。

冠軍張名雅、亞軍黃心穎及季軍朱千雪

黃心穎加入TVB後成為《學是學非》「是非精」之一,之後又有唔少參演劇集的機會,形象愈來愈入屋,演藝事業愈見出色!

熱情如火緋聞多多

青春無敵的黃心穎有樣有身材有學歷,熱情如火,唔好話觀眾或網民被佢迷得一陣陣,同佢合作過的男藝人都頂唔住!雖然緋聞多多,不過都無損心穎BB的魅力!

男神私有化

連被稱為「無綫筍盤」的男神馬國明,都被心穎BB私有化!

心穎BB一向示馬明為偶像,當年客串《On Call 36小時II》就首次同男神合作,依家直頭將男神私有化~
早前喺《2019節目巡禮》情侶檔上陣~

黃心穎之後喺新劇《丫鬟大聯盟》及《牛下女高音》擔正!

|蔡思貝

現年27歲的蔡思貝曾到紐西蘭及德國留學,在2013年就讀德國海德堡大學民族學期間,趁暑假返港參選港姐,以5萬觀眾投票輸畀同屆的陳凱琳,屈居亞軍,而該屆季軍是劉佩玥。最終蔡思貝決定放棄學業簽約TVB,開始入行拍劇。

冠軍陳凱琳、亞軍蔡思貝及季軍劉佩玥

思貝 達哥分不清

蔡思貝早年留短髮,先後被指似陳煒、梅艷芳,木村拓哉,又或者係網絡紅人重「達哥」,佢話被指似樣撞樣唔緊要,但最介意係網民喺佢專頁叫佢做「蔡思達」,甚至直接叫佢做「達哥」,佢認為:「我叫蔡思貝,就一世都係蔡思貝,而唔係其他名!」

拍劇負皮如潮

由於唔少資深花旦離巢,蔡思貝初出道就被無綫力捧,先後喺多套劇集中亮相,可惜其演技幼嫩得很,講對白時又被指「尖聲」、「煩膠」等,負皮史無前例地多。

又同影帝張家輝拍過《陀地驅魔人》,不過蔡思貝的演出平平。

《踩過界》「癲姐」獲讚

後來蔡思貝等到演藝生涯中最重要的角色,在《踩過界》中飾演師爺「癲姐」,犧牲靚樣扮哨牙,演技自然流露,加上角色設定討好,終於有人讚!

蔡思貝亦憑「癲姐」呢個角色,在今年初台慶奪得「最受歡迎女角色獎」,一吐烏氣!

離奇變靚啲

唔知係咪事業漸見順利,蔡思貝近年連個樣都唔同埋,留番較長頭髮女人味漸濃,加上本來身材就有睇頭,唔少網民都讚佢索咗好多,已經冇乜人笑佢似男人或者達哥!

不過最近思貝因為拍《機場特警》再剪短頭髮,網民評價就麻麻哋啦!

| 張秀文

依家31歲的張秀文係TVB咪神就無人不知,但大家仲記唔記得佢係2010年港姐亞軍?當年冠軍陳庭欣、季軍莊思明,三人現時都喺大台發展中。

冠軍陳庭欣、亞軍張秀文及季軍莊思明

一代「咪神」誕生

張秀文都加入大台一段日子,雖然唔算有咩代表作,不過勝在肯搏肯露,無論係出席活動、遊戲節目、做主持還是拍劇,都例必谷盡其34D導彈上圍,自此成為一代「咪神」!

新一代晶女郎

張秀文近年都多咗機會拍劇,亦因肯露body而獲王晶導演賞識,有份演出《冒險王衛斯理》系列,角色係余文樂表妹,同樣係負責騷身材的!

|龐卓欣

2015年一屆港姐,雖然幾乎係「十優港姐」麥明詩由頭帶到尾,但當時仲有一位靚女同佢勢均力敵,就係最後的亞軍得主龐卓欣!同樣係名校出身、外國留學、家底豐厚,「既生瑜 何生亮」所以當年不時傳出佢同麥明詩不和的傳聞!

冠軍麥明詩、亞軍龐卓欣及季軍郭嘉文

唔憂做唔簽無綫

2015年選完港姐的龐卓欣,奪亞軍後冇簽約無綫,反而專注發展自己的事業,一邊教唱歌、一邊拍片做KOL。本身有家底,加埋富三代男友Solomon的無限支持,真係事業愛情兩得意。

導彈胸大解放

龐卓欣本來就係身材有料之人,無大台制肘更加係鍾意著乜都得,早前佢同男友去美國參加音樂節,著住件白色喱士tube top晒火辣身材,4吋事業線一覽無遺!

音樂節片段中,龐卓欣不時跟隨音樂節拍扭動小蠻腰,一對導彈胸跟住擺動,真係睇到網民眼都凸埋!

既然有索爆身材,龐卓欣一啲都唔孤寒,不時都會喺社交網站分享性感相片,仲要唔噴血唔post,勁吸睛!

|張曼玉

講到成就最傑出的港姐亞軍,點可以唔提張曼玉 – 1983年港姐亞軍兼最上鏡小姐?當年冠軍和季軍分別為楊雪儀、李月芙。相中可見19歲的張曼玉仲有少少baby fat,一把長黑髮夠晒鄰家女孩感覺,一件頭泳衣look好迷人!

張曼玉多年來拍過無數經典電影,更曾五奪金像獎最佳女主角,著實係香港最出色女演員之一!

張曼玉雖已年屆53,近年都較少公開露面,不過依然風韻猶存~

延伸閱讀:

精選47歲黎姿年輕𡃁妹相 無敵愛美神上身!

關注我們Facebook專頁
    相關新聞
      更多瀏覽