《火速救兵》十秒揭消防救護辛酸 連環沖涼有原因!
2018年10月30日11:00

港台劇集《火速救兵IV》系列一向好口碑,今次新一輯亦不例外!最新一集,故事更講述演坍塌搜救專隊隊長的陳鍵鋒因出勤後連環沖涼,從而揭消防救護背後辛酸原來不是任何人都知及頂得順!

撰文:東方新地|圖片:電視截圖

延伸閱讀:

啲名真係好盞鬼!10個藝人花名由來大拆解

樊少皇被指欠債原來被人出賣 老婆賈曉晨:係傷心嘅事…

《火速救兵》十秒揭消防救護辛酸

最新一集《火IV》講述一班消防員發現一具小孩屍體埋在混凝土裏,需要用鑽孔機鑽洞將屍體挖出來。同時,飾演坍塌搜救專隊隊長的陳鍵鋒更因此令制服及自己身體沾滿屍體發臭的氣味,故上演兩場出浴戲,來洗走身上的臭味!

火速救兵
火速救兵
火速救兵
火速救兵

連環沖涼有原因

據了解,消防員指屍體發出的臭味好多時怎樣洗都洗不掉,氣味除了滲入制服及裝備,更會停留於皮膚、毛髮、指甲上長達一至兩日,沖兩次涼都不能夠輕易將氣味沖走!

因此,有消防員表示因為發現屍體時,都會用一個幫人的心態去做,不會理會其他,但最怕是回到家中會被家人聞到屍臭味。由此可見,即使消防員日常工作英勇,其實亦與一般人無異,但亦因而更顯他們的無私精神!

《火速救兵IV》首集播出好評如潮

香港電台與香港消防處合作製作嘅電視節目《火速救兵IV》最近出街,話咁快《火速救兵》系列嚟到第四輯,唔少人都話等到頸都長!今輯就有王喜、歐錦棠、林文龍等人參與拍攝,齋聽到呢幾位都已經令劇集生色不少!

《火速救兵IV》逢星期六晚9時30分至10時,在港台電視31播出。

雖然港台嘅劇集未必會好似無綫播出嘅劇集收視咁好,但卻勝在口碑及好評數量遠超無綫,今次《火IV》亦冇例外,皆因《火IV》啱啱播出第一集就已經好評如潮!

劇情緊湊

本月13日播出嘅首集,一開始就講到一班消防員喺貨船上救火,期間因火場發生閃燃,導致形勢非常危急,而飾演「阿秋」嘅何華超卻被困火場!

第一集已經喺貨船上救火!

歐錦棠講完一句「我哋一隊人,幾多人入去,就幾多人出嚟」後,隨即衝入火場救同僚!劇情相當緊湊!

「爆人王」歐錦棠呢句令大家一鼓作氣入火場!

真火拍攝唔馬虎

唔好以為劇集每集得30分鐘而會令情節鬆散,當睇完頭10分鐘,其實就已經好想繼續睇落去!講完船上救火,就到第一集嘅重頭戲——氣體水洩漏事故。講到歐錦棠被炸飛至大廈外,命懸一線,而何華超及時立即捉住對方,並忍受背後烈火嘅高溫!

原來驚險嘅場境係由「爆人王」歐錦棠親身上陣拍攝,而且何華超身後嘅熊熊烈火亦係真火,可見劇集認真度相當高!

歐錦棠親身吊威也上陣!
熊熊烈火並唔係電腦特技!

導演希望帶出重要價值觀

另外,值得一提嘅係原來拍攝該幕嘅原因,係導演希望帶出消防員一個好重要嘅價值觀,就係好重視兄弟情、珍惜同袍兄弟性命同互相守護對方生命嘅感情!

睇到呢幕,除咗睇到演員嘅認真拍攝,場面嘅專業程度絕不馬虎外,原來背後仲有導演嘅心思!

消防員參與協助拍攝

據知,劇集中更有消防員參與協助拍攝,難怪劇集可以有咁多專業及高難度畫面出現,並喺鏡頭前完美程現觀眾眼前!

消防員同劇組一齊進行及協助拍攝。
劇組與一眾有份協助拍攝嘅消防員留影。

有網民就表示無論喺劇本安排、演員表現及場面上,覺得比起好多本地製作、每集不足半小時嘅短劇高幾班!當然劇中有份參與拍攝嘅演員好戲就唔多講,加上幕後有專業嘅消防員配合及協助拍攝,相信《火》亦會係最近難得嘅高水準之作之一。

見到拍攝成果,個個都開心笑出嚟!

延伸閱讀:

【標化女王】現代職場版《延禧攻略》開拍!吳謹言玩辦公室政治對付小人

關注我們Facebook專頁
    相關新聞
      更多瀏覽