邊生得出咁大個仔? 7大熟齡女星「升級」做阿媽
2018年10月27日20:55

晚晚睇住熱播中《跳躍生命線》,睇見47歲嘅張文慈,要做50歲馬德鐘嘅家姐,都真係有點唏噓!若要論市場、題材,薪酬同待遇,男女演員真係好難相比!

男演員好多時就愈成熟愈吃香,女演員開始上年紀,戲路就好似愈嚟愈窄,往往只有向「媽媽級」進發,就算現實中冇可能生得出咁大個仔,本住專業精神,都要盡力做好台戲!以下呢7位熟齡女星,既係好戲之人,亦都係專業嘅好演員!

編輯:東方新地 │原文:Sunday Kiss│ 圖片:myTVsuper截圖、新傳媒圖片

延伸閱讀:

湯洛雯情傷未癒失調暴脹 女神驚變肉女!

郭富城抱愛女慶生 方媛高調首晒全家福

7大熟齡女星「升級」做阿媽

惠英紅 陳小春 – 2007年《鐵咀銀牙》

呢部08年出街嘅古裝劇,係小紅姐同陳小春喺電視螢幕上嘅首次合作。陳小春飾演狀王陳夢吉,而小紅姐就飾演陳夢吉嘅娘親潘白鳳。同劇演員仲有視后級嘅佘詩曼,同謝天華、元華等。

熟齡女星
熟齡女星

現實中,小紅姐係1960年出世,而陳小春就係1967年,二人年紀只係相差6年。喺個劇拍攝中嘅時候,小紅姐都曾經有表示過「委屈」,話自己生唔出咁大個仔!

1999年,小紅姐拍《創世紀》嗰陣,係飾演馬德鐘嘅太太,而馬德鐘只係細陳小春一年。

估唔到8年之後,已經「升級」做陳小春阿媽!

而馬德鐘喺《跳躍生命線》,就有35歲嘅李佳芯做佢太太。

仲同28歲嘅張曦雯有感情線!

商天娥 郭晉安 《隔世追兇》

1964年出世嘅郭晉安,出晒名有張童顏,做咗幾廿年男一,做過佢媽媽嘅女演員都唔少!但係「媽媽」嘅實際年齡,就同佢愈來愈相近!最最最離譜嘅,就係2004年嘅《隔世追兇》,1962年出生,只係大郭晉安兩年嘅商天娥,就喺劇中飾演佢媽媽!

雖然個劇情係講安仔可以用一部舊手提電話,同20年前嘅爸爸溝通,合作破案,娥姐都會喺20年前,同20年後出現,但係要飾演細自己兩年嘅安仔嘅媽媽,呢個心理關口應該都唔易過!

盧宛茵 郭晉安 《戇夫成龍》+《阿旺新傳》

盧宛茵喺80年代尾復出之後,就一直開始做「媽媽級」嘅角色。2002年嘅《戇夫成龍》同2005年嘅《阿旺新傳》,盧宛茵都係飾演阿旺嘅媽媽!

實際上,盧宛茵係1953年出世,今年65歲,比起今年54歲嘅郭晉安,只係大11年⋯⋯ 差距唔算好誇張,但係都係生唔出咁大個仔啦!

韓馬利 郭晉安 《創世紀》

1999年嘅《創世紀》,有成百集,支線極多,演員都用得好盡吓!三大男主角之一,飾演馬志強嘅郭晉安,就有羅樂林同韓馬利飾演佢父母!

Mary姐係1954年出世,今年64歲,大過安仔10年,拍埋真係似家姐多過阿媽啦!

苑瓊丹 陳浩民 《封神榜》

呢部2000年嘅《封神榜》,應該係好多8-90後心目中嘅經典,尤其係殷十娘同哪吒呢段母子情,實在令觀眾流咗唔少眼淚。

苑瓊丹喺劇中表現突破,有別過往純搞笑嘅演出。

現實中,陳浩民雖然都有一張童顏,但係1969年出世嘅佢,今年都已經49歲,1963年出世嘅苑瓊丹,只係相差6年!不過兩個人合作絕對擦出唔少火花,默契十足!

劇中殷十娘仲有金吒、木吒兩個仔,飾演金吒嘅鄧兆尊,今年都51歲喇!只係細苑瓊丹4年!

朱咪咪 歐陽振華《醉打金枝》

朱咪咪同歐陽振華呢個組合,當年真係老是常出現!1997年嘅《醉打金枝》,二人首次演兩母子,不過佢哋實質只係相差5歲。

過兩年佢哋再合作拍《陀槍師姐》,咪咪姐就變咗歐陽振華大嫂喇!

薛家燕 呂良偉《富貴門》

家燕媽媽做「媽媽」當然好合理!出道60年嘅家燕媽媽,今年68歲,8歲就出嚟打滾!2009年嘅《富貴門》家燕姐就要做呂良偉同袁詠儀媽媽。

但係呂良偉其實只係細家燕姐7年,聽佢口口聲聲嗌家燕姐做阿媽,都咪話冇違和感啦!

古仔蕭定一重金招手!陳豪 為第四胎留無綫

同黃心穎飛澳洲送家姐出嫁!馬國明居然咁回應婚期…

傳黃浩然老婆出軌?11位疑似派帽女星逐個捉

女神封盤!江嘉敏認戀電競公司高層 男友大起底

仔女睇得又讀得!盤點13位學霸星二代

《鬼怪》、《繼承者們》都不是第一?!節目公布最佳韓國電視劇前五名

揭《大帥哥》變倉底貨死因 張衞健蝕住回巢 淪為炮灰

女星中式婚嫁look逐個睇!裙褂、旗袍、潮褂都咁靚

女大18變!《爸爸2》12歲多多 變長腿美少女

吳嘉龍被女家嫌冇車冇樓?吳耀漢 寸爆親家拜金

斥資40億打造 鐵達尼二號相隔110年再啟航

延伸閱讀:

古仔蕭定一重金招手!陳豪 為第四胎留無綫

關注我們Facebook專頁
    相關新聞
      更多瀏覽