古仔蕭定一重金招手!陳豪 為第四胎留無綫
2018年10月27日16:29

賺錢湊仔都有心有力的陳豪,婚後三年抱三做咗兩子一女幸福人爸,但同老婆陳茵媺同樣熱愛大家 庭,仔女多多都唔拘,原來兩人已有共識再生第四胎。早前陳豪一家為住近仔女學校由大埔搬到港島南灣居住,慳番唔少湊仔女返學時間,為未來生多個B做足準備;原來明年初,陳豪便約滿無綫,近期更被古天樂、蕭定一重金搶人!

不過,無綫為留賺錢王亦不手軟,大幅加薪兼畀足自由度陳豪接外邊工作,好大機會打動穩陣派陳豪為仔女反離巢潮,甘願續約留低! 陳氏夫婦隨時Ready生多個,日前本刊更拍到 肚凸陳茵媺到中環秘睇醫生,唔知陳豪夫婦會 唔會好快有好消息公布呢!

撰文:東方新地 圖片:新傳媒圖片

延伸閱讀:

4個幸福人妻面相特徵逐個睇 嫁得好原來有樣睇!

何廣沛:「依家最緊要搵多啲錢!」 大呻收入唔穩定

陳豪陳茵媺 熱愛大家庭

結婚五年,陳豪陳茵媺一口氣生咗三個小朋友,兩個仔 Adien(梓燁)及Nathan(浩鋒)分別四歲和三歲,前年更成功追到女Camilla(凱婷),五口之家幸福爆燈;不過,陳豪夫婦均熱愛大家庭,加上奶奶鍾意湊孫,講明孫仔孫女愈多愈好,兩公婆早有共識再追第四胎。

陳豪陳茵媺都熱愛大家庭,早被三個仔女融化,兩人都好享受湊仔女樂趣。今年七月,陳茵媺帶住三個仔女返加拿大娘家放暑假,因要留港拍劇,非常掛住老婆仔女的陳豪到機場接機時,一見老婆仔女出現已經 冧到爆!

據知情者透露:「阿Mo同Aimee都喺外國 讀書,思想好洋化,好鍾意大家庭嘅熱鬧感覺,結婚初期已經 開玩笑話,想生夠四個可以打雙打,仔女出世之後,佢哋更加 覺得屋企多咗好多歡樂,加上阿Mo鍾意湊仔,唔會乜都旨意 Aimee做晒,一得閒就會幫輕老婆,陪仔女玩同溫書,兩公婆乜 都有商有量,佢哋唔覺得湊仔女係辛苦事,反而好enjoy!」

早前陳豪去台灣拍新 劇《殺手》外景,同 老婆仔女分隔兩地成 個月,一返港便變回 湊仔公,日前他單拖 出動湊仔女返學 ,下午三時許由司機接 送,由寓所出發先帶 大仔Adien去到淺水灣返playgroup。

送完大仔返學,陳豪再坐車趕返屋企,個 多小時後再送二仔Nathan和細女Camilla 去淺水灣上另一間playgroup,只見陳豪一個抱兩個落車,二仔同囡囡樹熊咁攬實 爹哋cute到爆。

行商場時陳豪又停低陪個仔揀玩具, 大仔Adien笑晒好開心。

廿四孝爹哋仲幫仔女孭住兩 個書包,湊仔女對陳豪嚟講 應該係樂趣無窮!

湊仔女親力親為的陳豪,只帶著一個工人姐姐隨行,獨湊三個B放學後, 同仔女企喺街等司機時,細女Camilla突然扭計唔願走,搞到陳豪有啲狼狽!

合力湊B

婚後極速生B減產,陳茵媺對演藝工作仍然興趣甚大,不 時復出拍戲拍廣告出活動,長做長有同老公阿Mo更有共識遷就 工作時間互相湊B,不過,近期Aimee已被三個可愛仔女融化,心繫家庭決定進一步放慢工作步伐。據知情者透露:「睇住仔女慢慢大嘅感覺好奇妙, Aimee母愛愈嚟愈泛濫,佢對工作嘅 憧憬都放低咗好多,佢同阿Mo好珍惜家庭樂嘅時間,好似每個 星期佢哋會搵一晚同三個仔女同床,五人瞓埋一齊感覺好溫 馨,佢哋都唔想小朋友年齡距離差太遠,依家囡囡兩歲幾,佢 哋都覺得係時候可以生多個。」

母愛泛濫

湊仔女唔鍾意假手於工人的陳茵媺,早前在社交網 po 相,感觸表示仔女開始長大,打完針仲好乖唔喊,更大爆細女Camilla堅持唔行不平坦的路,她要孭住大袋BB 用品,抱住囡囡走三百幾級樓梯上石板街!

月租10萬搬南灣

有個絕世好爸好老公,陳茵媺當然可以放心再生B,早前 陳豪一家由大埔比華利山,以月租10萬搬到港島南灣居住,阿 Mo就是為免老婆湊仔過度操勞。現時已將購入的比華利山舊 居以每月7萬租金放租,陳豪坦言:「唔係錢嘅問題,最寶貴係 時間!」他透露因為三個仔女都在港島區讀書,之前由大埔過 海返學,車程每次都要成個鐘,試過要來回六轉接仔 女,Aimee每日湊仔女都好辛苦。據知情者透露:「佢真係為咗 老婆仔女先決定搬屋,依家搬咗去南灣,返學近好多,而且阿 Mo已計劃遲啲幫細仔報埋阿哥嗰間國際學校,咁就更加方 便,就算將來湊多個B都唔係問題!」

其實上年暑假Aimee 已經試過一個人 帶三個仔女出門,回加拿大探家人一 個月,當時陳豪因要留港拍《誇世 代》, Aimee 亦 Plan 足半年才成行!

陳豪趕拍新劇《殺手》,今年七月陳茵 媺就一拖三返加拿大陪仔放暑假兼探 家人,坐十幾小時飛機要一個人睇住 三個小朋友的確唔容易,陳茵媺湊B 的確耐力驚人!

好嘢多人爭

有指養大一個小朋友,最基本開支最少都要4百萬,陳豪 已為未來屋企再添新成員,計晒數努力賺錢養家,原來,陳豪 同無綫合約明年初便屆滿,在無綫十八年至今仍是公司最賺錢 男藝人,無綫近幾個月都落力留人,不過好嘢自然多人爭,近 期就有唔少大公司重金向陳豪招手,包括近年積極大搞娛樂王 國的古天樂、蕭定一亦密斟阿Mo過檔。據知情人士透露:「古 仔近年積極拓展佢嘅經理人公司,之前已經簽咗林峯宣萱同佘 詩曼,公司愈做愈大,嚟緊仲有好多大Project,佢都好想簽埋 阿Mo,出嘅價錢好吸引,至於阿一嗰邊杏兒又啱啱走咗,佢 一樣睇準阿Mo好受廣告客歡迎,做戲又好,都好想簽到佢!」

忙於拍新劇《殺手》的陳豪,原來同無綫只剩幾個月合約,除了無綫大幅加 薪留人外,古天樂蕭定一對視帝亦虎視眈眈!

反離巢潮

雖然小生花旦爭住走,但陳豪卻反離巢潮被無綫打動留 低。據一位無綫幕後透露:「近年啲小生走得就走,無綫嗰邊 都好緊張,幾個月前已經同阿Mo傾續約,而阿Mo咁有觀眾 緣,無綫都唔想走寶,所以加好多錢留佢,而阿Mo份人好穩 陣,加上一家幾口等佢養,更加唔想有太大變動,同無綫已 經合作慣晒,嚟緊又計劃生多個,無綫出嘅錢同誠意又十 足,又答應畀自由佢接外邊工作,所以阿Mo續約成數好高!」

是各大品牌Event 常客!

陳豪在TVB 十八年,07年憑《溏心風暴》得得 地一角摘下視帝,爆紅劇接劇成為無綫首席小生,難 得十一年後,陳豪依然深受廣告客歡迎,廣告商演長 做長有,至今仍坐穩無綫最賺錢男藝人no. 1。

年初同森美為動畫 配音!

拍親都係大品牌廣告,酬勞過百萬。

老公陳豪忙於拍劇,養尊處優準備生多個的陳茵媺,日前就戴住口罩一個人到中環中建大廈睇醫生,只見著住T恤短 褲的她,忽然腰粗肚凸,在診所逗留個多小時才離開,而另 一日,剛從台灣返港的陳豪,就一個人走幾轉接送三個仔女 返學,當日就未見老婆陳茵媺蹤影,唔通陳氏夫婦又再一擊即中!

早前陳茵媺一 個人到中環中建大 廈睇醫生,戴上口罩 圓潤不少的她,坐在醫 務所內不停講電 話,更逗留診所個 多小時才離開。

完無耐已修身復工的陳 茵媺,呢日忽然粗腰肚凸,睇嚟Aimee已為生第四胎做好準備。

睇完醫生,Aimee一個人行去停車場攞車,期間又 不停睇電話,唔知係咪同緊老公阿Mo聯絡。

正面睇Aimee條腰明顯略粗,出入人多地方更 長戴口罩,相當小心!

傳黃浩然老婆出軌?11位疑似派帽女星逐個捉

斥資40億打造 鐵達尼二號相隔110年再啟航

女神封盤!江嘉敏認戀電競公司高層 男友大起底

仔女睇得又讀得!盤點13位學霸星二代

《鬼怪》、《繼承者們》都不是第一?!節目公布最佳韓國電視劇前五名

女星中式婚嫁look逐個睇!裙褂、旗袍、潮褂都咁靚

女大18變!《爸爸2》12歲多多 變長腿美少女

吳嘉龍被女家嫌冇車冇樓?吳耀漢 寸爆親家拜金

揭《大帥哥》變倉底貨死因 張衞健蝕住回巢 淪為炮灰

延伸閱讀:

嫁錫礦大王後人 苟芸慧收千萬家用

關注我們Facebook專頁
    相關新聞
      更多瀏覽