又要靚又要夠驚嚇!萬聖節派對妝攻略
2018年10月24日20:21

好多人以為Halloween只係俾鍾意去party玩的朋友狂歡,其實對於平日甚低調的你,又或工作壓力大的你,絕對應該在一年一度的萬聖節放鬆心情、盡情狂歡,將日常的工作和生活壓力釋放。除了吃喝玩樂,更要化個「靚鬼妝」嚇人!

其實萬聖節的誇張造型不用化得好detail,只要將重點集中在眼部或唇部便可。推介最簡單易化的吸血鬼「驚嚇」妝容,恐怖得來又夠美艷。

血唇化妝貼士︰

1. 想紅唇效果持久,先塗上潤唇霜打底,然後用印的方式蓋一層薄身粉底於嘴唇上,用唇掃勾畫唇形,再塗上兩層唇膏。

2. 加添創意,更可做出獨一無二的Halloween Look。例如利用黑色眼線筆勾畫萬聖節圖案,又或混合橙色唇膏營造血痕等特別效果。

3. 血盆大口雖然夠驚嚇,不過Halloween都講潮流,今年流行matt唇,所以必選用啞緻質感的紅色唇膏!

4. 選用粗身唇筆,方便易畫又夠顯色,而且玩到個唇妝花了,用唇筆亦方便即使補妝。

推介「血唇」妝品︰

想妝容更誇張,就一定要貼假睫毛。好多女生都覺得貼假睫毛好難,其實只要試多幾次,工多藝熟自然有靚效果。當然亦要選擇材質輕盈的假睫毛,其中以優質人造纖維最柔軟又有彈性,而且易清潔又耐用。

貼假睫毛步驟︰

Step 1. 夾翹睫毛前,先塗一層睫毛膏將睫毛延長,令假睫毛更容易配戴。

Step 2. 輕力將假睫毛弄軟。

Step 3. 放於眼上量度長度,長度應為比內角短1mm,確保不會令眼睛感到不適。

Step 4. 掃上假睫毛膠水,特別於頭及尾段位置加多一點份量,等待數秒讓膠水稍為收乾。

Step 5. 以假睫毛配戴夾將假睫毛對正眼睛中央輕輕貼上,盡量貼近原有睫毛根部。

Step 6. 再用假睫毛配戴夾調整眼頭及眼尾的睫毛,輕輕用力貼於睫毛根部便完成。

編輯推介︰

除了要預備假睫毛配戴夾及睫毛夾之外,亦不能缺少眼部化妝品。黑色眼影及眼線液可以用來填補及修飾睫毛根部跟假睫毛之間的空隙和睫毛膠水漬;而黑色睫毛膏可以加強假睫毛的豐盈濃密效果。

編輯推介︰

Related Articles

關注我們Facebook專頁
    相關新聞
      更多瀏覽