【火速救兵】首集播出好評如潮 比其他本地製作高幾班!
2018年10月17日19:00

無綫劇大家就睇唔少,唔知有冇人都冇睇香港電台製作嘅電視劇集呢?事實上,港台所製作嘅電視劇一向都幾有質素,例如有《獅子山下》系列,不過今次同大家講嘅係最近嘅新劇《火速救兵IV》!唔少人睇完第一集都大讚《火IV》比起好多本地製作高幾班!

撰文:東方新地|圖片:電視、影片截圖

延伸閱讀:

坤哥收入十級跳 秘密搬去貝沙灣

淨係聽都心寒!貓刑﹑宮刑 7種殘酷不仁折磨女性古時刑罰

《火速救兵IV》首集播出好評如潮

香港電台與香港消防處合作製作嘅電視節目《火速救兵IV》最近出街,話咁快《火速救兵》系列嚟到第四輯,唔少人都話等到頸都長!今輯就有王喜、歐錦棠、林文龍等人參與拍攝,齋聽到呢幾位都已經令劇集生色不少!

《火速救兵IV》逢星期六晚9時30分至10時,在港台電視31播出。

雖然港台嘅劇集未必會好似無綫播出嘅劇集收視咁好,但卻勝在口碑及好評數量遠超無綫,今次《火IV》亦冇例外,皆因《火IV》啱啱播出第一集就已經好評如潮!

劇情緊湊

本月13日播出嘅首集,一開始就講到一班消防員喺貨船上救火,期間因火場發生閃燃,導致形勢非常危急,而飾演「阿秋」嘅何華超卻被困火場!

第一集已經喺貨船上救火!

歐錦棠講完一句「我哋一隊人,幾多人入去,就幾多人出嚟」後,隨即衝入火場救同僚!劇情相當緊湊!

「爆人王」歐錦棠呢句令大家一鼓作氣入火場!

真火拍攝唔馬虎

唔好以為劇集每集得30分鐘而會令情節鬆散,當睇完頭10分鐘,其實就已經好想繼續睇落去!講完船上救火,就到第一集嘅重頭戲——氣體水洩漏事故。講到歐錦棠被炸飛至大廈外,命懸一線,而何華超及時立即捉住對方,並忍受背後烈火嘅高溫!

原來驚險嘅場境係由「爆人王」歐錦棠親身上陣拍攝,而且何華超身後嘅熊熊烈火亦係真火,可見劇集認真度相當高!

歐錦棠親身吊威也上陣!
熊熊烈火並唔係電腦特技!

導演希望帶出重要價值觀

另外,值得一提嘅係原來拍攝該幕嘅原因,係導演希望帶出消防員一個好重要嘅價值觀,就係好重視兄弟情、珍惜同袍兄弟性命同互相守護對方生命嘅感情!

睇到呢幕,除咗睇到演員嘅認真拍攝,場面嘅專業程度絕不馬虎外,原來背後仲有導演嘅心思!

消防員參與協助拍攝

據知,劇集中更有消防員參與協助拍攝,難怪劇集可以有咁多專業及高難度畫面出現,並喺鏡頭前完美程現觀眾眼前!

消防員同劇組一齊進行及協助拍攝。
劇組與一眾有份協助拍攝嘅消防員留影。

有網民就表示無論喺劇本安排、演員表現及場面上,覺得比起好多本地製作、每集不足半小時嘅短劇高幾班!當然劇中有份參與拍攝嘅演員好戲就唔多講,加上幕後有專業嘅消防員配合及協助拍攝,相信《火》亦會係最近難得嘅高水準之作之一。

見到拍攝成果,個個都開心笑出嚟!

另外,首集結尾時提到歐錦棠調任學堂教官,而且更有疑似反叛學員胡子彤出場,同時令唔少觀眾十分期待第二集嘅播出!

《火IV》冇令觀眾失望!
歐錦棠調任學堂教官,仲會遇到疑似反叛學員!

《跳躍生命線》被揭四大漏洞位

《跳躍生命線》今個星期首播,大家都慨嘆李佳芯第一集出場就死去相當可惜,不過亦網民將重點放到劇集內容真確性上。一個以救護員為主嘅群組熱烈討論劇中「膠位」,依家就一齊睇睇有咩「膠位」!

跳躍生命線
跳躍生命線
李佳芯於劇中死於一宗交通意外。
跳躍生命線
跳躍生命線
劇中,救護總隊目麥在田(馬德鐘飾)跟獨女諾兒、姐姐愛花(張文慈飾)、小姨章可祈(劉佩玥飾)共同生活。

太過矯情

劇集講到一個爆炸場面,馬德鐘嘅小隊率先到達現場,馬神立馬觀察現場情況後,就即刻大叫一聲「消防處救護員」,幾有氣勢!不過就有該群組網民指該幕相當「膠」,皆因大叫嗰下未免太過矯情!

馬德鐘嘅小隊趕到現場。
發生的士爆炸事故。

孭起傷者有錯

其後,馬神更喺抱起傷者前冇對傷者做任何身體檢查,明顯又一個謬誤。不過就有人為該幕辯稱指當時嘅情況危急,大家咪睇下馬神都英勇抱起傷者,可必咁認真喎!

馬神二話不說就馬上拉起傷者。
仲要背起對方!

用手檢查救護車?

另外,有一幕講到救護員檢查救護車時,劇中嘅泰仔只用手而冇使用儀器檢查救護車,結果又被網民質疑。

用手檢查救護車。

制服有所出入

由於劇集一開始係時光倒流去10年前講起,有網民就指出若然係10年前嘅話,馬神身上嘅制服亦有出現錯誤,因10年前嘅制服嘅「柴」係相對較粗,但劇中嘅制服就相對較幼,似乎有所出入。

TVB用比較分開同幼嘅「柴」。
網民指當年嘅「柴」應該係較粗同較密。

雖然有眼利網民睇得出以上漏洞,細節位仍未能盡善盡美,但亦有網民撐指今次劇集嘅製作已經係超越以往TVB嘅製作。唔知大家認唔認同,不過相信今次劇集依然值得大家捧場支持一下嘅!

延伸閱讀:

10個港式英文有潛質入牛津字典 繼add oil後邊個最有機會?

關注我們Facebook專頁
    相關新聞
      更多瀏覽