【拒P圖】吳雨霏手抱B仔 首晒泳衣照:「孭帶孭住bb係兩母子最親密嘅時刻」
2018年10月08日16:20

歌手吳雨霏(Kary)自從6月誕下囝囝Asher後,停工留家一心相夫教子。日前,Kary喺社交網首次上載與囝囝合照,相中Kary着住橙紅色泳衣身形好Fit,樂做新手媽媽嘅Kary好溫柔咁抱實囝囝,BB面珠肥嘟嘟,相當可愛!

撰文:C | 圖片:ngk IG

延伸閱讀:

【親子好去處】免費任玩「水+沙+滑梯」屯門公園共融遊樂場 即將啟用

【中秋親子好去處】穿梭3D月光隧道 必玩3大打卡位

【拒P圖】吳雨霏手抱B仔 首晒著泳衣照:「孭帶孭住bb係兩母子最親密嘅時刻」

過去試過大騷三點式的Kary,已為人母後就收起性感,只是穿上橙紅色一件頭泳衣,用一條長巾綁住Asher抱於胸前,以英文留言說出與兒子肌膚之親的感覺:「這是生命中最甜蜜的開始!」

Kary又用英文留言講述「肌膚之親」,佢話:「用孭帶孭住bb係母子間最甜蜜、最親密嘅時刻,我會好好珍惜仲可以孭住囝囝嘅時光!」

BABYWEARING || Did you know that skin-to-skin contact releases feel-good oxytocin for reduced stress, increased feelings of love, and the desire for connection in you and your baby? It’s the sweetest start to life ❤️👶🏻 I believe in babywearing wholeheartedly. There’s nothing sweeter than endless cuddles with my sweet little dumpling and I’ll cherish all these little moments while he’s still small enough to carry! (And yes that’s a scar on my butt that I don’t plan to photoshop)

Asher頭髮好多,面珠肥嘟嘟,相當可愛!

仔細睇相中Kary臀部位置有一個明顯嘅疤痕,Kary就留言話:「是的,這是我屁股上的傷疤,我不打算去修圖。」

雖然圖中隱約見到Kary有小小「肚凸凸」,似乎仍須努力修身。不過,呢件泳衣佢喺產前已經着過,今次生完再着都完全冇難度!

之後,Kary又上載咗一張同寶貝仔遊船河的相片,原來Asher都係蓮藕BB,好得意。

吳雨霏親測推介:「產後紮肚修身快」

Kary晒出產後泳衣照後,不少網民大眾佢:「恢復得好快,身材Fit爆!」Kary不私心、九秒九同大家分享自己產後修身秘訣——「紮肚」。

Kary仲話呢個絕對唔係「廣告」。

吳雨霏 低調百日宴

早前,囝囝Asher100日大,Kary就會寶貝仔搞咗個低調又溫馨的百日宴,依然未公開囝囝正面。

吳雨霏樂做母乳媽媽 半夜湊B冇覺瞓

升呢做媽媽嘅Kary,不時喺社交網大晒幸福湊B日常。百日宴收到祝福後,Kary更喺IG Story留言感謝大家嘅祝福,更罕有咁親自介紹一番寶貝仔Asher:

「Asher目前3個半月大,BB出世後我一直餵佢食人奶,為咗佢半夜唔駛成日餓醒,我哋每晚11點都會餵佢一次。不過…Asher每隔2個鐘都依然會好準時咁起身扭計」

之後,Kary喺半夜起身湊仔,大嘆產後媽媽冇覺瞓。佢留言話:「而家Asher每晚直到早上7點都唔會扭計食奶,但每晚依然會醒2-3次扭計要抱抱或者想食奶嘴,當我起身氹掂佢之後,佢就會馬上瞓返」

每晚被囝囝吵醒,Kary氹掂Asher後,B仔都「好無情」咁「秒睡」。
Kary話Asher可以「去到邊瞓到邊」,笑指肯定係遺傳自daddy。
湊仔好攰,但為咗嘅仔咩都值返晒。

【學會放手】吳雨霏愛仔心切 產後3個月從未離開囝囝半步

藝人吳雨霏(Kary)自從生咗囝囝Asher出世後,甚少出席公開場合,專心喺屋企做好媽媽。但最近渠終於“出關”喇!渠喺網上上載一張飯局合照,跟城中名人邢嘉倩,曾昭怡等聚會,Kary著上吊帶低胸裝示人,大晒Fit爆身材。

佢留言話:「好高興昨晚被這些女孩拉出家門,已經3個月沒有離開屋企,好耐都未離開過囝囝半步,真係希望每一秒都陪著囝囝。但現在要學會放手,學習不再因為「獨享」時間而感到愧疚,找到這種平衡 對我來說很重要,即使只有兩個小時的飯局,但感覺真係超正。」

So glad these girls dragged me out of the house last night, because I haven’t been out of the house for THREE months. In fact I haven’t been out of my PJs for that long… 😂 I needed it so bad. I’ve learnt to let go and not feel guilty about having my own time. I l

ove my son to death and I want to be with him every second, but it is also very important for me to find that balance. To recharge and BREATHE. Even though it was only a two hour dinner, i feel good. Really really good ✨

好友宋熙年 留言:「我3個星期已經頂唔順」

同樣剛誕下BB的宋熙年,得知Kary3個月冇出門,感到超驚訝,佢留言:「你竟然3個月冇出門!!我連三個星期都頂唔順!完全明白你此刻的感受!」胡蓓蔚就留言大讚Kary:「全場最索就係你!」

返到屋企囝囝即詐型

Kary返到屋企又再變身「廿四孝媽媽」,佢半夜喺ig story更新:「Asher半夜突然起身扭食夜奶,係咪因為速長期?」睇嚟呢位「廿四孝媽媽」又要再適應一排先捨得放手啦。

吳雨霏產後運動晒弗爆身材 大嘆母乳媽媽無奈事

吳雨霏(Kary)產後首次Po出個人獨照,大晒弗爆身材,開心分享產後3個月嘅「第一次運動」。

Kary今日亦晒出一段囝囝的短片,Asher不停揮手好活潑,眨吓眼囝囝已經三個月大喇!

其實Kary陀B嗰陣身材都一直Keep得好好,完全「肥胎唔肥身」,甚至越陀越靚。

Kary自今年年初宣佈再次懷孕大肚後就甚少露面,專心養胎,過上少奶奶生活。

View this post on Instagram

13歲認識他,還記得的那時候遙遠的看到他打球,我的心會卜卜跳。 10年前的聖誕節我們又遇見了,從此我的生命就不再一樣。 . . . 謝謝你,當我開心的時候,你比任何人都更開心 謝謝你,當我流淚的時候,細心聆聽之後給我一個擁抱 謝謝你,當我沒有勇氣的時候,說要牽著我的手一起走 謝謝你,我不完美而且很多缺點,但你都一一包容 謝謝你,永遠把最好的東西留給我。 我每天都在你身上學習,你是我認識最善良最有愛心最man的男人。 生命的美麗在於經歷,能夠跟你一起經歷人生就是最幸福的事! Times flies! Happy 2nd Anniversary ❤

A post shared by Kary Ng // 吳雨霏 (@ngk) on Jan 20, 2017 at 6:44am PST

六月誕下寶貝仔Asher,Kary升呢做咗母乳媽媽。

View this post on Instagram

遲來的報到,大家好,我叫做Asher! 謝謝大家的祝福!❤️ Asher的意思是快樂和祝福,他就是天父爸爸送給我們最珍貴的禮物。 生命真的很奇妙,從我肚子裡養育了9個月,然後搏鬥了10幾個小時後第一眼看到他, 我知道我們的生命從此就不一樣。 很想在這裡特別謝謝醫生和醫院的護士,從生產過程到出院一刻都好好的照顧我和BB 辛苦你們了! Hello my name is Asher ❤️ Asher means happy and blessed. Thank you so much for all the love. He is indeed the greatest blessing from GOD! After nine months of nurturing, growing, and keeping him safe, we thank God for bringing this precious little gift safely into this world! We are starting a brand new journey and our lives are forever changed. Special thanks to my doctor and all the nurses at the hospital for taking good care of me throughout the birth process. We are home! Blessings, Kary & Brian

A post shared by Kary Ng // 吳雨霏 (@ngk) on Jun 23, 2018 at 10:07pm PDT

自從兒子出生後,吳雨霏一直都只上載孩子的手仔、腳仔相,不過在日前她終於晒出Asher的「牀照」,見到Asher躺在BB牀上,面珠圓圓,雙眼非常精靈!曾經歷過小產的吳雨霏更留言指:「There’ s no greater joy and honor than being a mother(沒甚麼比當媽媽更快樂和光榮)。」講出了一眾媽媽的心聲!

老婆坐月 Brian幫手湊BB!

吳雨霏在6月底晒出一張捉住BB手仔嘅相,並宣布囝囝嘅英文名叫Asher,吳雨霏留言:「遲來的報到,大家好,我叫做Asher!謝謝大家的祝福!Asher的意思是快樂和祝福,他就是天父爸爸送給我們最珍貴的禮物。」

選擇順產的吳雨霏生完BB後,不忘多謝醫生護士嘅照顧,她說:「生命真的很奇妙,從我肚子裡(裏)養育了9個月,然後搏鬥了10幾個小時後第一眼看到他,我知道我們的生命從此就不一樣。很想在這裡(裏)特別謝謝醫生和醫院的護士,從生產過程到出院一刻都好好的照顧我和BB辛苦你們了!」

0
0

Asher躺在BB玩具連地墊上,眼仔碌碌望住爸爸Brian,而Brian就搖吊住嘅BB玩具吸引兒子,真係好有愛!

吳雨霏貼文感謝老公

產後嘅Kary不時會在社交網分享廿四孝老公湊仔相,不過自己就甚少露面。早前,Kary在Instagram分享一張老公為2個月大囝囝Asher換尿片時所拍攝的相片,而Kary更用英文寫下長篇感謝的說話。

Kary表示:「這個男人從來沒有錯過為囝囝Asher換尿布或給他洗澡的機會,而且每當他下班回家時,他總是跟囝囝讀聖經故事。當我因餵哺或頭痛而筋疲力盡時,他總為我調好熱水澡,真讓我驚訝。」

Kary更表示擁有如此老公是非常幸運的事:「我怎麼這麼幸運?給我的磐石,我的超級英雄,我的靈魂伴侶,我最好的朋友,我更好的一半,以及我的寶貝爸爸❤️我希望你有最好的生日,願上帝繼續祝福你。我愛你! 🎈🎂」(原文This man never misses a chance to change Asher’s diapers or bathe him, and he always reads bible stories when he comes home from work. When I’m exhausted from feeding or have a headache, he surprises me by turning on a hot bath for me. How did I get so lucky?? To my rock, my superhero, my soulmate, my best friend, my better half, and my BABY DADDY ❤️ I hope you have the best birthday, may God continue to bless you abundantly. I love you! 🎈🎂)

而Kary的好友都留言祝賀Brain生日快樂,以及大讚有如此愛老婆的丈夫,真是神的祝福。

0
0

雨僑:God bless both of you!

關心妍:GOD BLESS U WITH a Sweet caring loving husband ❤️

鄧麗欣:Happy birthday Brian

老公Brian換片、哄睡樣樣掂,完全唔需要坐月中嘅Kary憂心。

選擇親餵呢條路,Kary都要經歷所有人奶媽媽必經辛酸路——泵奶。

佢不時都會喺社交網同大家分享艱苦嘅泵奶歷程,不過眼見仔仔食得肥肥白白,作為媽媽辛苦小小都毫無怨言。

早前,Kary就大嘆一眾母乳媽媽的「無奈事」

最無奈莫過於你餵緊奶時,阿仔用力咬你,跟住你低聲好惡咁話佢,佢望住你呆咗幾秒,然後對住你大笑…咁我笑好定喊好,你玩晒啦,鬼叫你係我個仔,心都溶埋。

相信母乳媽媽都深有同感呀!

32歲吳雨霏一索得男 順產誕男B

吳雨霏誕金叵羅前,已經同老公搬去半億愛巢,為囝囝提供優質生活,有指奶奶一直悉心照料,並搵定頂級產房及陪月員,老公睇定育嬰書學湊B,更豪裝BB房。

吳雨霏老公 唔畀老婆操勞

31歲的吳雨霏,兩年前經歷小產傷痛,幸得老公洪立熙扶持走出陰霾,2月Kary宣布造人成功,BB預產期在六月。據好友透露:「Kary近年刻意減少工作,將更多時間留畀家人,Brian做金融雖然好忙,但佢就抽好多時間陪老婆去旅行享受二人世界,上年9月,Kary同老公去完加拿大旅行,返嚟就發現有咗,兩家人都好開心,本來有幾場內地巡迴演唱會要做,但為咗安胎都被迫取消,奶奶雀躍得嚟都好緊張,成日提住個仔要睇住老婆,唔好畀新抱操勞,依家Kary應該要等BB一歲之後先再諗產後復出。」

吳雨霏
吳雨霏
Kary二月放相上社交網宣布同老公Brian快做爸爸媽媽,睇相已經夠晒甜蜜,據知Kary今胎一索得男,金叵羅預產期在六月。
吳雨霏
吳雨霏
雖然老公唔畀操勞,不過大肚婆點都要多啲活動,日前Kary就由友人陪住去買家品,陀住8個月巨肚行街,Kary行路都算瀟灑,但就戴住大肚婆必備的口罩,絕對係個緊張媽咪。

同奶奶感情好

據知Kary為老公一索得男,洪家上下對迎接金叵羅都非常緊張,奶奶更加搵定頂級產房及陪月,又經常煲靚湯畀新抱仔進補,事事照顧周到。據知情者透露:「Kary同老公兩家人係世交,奶奶可以話係睇住Kary長大,Kary同奶奶感情一向都好好,之前照超聲波,知道係陀男仔之後,老爺奶奶都好開心,始終Brian係長子,屋企第一個孫仔喎!成家人都好興奮,講真Brian不嬲都對Kary好好,知道老婆有咗之後,佢仲爭晒屋企啲家務嚟做,又請假貼身陪實老婆安胎先放心,佢仲睇定育嬰書,學定點湊B,佢真係廿四孝老公!」

吳雨霏
吳雨霏
近年Kary放慢工作步伐,將更多時間陪老公及家人,Brian亦減少工作陪老婆周圍飛享受二人世界。
吳雨霏
吳雨霏
兩年前不幸小產,Kary除咗同老公Brian互相扶持走出傷痛,更在Sammi主動鼓勵下返教會,Kary之後洗禮正式成為基督徒,兩個教友更因此成為好友。

半億愛巢送妻

出名是愛妻號的Brian早前更斥資近半億買下渣甸山獨立屋送給愛妻,新居豪裝一年多已經入伙,兩公婆更花盡心思設計BB房。據知情者透露:「Brian好錫Kary,成日都會諗驚喜氹老婆,之前Kary睇到架波子話好鍾意,Brian就偷偷地訂車仲係Kary最鍾意嘅黑色送畀佢,渣甸山呢間愛巢,佢同Kary第一次睇已經好鍾意,Brian即刻扑槌買,間屋裝修咗年幾,佢哋將BB房布置到成個遊樂園咁,話等BB大啲可以多啲地方走動同多啲嘢玩,設計得好有心思!」

吳雨霏
吳雨霏
Kary已同老公Brian搬入半億新愛巢,更豪裝BB房迎接仔仔出世。
吳雨霏
吳雨霏
渣甸山新居有二千多呎,屋外還有一個大花園,近期Kary就在花園學種菜,睇住小幼苗長成變成蔬菜及蘿蔔,Kary不停開心拍低照片放上網分享栽種成果。

延伸閱讀:

全港53間直資私小學費一覽 10大學費最平直資私立小學

關注我們Facebook專頁
    相關新聞
      更多瀏覽