離巢無綫靚媽成最高價司儀 感謝一切全靠TVB!
2018年10月05日11:00

TVB經歷藝人離巢潮,先後有多位藝員離開,有人回內地發展,有人嫁人養尊處優。不過亦有離巢藝員選擇轉行做司儀,而且仲愈撈愈掂,依家已經成為最高價司儀之一,講梗嘅就係以下呢位女司儀!

撰文:東方新地|圖片:新傳媒圖片庫

延伸閱讀:

小新細個係咁嘅樣? 5大卡通人物小時候勁可愛

張寶兒實行奶奶政策 自爆生日陪袁母去旅行

楊洛婷大讚好友整髮手勢

今年37歲嘅楊洛婷(Rebeea)04年加入TVB,十年後因約滿而離巢。近日,佢聯同鄺美雲、黃伊汶、姚嘉妮、等出席好朋友嘅髮型店鋪開張,提及自己做司儀時髮型嘅重要性,指如果冇髮型師,就唔會有咁靚嘅髮型岀show!

靚媽
靚媽
楊洛婷出席好朋友的髮型店鋪開張。

靚媽
靚媽

Rebeea仲非常識做,於活動中曲線大讚好朋友手勢好,透露唔少人都讚佢每次出show個頭set得好靚,仲會問佢邊到整,所以好開心對方今次開髮型鋪。

至於Rebeea最鍾意咩髮型,佢就話女仔乜類型髮型都唔緊要,最重要係襯到當日活動、工作及衣著,強調髮型師嘅角色好重要,因為會為對方諗埋髮型設計方面。

離巢無綫靚媽成最高價司儀

Rebeea自從離開TVB後,一直主力發展司儀工作,最近就被指作係最高價司儀之一。對此,佢就笑言唔可以話最貴,而係好實用兼物超所值!而且,Rebeea覺得最重要係客戶滿意,認為收得人哋錢,自己都要交到功課,非常盡責!

Rebeea更指全因以前喺TVB工作嘅十年經驗,認識咗唔少客戶,因為彼此交流多咗,已經同客戶成為好朋友,所以很多朋友都會介紹工作俾佢。接咁多job,Rebeea咪豬籠入水?

楊洛婷封為最靚媽媽之一

另一方面,Rebeea對於自己被封為「最靚媽媽」之一,佢就話好開心,同時再三強調女仔一定唔可以偷懶,要勤力做保養功夫!

楊洛婷04年加入TVB,14年因與公司冇再續約而離巢發展司儀事業,同年,佢嫁咗俾樂隊Dear Jane主音黃更翱。上年,Rabee為老公誕下一女,生活幸福美滿!

楊洛婷泳衣中門大開

靚媽之一嘅楊洛婷早排飛咗去泰國旅行,仲著起件一件頭粉紅色泳衣,重點係中門大開!一向有料嘅Rabee唔洗做任何動作,無論咩角度影,波邊都出哂嚟,認真夠哂性感!

View this post on Instagram

#SunKissed ☀️ 💋

A post shared by 楊洛婷 Rabee'a Yeung (@rabeeayeung) on Jun 26, 2018 at 12:28am PDT

曬太陽曬得興起,一於換個表情,攤喺沙灘櫈擺出嘟嘴樣,網友都差啲頂唔順,皆因Rabee太過「胸狠」!

遊泰國點可以少咗飲椰搞解口渴?不過最吸睛都係呢位靚媽著上低胸吊帶衫!

延伸閱讀:

《流行都市》加入年輕新力軍 你又認識邊一位?

關注我們Facebook專頁
    相關新聞
      更多瀏覽