鄭嘉穎陳凱琳米蘭放閃睇騷 趁機度蜜月
2018年09月25日08:27

鄭嘉穎同陳凱琳結婚唔夠兩個月,新婚燕爾當然甜到漏,兩公婆早兩日拍拖去咗意大利米蘭時裝周睇騷,鄭氏夫婦難得夫妻檔出trip工作,梗係趁大好機會喺呢個浪漫都市度蜜月啦!

撰文:東方新地|圖片:陳凱琳IG

延伸閱讀:

判狗狗兩宗罪「入獄」一小時 陳美詩:畀我寵壞了!

KOL年代 宅喺屋企搵錢 杜小喬媽媽:以為個女俾人包……

鄭嘉穎陳凱琳寓工作於娛樂

鄭嘉穎話今次工作相當輕鬆,全程抱住旅行嘅心情去開工:「當旅行嘅心情?都可以咁講,我冇嚟過米蘭,呢次係婚後首次一齊出trip,所以感覺好唔同。」問到鄭嘉穎想唔想做模特兒上台行騷,佢笑住話:「真係冇諗過做model喎,其實之前有去過巴黎睇騷,但行騷就未試過。但如果有人夠膽搵我嘅話,我都會夠膽嘗試!」

鄭嘉穎
鄭嘉穎
鄭嘉穎同陳凱琳日前拍拖去咗意大利米蘭時裝周睇騷,二人更趁機喺呢個浪漫城市度蜜月㖭!
鄭嘉穎
鄭嘉穎
鄭嘉穎與陳凱琳婚後首次以夫妻檔出席外地活動,鄭嘉穎笑指今次工作輕鬆。

鄭太難忘開心旅程

鄭太陳凱琳除咗睇騷外,仲把握時間參觀時裝品牌博物館,有另一番感受:「真係好難忘嘅體驗,之前仲去過時裝品牌嘅博物館參觀,先發現一百年前係做『內衣褲』起家,以前去外地睇博物館都係欣賞畫作之類,今次係睇衫,所以感覺真係好唔同。」

鄭嘉穎
鄭嘉穎
鄭太陳凱琳除咗睇騷外,仲把握時間參觀時裝品牌博物館。
鄭嘉穎
鄭嘉穎
問到鄭嘉穎想唔想做模特兒上台行騷,佢笑住話:「真係冇諗過做model喎,但如果有人夠膽搵我嘅話,我都會夠膽嘗試!」

輕鬆開工

鄭嘉穎
鄭嘉穎
陳凱琳話今次旅程寓工作於娛樂,又去咗多個景點遊覽。
鄭嘉穎
鄭嘉穎
心情靚靚嘅鄭太仲影咗唔少靚相㖭!

衛詩雅大出血

另外,有份出席時裝周嘅仲有衛詩雅,佢話會瘋狂shopping大出血:「今次係第一次出席米蘭時裝周活動,所以真係好興奮,出發前一直諗要著咩衫出席活動!今次現場睇騷真係大開眼界,好興奮!我都同經理人講咗,完騷之後要比時間我去古蹟參觀之餘,仲要留時間比我Sshopping,所以都預咗大出血。」

鄭嘉穎
鄭嘉穎
另外有份出席時裝周嘅仲有衛詩雅,佢話會瘋狂shopping大出血。
鄭嘉穎
鄭嘉穎
衛詩雅話今次係第一次出席米蘭時裝周活動,所以真係好興奮,出發前一直諗要著咩衫出席活動!

陳凱琳激罕除衫倒奶出席時裝騷

最近,陳凱琳雖然做咗人妻,不過就冇收起性感,反而衣著愈嚟愈大膽,今次更着咗件火紅超低胸Top配搭西裝外褸出席內衣時裝騷,實行來個人妻大解放!唔知係咪因為件Top個設計所影響,驟眼望落好似見到Grace條長長事業線!

喺時裝騷中,Grace被安排坐頭排,見佢上圍逼爆,猶如再度發育,睇到唔少網友都話流哂鼻血!相信今次Grace仲唔一洗「史上最平港姐」之名!

當Grace同馬慧詩一齊影限時動態時,更趁機除去西裝外褸搶鏡!又係嘅,難得有機會攞正牌性感,仲唔把握機會!

鄭嘉穎 陳凱琳 首次夫妻檔出席活動

新婚夫婦鄭嘉穎及陳凱琳上月首度以夫妻檔形式出席活動,二人以黑白配的造型現身。剛巧,二人剛到場就突然落起大雨,故令man爆的嘉穎要一手擔遮,一手攬實太太Grace,認真嚟一場風雨同路,場面非常甜蜜!事後,細心的嘉穎仲幫太太抺乾身上的雨水,以免太太冷親!

鄭嘉穎
鄭嘉穎

鄭嘉穎大讚太太冇得頂

二人接受傳媒訪問時,當問及酬勞,鄭太就馬上回答:「ok啦!」至於係咪當家用,Grace就指家用係一齊用,而嘉穎就爆指太太唔識「當家」係乜嘢意思,於是要同老婆解釋,指即佢以後負責俾錢,太太就負責管錢。嘉穎其後就讚太太好知慳識儉,所以好放心畀數佢睇,仲大讚太太冇得頂!

鄭嘉穎
鄭嘉穎
離遠都睇到Grace手上戴住粒好大嘅鑽戒!

鄭嘉穎係100分老公

聽到老公咁讚自己的Grace被問到係咪俾老公100分,即刻冧爆咁話:「100分,但我想畀超過滿分。」令到嘉穎笑言要謙虛啲喎!同時,Grace亦透露婚後首次為老公下廚蒸水蛋,卻蒸過頭起泡泡,但老公都有食晒,而嘉穎就笑指:「如果今次我唔鼓勵佢,我以後冇得食!要從錯誤中學習嘅,佢咁叻,下次一定煮得好好!」

生B順其自然

另外,大家都關心嘅問題就係鄭生鄭太幾時生BB,嘉穎就話BB係上天的禮物,直言:「幾時有就幾時有啦!仔女都鍾意,不過就想BB似媽咪。」Grace即甜笑表示:「似佢都好呀!」仲話生幾多個都冇所謂,睇天父決定,指自己冇壓力!咁大家就等鄭生鄭太好消息啦!

鄭嘉穎婚禮鄭太話晒事

拍拖3年的陳凱琳與鄭嘉穎,周日 (12日) 在印尼峇里的Bvlgari Resort Bali舉行婚禮,因為峇里附近的龍目島在個多星期內經歷三次地震,更一度發出海嘯警告,有傳婚禮一度考慮改到布吉舉行,但新娘子陳凱琳情傾峇里的無敵大海景,鄭嘉穎不想老婆失望有遺憾,決定風雨不改。

陳凱琳
陳凱琳
下午2時,陳凱琳換上白色婚紗,翹住爸爸臂彎步入教堂,當時陳爸爸強忍男兒淚,送愛女出嫁。

自上月婚禮消息曝光後,外界有傳二人奉子成婚,才會結得如此急,事實卻是去年聖誕鄭嘉穎已求婚成功,陳凱琳這半年來一直在籌備她的夢幻婚禮,鄭嘉穎更把所有話事權交給陳凱琳,而他就負責找數。雖然今次未有在香港擺酒大排筵席,但鄭嘉穎亦跟足傳統娶陳凱琳,過大禮及禮金都做足。

鄭嘉穎
鄭嘉穎
鄭嘉穎見到陳凱琳行入教堂即流咗兩條馬尿,兩人在聖壇前執子之手,由牧師帶領進行誓詞儀式,其間非常感動,眼有淚光。

知情者透露:「嘉穎真係好有誠意娶Grace(陳凱琳),只要Grace鍾意嘅佢都冇意見,由地點、酒店、形式同餐單都由老婆話晒事,使幾多錢都冇所謂,最緊要Grace開心,不過咁唔代表佢冇參與,就算喺內地有工作,佢都請假陪住Grace飛去峇里睇場地,順便玩番幾日。之前峇里有地震危機,嘉穎加大個保險額做保障,點都唔想取消個婚禮,佢覺得一生人一次,唔想Grace失望。嘉穎亦知道Grace好緊張屋企人,岳父岳母辛苦養大個女,讀完書幾年就話要嫁人,點會捨得?之前傾婚事時,陳爸爸話禮金方面隨意就得,但嘉穎好識做,一早就開咗張冇寫銀碼嘅支票畀岳父岳母,任佢哋開禮金,呢個舉動真係令Grace父母好感動,知道佢真心錫自己個女,亦放心交個女畀佢。」真正愛一個人才願意無私付出,有指坐擁15億身家的陳爸爸本來甚為反對女兒與鄭嘉穎拍拖,但三年來看到二人的相處,終於令他改觀。

鄭嘉穎
鄭嘉穎
鄭嘉穎話遇到陳凱琳後就想同佢組織家庭:「你帶畀我嘅喜悅、快樂,係從來未試過⋯⋯多謝你答應嫁畀我,無論以後條路係點,我哋一齊行落去,我會照顧你一生一世,I Love You So Much!」
鄭嘉穎
鄭嘉穎
陳凱琳感謝鄭嘉穎,仲邊喊邊講:「多謝你,我係一個好冇自信嘅人,喺我失望、對自己好冇自信嘅時候,你一定會鼓勵我要堅強、要釋懷,難過嘅時刻會過去,要諗住將來嘅開心,每一次你都係啱。」
鄭嘉穎
鄭嘉穎
一對新人在教堂行完禮步出時,在場半百賓客一齊歡呼,鄭嘉穎陳凱琳更多次溫馨錫錫,盡顯濃情蜜意,場面感人。

鄭嘉穎
鄭嘉穎

婚後大解放

陳凱琳是基督徒,對於婚前禁慾這回事,三年來她與鄭嘉穎都避而不談,現在名正言順成為夫婦,終於可以大解放。婚後鄭嘉穎與陳凱琳繼續留在峇里度春宵,本刊記者曾聯絡陳凱琳問她下一站會去哪裡度蜜月兼造人,她笑說:「遲啲先話畀你哋知!」周三 (15日) 是鄭嘉穎的49歲正日生日,在峇里海景新房的浪漫環境下,相信鄭嘉穎很快便會實現母親對他的期望,因為鄭嘉穎母親以前成日問佢幾時結婚,但佢一直唔畀答案,搞到阿媽好擔心,所以嘉穎在婚禮上即場同母親講Sorry。其實行動最實際,快啲生個B畀鄭媽媽抱孫咪得囉!

鄭嘉穎
鄭嘉穎

鄭嘉穎
鄭嘉穎
晚上在酒店宴客,鄭嘉穎與陳凱琳帶頭進入舞池共舞,情到濃時又啜爆。

過百萬夢幻婚禮

為搏鄭太一笑,鄭嘉穎不惜工本在Bvlgari Resort Bali酒店舉行夢幻婚禮,對於今時今日身家過億的他來說,娶老婆埋單過百萬只係濕濕碎,最緊要陳凱琳開心。

鄭嘉穎
鄭嘉穎

限量婚紗鞋

陳凱琳拍婚照時所穿的性感deep V雪紡長裙襯意大利品牌Rene Caovilla限量版幻彩水晶高踭鞋,全球限量僅30對,高貴優雅。

陳凱琳
陳凱琳

4.18卡巨鑽婚戒

鄭嘉穎作為城中鑽石王老五,娶老婆出手當然唔會低,佢送畀陳凱琳隻4.18卡巨鑽婚戒過百萬,閃到爆。雖然陳凱琳著裙褂時襯托金器並唔多,只見到一隻極粗嘅龍鳳鈪及3隻金戒指,但勝在簡約得來亦大方。

鄭嘉穎
鄭嘉穎

鄭嘉穎與陳凱琳行禮的Bvlgari Resort Bali酒店,正是霍建華與林心如、劉愷威與楊冪結婚的地方,他們入住6萬元一晚的頂層套房,佈置簡潔自然,套房包括大廳、浴室中間就有大浴缸,行禮的石教堂,有大海景之餘,面積大概可容納64人。

婚禮場地放了一個代表愛情嘅白、黃玫瑰造成的巨型鮮花環,更寫上鄭嘉穎同陳凱琳兩人的英文名「Grace & Kevin」,晚上婚宴場地亦有「G&K」的燈牌。

好友旅行團

鄭嘉穎一班《鐵馬尋橋》兄弟馬國明、唐詩詠等浩浩蕩蕩出發到峇里見證婚禮。

唐詩詠
唐詩詠

唐詩詠當正自己去度假一樣,與林子善童心未泯狂食雪糕兼自拍。

唐詩詠
唐詩詠

婚禮結束後眾人趁機在當地遊覽,唐詩詠貼咗張相,仲留言︰「一段充滿愛同喜悅的旅程結束了!Thank you G&K!」佢仲tag咗句「好攰但好開心」、「你哋快D結婚我又可以嚟玩」,係咪催馬國明呢?

唐詩詠
唐詩詠
唐詩詠
唐詩詠

鄭嘉穎陳凱琳因《殭》結緣

入行25年的鄭嘉穎,一直都係無腳雀仔,直至14年拍無綫劇《殭》,與13年港 姐冠軍陳凱琳(Grace)戲假情真,拍拖兩個月已經急急公開情侶關係。四年戀情愈來愈穩定,陳凱琳早前在IG公開一張鄭嘉穎拖女相,鄭嘉穎一臉慈愛拖住約三歲的小妹妹去遊樂場玩耍,小妹妹紮紮跳開心到爆,至於配圖文字,陳凱琳就話:「請支持保良局兒童助養計劃!」陳凱琳當時回應本刊解畫,原來鄭嘉穎愛心爆棚,獲邀擔任保良局兒童大使,除助養了幾位兒童仲會每月定期探訪,陳凱琳受到男友感染,亦打算助養小朋友。

49歲的鄭嘉穎和27歲的陳凱琳,因拍攝無綫劇《殭》結緣,兩人在荷蘭拍攝時朝夕相對,擦出愛火!鄭嘉穎與陳凱琳年齡相差22歲,起初戀情不被看好,不過二人從不受外界影響,拍拖以來人前人後愛得甜蜜!

夾啱時間停工

恨B恨到發燒的鄭嘉穎唔係得個講字,終於的起心肝向女友求婚成功,雖然大陳凱琳22年被笑指似父女戀,但女友思想成熟性格又平易近人,肯定是個賢妻良母,鄭嘉穎亦甘於跌入愛情墳墓。二人於峇里島的海邊酒店舉行婚禮,邀請親朋好友現場見證。

自6月中出席過香港小姐宣傳活動後,陳凱琳便消聲匿跡,更被指已取消所有手上工作。早前本刊就影到陳凱琳出席公開活動後繼續貼地搭地鐵,到中環約會朋友食飯。

同時,鄭嘉穎主演的電影《L風暴》原本已經排好下個月的宣傳工作,但有消息指他突然要請假,打亂了電影的宣傳工作。對於急住請假結婚,鄭嘉穎指:「多謝大家關心!就我哋嘅感情狀況,連日來惹來唔少揣測同不實報道,總之,現階段我哋的確有計劃結婚,至於懷孕一事,就屬無謂揣測。至於婚期,明白大家嘅關心,但唔好比我哋更加心急,亦希望畀啲空間我哋,總之結婚就會同大家交代。」而陳凱琳就回應:「我都唔知邊個咁有創意,真係唔想再回應,呢刻真係需要私隱同空間。」

慶祝半百生日

據知鄭嘉穎與陳凱琳的婚事早已籌備多時,一直希望低調行禮的二人,估唔到臨門一腳洩露風聲,知情者透露:「其實佢哋真係講咗畀好少人知,得雙方直屬親友同兄弟姊妹團知,不過嘉穎媽咪就真係好開心,終於等到個仔肯結婚,佢周圍同啲親戚交代,話個仔同新抱唔喺香港行禮,但一定會派喜餅,可能因為咁洩漏風聲啦!嘉穎講到明唔想大搞,未必會喺香港擺酒,但佢好錫Grace,唔止放手畀佢揀婚禮地點同酒店,仲應承咗遲啲會陪佢返溫哥華擺酒。今次佢哋去峇里結婚行禮,可以同最親嘅屋企人同兄弟姊妹一齊去玩,亦順道慶祝嘉穎49歲生日,嘉穎好想50歲前做爸爸㗎!所以Grace近幾個月好努力做運動調理身體,希望可以一撃即中。」鄭嘉穎與陳凱琳拍拖,在其愛情史上應該是最高調一次,唔止公開戀情、情侶檔搵銀、高密度放閃外,鄭嘉穎亦都恨私有化女友、升格做人夫兼人父恨到出面,四年來求婚、結婚傳聞不絕於耳,今次終於狼來了。

早說非君不嫁

還記得年初本刊訪問陳凱琳,說到與鄭嘉穎共度的第三個情人節,她亦狂放幸福正能量,除了讚男友個人好sweet,過人之處多到數唔晒,孝順肯定是優點之最,陳凱琳:「好孝順!佢(鄭嘉穎)真系好孝順,佢同我講賺錢都係爲咗養媽咪同家姐,一個人賺錢養全家。我最鍾意佢嘅性格,唔會表面一樣嘢,内裏又另一樣嘢,呢個真性情我係好欣賞。佢對外界有時會起杠係因爲佢以往慨經歷所以想保護自己,佢本身真係一個好nice嘅人。」問陳凱琳男友是否她的Mr. Right, 她秒答:「Absolutely!(肯定)」随即摸住凳連講兩次「Touch Wood!」

陳凱琳:「我都想生孖胎!」

講到生B大計,陳凱琳當時話自己年紀仲細唔急,亦深信男友有心有力,她笑說:「我都想生孖胎!我同細佬都係孖,我有機會㗎!一仔一女都好幸福。」可見陳凱琳對結婚生仔早已有晒憧憬。如果結婚傳聞屬實,唔夠兩星期陳凱琳就正式成為鄭太,婚後又要趕生豬B,咁無綫咪又少個一線花旦?

有孖胎基因

陳凱琳與細佬雖然是龍鳳胎,但二人樣貌完全不相似,顏值差天共地,細佬更經常被指是外籍人!

延伸閱讀:

李亞男:「好期待見到你!」 大晒5個月弗爆大肚相

關注我們Facebook專頁
    相關新聞
      更多瀏覽