高人批愈生愈旺 陳展鵬急娶單文柔
2018年09月14日19:45

41歲的陳展鵬周一(10日)發出多張早前與女友單文柔遠赴英法影的婚妙照,宣佈下月迎娶28歲的單文柔,選擇在胡定欣的生日周公布喜訊,唔多唔少有贈興的意味。拍拖年半突然拉埋,全因陳展鵬極之迷信,過去多年遇上心儀對象,他都會找風水師指點迷津,希望找個旺自身的最佳伴侶。

去年3月與單文柔在山頂匿車廂開餐被斷正,公開戀情後陳展鵬事業停滯不前,年初其母中風入院,又被業主爆料指毀約欠租兼搞爛間屋,諸事不順的陳展鵬即搵高人求救,知道單文柔在命理上與他相合,婚後定必旺夫,而且愈生小朋友就愈旺。絕對信邪的陳展鵬急急行動,兩度求婚才娶得文柔歸,希望快結婚讓母親飲新抱茶。單文柔咁快就可以疊埋心水做陳太,目標為本為陳家開枝散葉,唔使再捱世界做美女學徒啦!

撰文:東方新地|圖片:新傳媒圖片庫、Instagram、微博

延伸閱讀:

(有片)《延禧攻略》爆笑NG片曝光!佘詩曼雙語讀對白,一招K.O內地演員!

馮盈盈發表「港姐公廁論」 兼自嘲身材:「吓!正常係C Cup?」

陳展鵬 媾女都要指點

圈中藝人多篤信風水命理,陳展鵬亦唔例外,自11年起他便租住將軍澳維景灣畔,定時搵風水師上門睇風水,近年事業起飛做埋視帝,煎Pang更將之前租住的維景灣畔兩房單位視爲風水屋。不過,去年在風水師教路下,他搬去另一個向海單位,可惜入住後事業竟大不如前,年初母親更突然中風入院,事事不如意他就歸咎風水出問題,租約未滿亦堅持要搬走,因未履行合約引發軒然大波,今年6月被業主爆料指毀約欠租兼搞爛間屋。雙方各執一詞,煎Pang更向記者發毒誓表示:「我做過雙手跛!」

陳展鵬
陳展鵬
煎Pang十分迷信,每次搬屋都必搵師傅睇風水,與堪輿學家楊皓雲更十分老友。

極之迷信的煎Pang由入行改名到搬屋入伙等人生大小事,都定必搵風水師指點迷津,據知他與堪輿學家楊皓雲十分熟絡,近年楊師傅生日甚至搬辦公室,煎Pang都會帶同父母一齊到賀。據知情者透露:「煎Pang最鍾意搵師傅去佢屋企擺陣,一搬入維景,佢就簽埋無線做親生仔,發展愈嚟愈好,之後憑《巨輪》走紅,冇耐仲攞埋視帝,事業一帆風順,佢當正間屋係風水屋。除咗事業,媾女都要搵師傅夾過睇吓個女仔旺唔旺佢,佢知道同胡定欣唔太夾,但Phoebe(單文柔)各方面都好夾佢,婚後生埋小朋友仲愈來愈旺,所以煎Pang同Phoebe拍拖冇耐已經認定對方係老婆,再加上Phoebe好得佢父母心,鵬母中風後,Phoebe亦好照顧老人家,向來孝順的煎Pang更加覺得呢個女仔娶得過。」

陳展鵬
陳展鵬
三年前楊皓雲師傅搬辦公室舉行切燒豬儀式,煎Pang與契姐黑妹 (李麗霞) 及方伊琪都現身到賀。

事實上,身為家中獨子的煎Pang自小與父母感情甚好,03年他在藍田匯景花園買了第一個物業送給父親,去年10月再斥資1,280萬買入晉海極高層3房單位送贈父母,當日更由煎Pang父母到場揀樓。即使與單文柔拍拖不久便同居,煎Pang都堅持與母親同住,年初鵬母中風,煎Pang非常擔心,至今母親行動仍不便,煎Pang除了與單文柔日夜照顧外,更請了外傭24小時貼身侍候母親。

陳展鵬
陳展鵬
楊皓雲師傅早年舉行的活動,煎Pang父母都曾現身支持。

盡快讓母抱孫

迷信到一個點的陳展鵬,深信辦喜事可以為家中有病的老人家沖喜,與單文柔商量後,深知女友想先結婚後生仔,他亦事不宜遲,年中已向公司請假,與單文柔先到法國及英國影婚紗照,返港後即籌備下月舉行的小型婚宴。知情者透露:「鵬母真係好想抱孫,煎Pang同Phoebe亦有共識,目標係三年抱兩,好似陳豪陳茵媺咁四年抱三有仔有女都唔錯,煎Pang仲話Phoebe會專心生B同湊仔,搵奶粉錢同養家就由佢一力承擔。」

陳展鵬
陳展鵬
陳展鵬於周一 (10日) 宣布做老襯,他曾經講過:「每次拍拖,我都以結婚為目標,就算我20歲時拍拖,亦希望結婚,但感情冇人可保證到。」而他與單文柔拍拖只有一年半,感情一日千里,早前二人到英國及法國旅行,還影了一輯婚紗照,煎Pang每張相都chok爆,準新娘就笑得好甜。

未成婚已錫住老婆的煎Pang,在英法影的結婚照幸福滿瀉,煎Pang更解釋為何會在英法取景:「英國係Phoebe讀書嘅地方,係佢好鍾意嘅地方,所以喺英國做呢個畫面出嚟,希望佢留住呢刻回憶啦!」他更自爆是在香港求婚,本來想去外國酒莊搞婚禮,但因為老人家不便搭飛機,所以改在香港結婚。對於生B大計,煎Pang恨到出面答:「我都想四喜臨門㖭,一次搞掂!」

陳展鵬
陳展鵬
41歲陳展鵬宣布迎娶28歲單文柔,雖然年紀相差13年,但外形非常相襯。

浪子自動封盤

入行多年的煎Pang情史不少,08年他承認與亞姐姚嘉雯拍拖兼同居,但戀情僅維持三年;13年與鍾嘉欣合拍劇集《巨輪》時被指做「柴可夫」接送對方,因發生交通意外令「戀情」曝光;兩年前拍《城寨英雄》又與胡定欣因愛成恨,亦曾與黃智雯及蔡思貝等花旦合作傳緋聞。16年落選港姐單文柔能夠令煎Pang為她放棄整個森林,除了因為她八字旺夫之外,亦有其過人之處。據知單文柔人如其名斯文又溫柔,拍拖不久已令煎Pang自動波與其他異性保持距離,更刪除社交網上其他女藝人的賬戶,給單文柔百份百的安全感。為了取悅男友,單文柔又去學烹飪,最重要是她具有做賢妻良母的特質,不重名利,肯退下火線結婚生仔,這點足以令煎Pang對她死心塌地。

陳展鵬
陳展鵬

跪地求婚

單文柔接受傳媒訪問,大爆煎Pang求過兩次婚,第一次在香港趁她睡覺時,用一隻自己摺的心形紙戒指戴在她的手指上,待她醒後才發現,雖然好冧但單文柔都say no,第二次在英國,煎Pang在人流甚多又有巴士的大街再跪低求婚,這次單文柔最期待的畫面終於出現,如此感動當然點頭say yes啦!既然搵到個可以保平安同包順風順水的單文柔,堪稱史上最強旺夫老婆,唔知師傅有冇指點煎Pang,將老婆放家中邊個位最有利呢?

陳展鵬
陳展鵬
單文柔自爆煎Pang兩度求婚的經過: 「喺香港時,有日佢趁我瞓覺將一隻摺咗心形嘅紙戒指套入我手指求婚,我話呢個唔算數。之後我哋喺英國影婚照時,佢睇到一架英國巴士就立即下跪再一次求婚。」她馬上接過對方花束,驚喜又感動。
陳展鵬
陳展鵬
為了影婚照,單文柔近月減肥略有成績,穿起deep V婚紗非常搶眼。
陳展鵬
陳展鵬
成輯婚照煎Pang都冇戴眼鏡,飲咖啡都深情對望碰杯,甜到漏!

陳展鵬(香港)(@rucochan)分享的貼文 於 PDT 2018 年 9月 月 10 日 下午 7:54 張貼

Phoebe Sin 單文柔(@smyphoebe)分享的貼文 於 PDT 2018 年 9月 月 10 日 下午 6:08 張貼

Phoebe Sin 單文柔(@smyphoebe)分享的貼文 於 PDT 2018 年 9月 月 10 日 上午 10:29 張貼

自爆婚訊

周一 (10日),煎Pang率先在無綫的Big Big Channel宣布婚訊,同晚向傳媒發聲明,正式宣布與28歲前港姐女友單文柔結婚,他表示期待組織小家庭,並盼得到大家祝福。

陳展鵬
陳展鵬

趁胡定欣生日贈興

有指煎Pang 16年與胡定欣拍劇入晒戲,高調放閃利用女方做煙幕,來掩飾他與單文柔的戀情。事後二人關係不再,更在社交網斷絕來往,今次煎Pang選擇在胡定欣37歲正日生日 (9日) 後一天宣布結婚,究竟係攞景定贈興?

陳展鵬
陳展鵬

當日與煎Pang傳緋聞時情意綿綿,今日卻新娘不是我,正在慶祝生日周的胡定欣被問到煎Pang報喜一事,笑笑口說:「我都係啱啱先知,好多人打畀我。其實都唔知人哋點搞⋯⋯」同時亦大方恭喜對方。

煎Pang鍾意小朋友,單文柔出道後亦主持兒童節目,對於生B,單文柔稱知道男友很想要小朋友,結婚亦是希望有個家庭,待完成婚事即造人,目標為本。

Phoebe Sin 單文柔(@smyphoebe)分享的貼文 於 PDT 2018 年 7月 月 23 日 下午 5:25 張貼

鵬母恨抱孫

煎Pang侍母至孝,不時帶母親四出遊埠,鵬母中風後行動不便,他即結婚生仔望能為母沖喜。

陳展鵬(香港)(@rucochan)分享的貼文 於 PDT 2016 年 8月 月 8 日 上午 4:12 張貼

一剛一柔絕配

煎Pang深信一命二運三風水,與他相熟的楊皓雲曾在專欄公開表示單文柔比胡定欣更加適合煎Pang。楊師傅根據面相來看,他指煎Pang眼神內歛,與胡定欣一樣不喜歡表達自己內心世界。而單文柔眼神強而有力,個性剛強做事有計劃有步驟,為人主動而且行動力強,善於表達內心世界。就眉眼相配,單文柔與煎Pang一剛一柔,能夠互補不足。而煎Pang鼻高而長,顴骨不飽滿,為人被動不擅理財,單文柔則顴闊而有肉,能主導感情,不但能管夫,更能管理家中財政及大小事務,不過她易招惹是非及小人。

楊皓雲師傅

夫妻檔搵銀

單文柔16年參加港姐在首圈十強出局,當年擔任星級評判的煎Pang表示早已對她有好感,早前煎Pang上單文柔做美女學徒的《美女廚房》做嘉賓,餵食放閃晒恩愛。早前更以情侶檔接job,相信婚後更多夫妻檔搵銀機會。

陳展鵬
陳展鵬

Phoebe Sin 單文柔(@smyphoebe)分享的貼文 於 PDT 2018 年 7月 月 23 日 上午 3:45 張貼

【延禧攻略】原班人馬開新劇!《皓鑭傳》邊個冇得留低?

有情有義 情路坎坷!邵美琪 靚足33年

0
0

【港姐2018】港姐踏入45年!細數10項歷屆冠軍之最

【再創世紀】周柏豪靠鼻哥窿搶鏡? 網民:睇到好尷尬!

周柏豪
周柏豪

【再創世紀】女主角鬥喊功 鍾嘉欣、楊怡、周勵淇邊個最慘?

【延禧攻略】光頭定有頭髮靚仔啲?盤點《延禧》三位小鮮肉chok爆對比照

光頭
光頭

延伸閱讀:

高人批愈生愈旺 陳展鵬急娶單文柔

關注我們Facebook專頁
    相關新聞
      更多瀏覽