戇直男一句自殺式回答辣㷫女友 女友:「你可以去吃屎!」
2018年09月14日21:58

感情上,前度總係現任心中嘅一根刺!最近,台灣有男生被女友問「歷任女友有比我漂亮嗎」時,唔單至冇察覺危險,仲要一句辣㷫女友,最終換來憤怒女友一句「你可以去吃屎了」!

撰文:東方新地|圖片:Facebook

延伸閱讀:

(有片)《延禧攻略》爆笑NG片曝光!佘詩曼雙語讀對白,一招K.O內地演員!

同港女阿媽旅行超難頂 巴打連載七日東京煩膠事蹟

戇直男一句自殺式回答辣㷫女友

最近,有位台灣男網友喺討論區發文,兼上載幾張與女友嘅對話截圖,佢留言指:「我說錯什麼了嗎?在線等。急。完全不理等。」表示自己唔知係咪對女友講錯咗啲咩!睇留呢位男網友上載與女友嘅對話截圖,見到其女友問佢「你歷任女友有比我漂亮的嗎?」係男士一睇到呢句都心知不妙啦!

辣㷫女友
辣㷫女友

但樓主就直接答「我忘記她的名字了」樓主女友睇到呢個回答,都有再追問試圖俾機會男友,可惜樓主依然唔識趣,繼續答自己唔記得前度個名,故令女友怒火中燒,最後只回覆六字真言「很好,再見,晚安」再加一個「反白眼」嘅表情!

辣㷫女友
辣㷫女友
樓主咁答,咪暗認有前度比現任女友更加靚!

結果,呢位豬樓主終於「恍然大悟」,即刻向女友認錯兼表示「最漂亮的是你」,惟女友只簡單回應一句「你可以去吃屎了」之後記再無理會樓主。

據知,樓主女友第二日都仲未下火,仲諷刺男友指「你前女友比較正」,「你是真笨還是假笨」,當然樓主只好一直「耍冧」認錯,求女友原諒啦!

二人嘅對話截圖內容一放上網就馬上引嚟大家嘅熱烈討論,有人就恥笑樓主點解可以咁蠢,咁都唔明女友想要嘅真證答案。

有網民就教樓主點樣氹番對方,提供一啲解救方法,稱可「拍張你左手的照片去補救一下,照片名稱:『最美的前女友』」希望博得女友一笑而原諒,認真搞笑!

可能當局者迷,旁觀者清嘅關係,好多網友嘅留言都睇得出大家都好心水清,知道樓主女友想要嘅其實係嘅咩答案,可惜大家都唔係呢位「醒目」樓主!

同時,亦有人給予「神級答案」,提議樓主即刻提出分手!不過,相信樓主都唔會敢咁做啦!

言而,真正嘅神級答案相信就係以下呢位網友啦!呢位網友指當女友問為什麼時,便回答:「我的記性不好,因為我要記住你我全部美好。我只記的你是最漂亮的!」如果樓主一早識咁答,其實咪咩事都冇囉!

延伸閱讀:

憤怒新抱數盡惡頂奶奶尖酸史 大控訴:仲叫孫仔食狗屎!

關注我們Facebook專頁
    相關新聞
      更多瀏覽