譚俊彥 楊凱博《特技人》再續父子緣 網民:「二百年後再一起」
2018年09月01日21:15

TVB劇《特技人》以特技人為主題夠新穎,譚俊彥朱晨麗呢對組合亦夠晒新鮮,令人期待!不過除了主角外,有唔少觀眾都留意到譚俊彥 和小演員楊凱博,係繼之前《天命》飾演嘉慶皇帝和太子綿寧兩父子後,今次在劇中又係演兩仔爺,感覺二人默契更勝從前。有人仲笑說佢哋係「二百年後再一起」(側田〈命硬〉歌詞)!

撰文:東方新地|圖片:劇照、TVB劇集截圖

延伸閱讀:

(有片)《延禧攻略》爆笑NG片曝光!佘詩曼雙語讀對白,一招K.O內地演員!

原來入行25年!那些年鄭嘉穎 也是純情小鮮肉

譚俊彥 楊凱博《特技人》再演父子

TVB新劇《特技人》以特技人為主題夠新穎,譚俊彥朱晨麗呢對組合亦夠晒新鮮,兩人更會為觀眾呈演多場汽車特技場面,都幾令人期待!其中唔少觀眾留意到譚俊彥和小演員楊凱博,係繼之前《天命》飾演嘉慶皇帝和太子綿寧兩父子後,今次在劇中又係演兩仔爺~

譚俊彥
譚俊彥

譚俊彥
譚俊彥
今次劇中兩父子互動多咗,搞笑咗,冇之前咁嚴肅!

楊凱博寸爆老竇譚俊彥

呢對劇中父子確係幾有火花,喺第一集初段已經交足戲,劇情講到凱博為正喺車房工作的譚俊彥送飯,兩仔爺的互動十分抵死,凱博仲寸到老竇冇聲出!

譚俊彥
譚俊彥

譚俊彥大呻連續三日都係食鐘點女工煮的通心粉,超級難頂,凱博竟然話:「你請蚊姐(鐘點女工) 係照顧我,你想食好啲就搵個女人啦!」

譚俊彥
譚俊彥

小朋友你都幾寸嘴喎!

之後兩父子講講吓仲突然「過番兩招」,其實現實中凱博真係識功夫㗎!下文繼續話你知!

《天命》皇帝與太子

無幾耐之前先大結局的《天命》中,譚俊彥及楊凱博都係做兩仔爺,分別飾演嘉慶皇帝和太子綿寧,不過兩人的互動都比較嚴肅,唔及《特技人》中咁過癮!譚俊彥接受傳媒訪問時,就直言同凱博確係默契十足,兩個人拍《特技人》時一齊生活咗幾個月,又一齊打功夫,佢透露之後會有更多兩父子的情節!

凱博之前喺《天命》反而係同皇額娘李施嬅較多對手戲。

楊凱博真人幾靚仔㗎!

開始啦, 好熱呀😎

A post shared by 楊凱博 (@nonoyeung) on Aug 4, 2018 at 6:52pm PDT

升中了, 要找補習社了😶

A post shared by 楊凱博 (@nonoyeung) on Jun 15, 2018 at 10:57pm PDT

《城寨英雄》童年陳展鵬

唔知大家仲記唔記得楊凱博有份演過早年大熱劇《城寨英雄》?《城寨》第一集劇情講述朝猛山(陳展鵬分飾)與段通天(袁偉豪分飾)同為八極門高手,二人不打不相識,合作對付惡霸。其中小演員楊凱博飾演朝猛山的兒子朝陽(即童年陳展鵬),年紀小小但外表俊朗,而且有一身好功夫,令人難忘!

楊凱博個樣都幾招積㗎!

但煎Pang後來被誤會為殺死袁偉豪的兇手,一家幾口被趕盡殺絕,客串演媽媽的唐詩詠打開秘道讓一對子女逃命後,兩夫妻便雙雙被打死。

楊凱博帶妹妹逃命!
而煎pang詩詠夫婦就慘被活活打死!

之後劇情講到,楊凱博逃出後想折返救父母,便叫妹妹在炮台處等候,自己跑回家。但發現眾人已經離開,而且四出搜尋自己及妹妹,凱博只好重返炮台打算帶妹妹走。

好有男子氣慨!

但凱博回到炮台後發現妹妹已經唔見咗,佢在雨中一直守候都未見其蹤影。父母雙亡、妹妹又失蹤,朝陽只好帶着遺憾離開香港… 凱博成功演繹出作為哥哥的承擔,又表達出失去家人的傷痛,睇到觀眾好心痛!

保險廣告成經典

小演員楊凱博的演出經驗不少,不過最令人難忘當然係呢個2012年的保險廣告!佢在廣告中戴住眼鏡好可愛,而且表情趣緻地講出︰「乜嘢叫保險呀?」輕易令人留下深刻印象!

「乜嘢叫保險呀?」

使出真功夫

而另一個廣告版本中,楊凱博的對白係︰「做警察唔使打功夫。」佢仲喺廣告中露番兩手,有姿勢有實際!原來凱博真係識功夫,師承香港著名武術運動員李暉,曾經喺兒童武術比賽中獲獎。難怪凱博之前喺《城寨英雄》耍功夫都甚有功架!唔知劇集之後仲有冇機會見到佢使出真功夫呢?

有圖有真相,勁呀!

慘被瘋狂改圖

不過由於凱博在廣告中太亮眼,令佢成為網民的改圖對象,慘被加上粗口對白,以及同唔同人物Crossover。

黃子華《金盆𠺘口》尾聲鳴謝故事合輯

貝依霖疑似走光露乳暈 網民指博上位:特登露?

延伸閱讀:

港姐17號係最幸運號碼 歷屆出過6位冠軍!

關注我們Facebook專頁
    相關新聞
      更多瀏覽