【森美旅行團2】森美首集單拖主持好沉悶? 網民:杜如風冇佢做得咁悶!
2018年08月14日14:02

一連十集嘅《森美旅行團2》繼續由森美帶隊,聯同隊友麥美恩(Mayanne)、吳若希、丁子朗(Karl)去到港人最愛嘅京都、和歌山及岡山食玩買。

昨晚節目首播,第一集先由森美一個人主持節目,帶觀眾遊走京都特色食店及市集,不過節目播出後,有網民指成晚睇住森美介紹一個又一個用雞蛋煮成的食物,不停地睇佢食蛋,而且相比起同樣單拖做旅遊節目主持的杜如風,森美似乎沉悶得多咁話!

撰文:東方新地 │圖片:新傳媒圖片、《森美旅行團2》電視截圖、連登截圖

延伸閱讀:

愛犬相繼離世 暫時唔諗養狗 葉佩雯:休息幾年先

趁梁浸浸唔喺身邊 鄭希怡 性感大解放!

《森美旅行團2》 叮走 黃心穎 高海寧

上年播出的《森美旅行團》大受歡迎,大台食髓知味即開拍一連十集嘅《森美旅行團2》,今次繼續由森美帶隊,但就叮唗黃心穎同高海寧,舊團友麥美恩(Mayanne)有得留低,換上吳若希、丁子朗,齊齊帶大家去日本京都、和歌山及岡山食玩買。

杜如風 驚喜現身

節目一開始,森美喺小巴上做領隊,佢話個個掛住購物,忽略日本最靚嘅風景!此時,杜如風驚喜現身,話「shopping點可以唔找我杜如風」,然後有男團友話:「森美大哥,我撐你」,各有捧場客咁話!

三百年老店 試玩「投扇興」

森美先帶大家去有三百年老字號嘅「凌風 Ryofu」玩投扇興,投扇興係日本江戶時代嘅一種二人對戰遊戲,參加者前面有一個木頭,上面放一個銀杏葉形嘅投擲目標,將手上的紙扇打開並各前丟過去,能打到投擲目標就能得分,各10次,高分者勝。

地址:京都市中京区麩屋町通三条上ル下白山町292-1

電話:+81(0)75-255-9500

逛每月一次批發市場

森美之後帶大家去「京都市中央市場」,話係一個月先得一次,叫「食彩日」,森美去咗肉檔睇和牛,仲扮同日本阿嬸爭買雪花和牛!

之後再去用500日元學劏魚,不過森美見到係阿叔教唔係少女教,一路學一路囉囉唆唆……呢啲其實都係搞氣氛啫!

地址:京都府京都市下京区朱雀分木町80

電話:075-323-6777

錦市場 買漬物

森美介紹大家去錦市場,係京都中部的一條商店街,佢去咗一間漬物店試食, 森美一放入口瞪大眼做出好吃的表情。

一入口,就做咗呢個表情,交足戲!

地址:京都市中京区錦小路通寺町西入ル東大文字町289-2

電話:075-231-0081

錦市場 食玉子卷

去到錦市場,森美推介呢間三木雞卵人氣玉子卷,佢先點招牌玉子,大大啖食,話入口似榴槤咁外面煙靭內軟淋淋!

食金箔玉子

食完招牌玉子,又再食金箔玉子,話啲金食落冇乜味!

地址:京都市中京区錦小路通富小路西入東魚屋町182

電話:+81(0)75-221-1585

食厚蛋治

著到成個文青嘅森美又去「La Madrague」,話呢間cafe嘅人氣食物係厚蛋治,森美話嘗試一口食晒佢,呢個時候佢已經食咗好多雞蛋!

地址:京都市中京区押小路通西洞院東入ル北側上松屋町706-5

電話:+81(0)75-744-0067

歎玉子鰻魚飯

最後,森美介紹埋呢間一間百年老店京極,森美就選擇小店的招牌「玉子燒鰻魚蓋飯」,仲叫埋雞蛋鰻魚卷,又係蛋,成晚見佢食咗好多雞蛋!

地址:京都市中京区六角通新京極東入松ヶ枝町456

電話:+81(0)75-221-0669

網友呻悶

其實森美都做足功課,個個景點、食店都會交代一下背景同歷史,而佢都好努力地食,之不過即刻睇番網上嘅評價似乎麻麻,大家都話佢一個人做旅遊節目有啲悶場,相比起同樣單拖做旅遊節目主持嘅杜如風,似乎有所不及咁話!仲有巴打話想睇女主持吳若希同Mayanne,唔想再睇到森美係咁食雞蛋!

網友讚對上一輯《森美旅行團》

真係冇理由一開始就畀網友彈嘅,因為去年10月30日《森美旅行團》開播以來深受觀眾歡迎,不少網民覺得節目中介紹的景點、食物「大件夾抵食」,而森美夥拍黃心穎、麥美恩以及高海寧三位美女一同遊日本,當中心穎和麥美恩都是森美的老拍檔,他們在《學是學非》中都相當合拍,為觀眾帶來歡樂。

麥美恩 吳若希加入

見反應咁好,大台先至會開拍一連十集的《森美旅行團2》,除了有上次的舊團友麥美恩Mayanne,另外換上新團友新人丁子朗同吳若希,森美話:「要找聰明又醒目的拍檔難,但要找到這種搞笑的同伴做出有趣的節目更難,所以我好有信心今次《森美旅行團2》會比第一輯更有趣!」點估到佢一個人主持首集畀人彈喎!

不過今晚另外三位主持會出場,相信唔會再有冷場,大家到時唔好嫌嘈就好!

睇番拍攝期間,生完囡囡復出不久的Jinny,在日本不時貼上拍攝花絮到IG,Jinny透露在京都時開始有相思病,唔使問當然掛住囡囡同闊少老公Alex Ho啦!

下一站,去哪兒? #森美旅行團2 #我在京都的日子 #相思病 #病發

jinnyng(@jinnyng)分享的貼文 於PDT 2018 年 5月 月 31 日 上午 8:15張貼

jinnyng(@jinnyng)分享的貼文於PDT 2018 年 6月 月 2 日 上午 3:11張貼

早呀~

jinnyng(@jinnyng)分享的貼文 於PDT 2018 年 5月 月 31 日 下午 4:28張貼

jinnyng(@jinnyng)分享的貼文於PDT 2018 年 5月 月 29 日 下午 11:11張貼

吳若希同Mayanne兩個傻大姐合作,邊個搞笑啲?Jinny咁話:「話有你在,我終於可以做回正常人!」

jinnyng(@jinnyng)分享的貼文於PDT 2018 年 5月 月 27 日 上午 8:02張貼

影完呢張大合照後,Jinny話:「覺得自己很Chok很搶戲,然後看到圖右一,我五體投地⋯甘拜下風⋯」佢唔止輸Chok,仲輸埋條腰呀!」

jinnyng(@jinnyng)分享的貼文於PDT 2018 年 5月 月 25 日 下午 7:09張貼

jinnyng(@jinnyng)分享的貼文於PDT 2018 年 6月 月 1 日 上午 4:15張貼

第四座塔了💕#澳門👉🏻#巴黎👉🏻#東京👉🏻#京都 這兩天好像沒有睡過🙈大家都辛苦了 #晚安 #goodnight #おやすみなさい

jinnyng(@jinnyng)分享的貼文 於PDT 2018 年 5月 月 28 日 上午 8:07張貼

【延禧攻略】三大女主角 你最鍾意邊個?

延禧攻略
延禧攻略

【延禧攻略】清朝妃嬪化妝服飾神還原!于正:這不是咬唇妝

延禧攻略
延禧攻略

《延禧攻略》眾妃爭寵 邊個先係皇上最愛?

延禧攻略
延禧攻略

【特技人】打沙灘排球 朱晨麗著泳衣跳住玩波

朱晨麗
朱晨麗

反差萌熱爆亞洲 可愛大叔馬東石 47年進化史

馬東石
馬東石

8月新韓劇速遞 李陣郁 接棒做刑警

新韓劇
新韓劇

延伸閱讀:

【森美旅行團2】森美首集單拖主持好沉悶? 網民:杜如風冇佢做得咁悶!

關注我們Facebook專頁
    相關新聞
      更多瀏覽