陳嘉桓地獄式減肥尚未成功 着比堅尼驚現副乳!
2018年07月30日17:08

一逄暑假,TVB都會有不少節目以消暑為節目主題,而製作節目。近日,無綫電視節目《大玩特玩‧消暑篇》於昨晚播出第一集,講到明消暑篇就當然唔少得一眾嘉賓於水上大玩游戲,但點知著上泳衣的陳嘉桓卻驚現副乳!睇嚟佢減肥之路仍需多加努力!

撰文:東方新地|圖片:電視截圖、新傳媒圖片庫、黃宗澤陳嘉桓IG

延伸閱讀:

第三期《中國新說唱》吳亦凡竟然一句Skr都無講過!人哋rap就黑面?

KOL罕有晒性感泳衣照 網民:Lilian Kan正好多囉

陳嘉桓上節目著比堅尼

昨晚,《大玩特玩‧消暑篇》出街,節目邀請俊男美女到泳池大玩游戲,女嘉賓方面就邀請到陳嘉桓(Rose)、黃美棋、邵佩詩、陳芷尤、朱智賢以及林秀怡等做嘉賓。話到明消暑就緊係要玩啲同水有關嘅遊戲,每位女嘉賓就齊齊穿上比堅尼大騷身材,真是睇到都覺得溫度再度升溫!

有一刻覺得自己去左渡假🤪 #大玩特玩消暑篇

A post shared by ∞RC∞ (@chankawoon) on Jul 10, 2018 at 7:16am PDT

女嘉賓中,有唔少都係有料之人,例如林秀怡著上火紅色比堅尼,大露長長事業線,十分有睇頭!

當然,其他女嘉賓都唔輸蝕,一於有線就晒線,冇線都唔緊要,皆因可以騷下自己其他優點!

驚現副乳

不過,講到最搶鏡嘅都係陳嘉桓,皆因最近25歲嘅Rose著上吊帶比堅尼盡騷驕人身材,但點知失守露出副乳!

著上幼帶掛頸款比堅尼嘅Rose唔知係件泳衣問題定減肥未成功嘅關係,副乳非常唔爭氣咁走咗出嚟!

就算唔著比堅尼,Rose著上背心都好似見到副乳走咗出嚟!

陳嘉桓有增無減?

之前,Rose拍攝劇集《反黑》時,就曾被指身型發褔!最近,《反黑》宣佈開拍第二季,Rose更揚言會地獄式減肥,控制自己的食量!

早前,Rose接受傳媒訪問時,除見其包包面外,更驚現雙下巴!睇嚟Rose真係要為減肥加多把勁啦!

出道初期嘅Rose身型一直纖瘦,可惜最近嘅佢的確發福不少,未知關唔關拍攝角度同甫士事?

黃宗澤媾女無難度

黃宗澤(Bosco)於13年在九龍城投資了四百多萬開蠔吧,開業後不時請圈中好友來擦蠔。Bosco去年與曾志偉未來新抱王敏奕合作《飛虎極戰》,被影到招呼王敏奕、陳瀅及糖妹到蠔吧飲酒,當晚王敏奕疑似因感情問題借酒澆愁,離開時要好姊妹扶實,黃宗澤被指向王敏奕大獻殷勤,想乘虛而入。

眼見糖妹及陳瀅在街頭照顧飲醉的王敏奕,黃宗澤竟然扮唔識扮路過,連一句問候都冇,咁唔正常有啲嘢喎!
當晚王敏奕的心情明顯非常差,醉哭街頭不特止,仲好唔想返屋企。

黃宗澤與陳嘉桓去年10月合作拍網劇《守護神》,一拍即合互生情愫,在女方的IG內可搵到二人的合照。

Yoyo撞到薛可正喎😆 #守護神開鏡儀式

A post shared by ∞RC∞ (@chankawoon) on Nov 26, 2017 at 10:28pm PST

布拉格訂情

向來媾女無難度的黃宗澤,榮升蠔吧老闆更如虎添翼,雖然不愁冇女,仍是喜歡向圈中女星埋手。去年10月與陳嘉桓(Rose)合作拍網劇《守護神》,二人在布拉格拍外景時,原來已眉來眼去互有好感。

據知拍外景期間兩人有時會一齊走開去其他地方影相,又會一齊拎住手機傳短訊,一來一往咁又笑瞇瞇。不過佢哋有時又會專登玩避忌,去食飯同返酒店又前後腳咁,咁刻意反而仲惹人懷疑。

黃宗澤
黃宗澤
黃宗澤與陳嘉桓為拍網劇《守護神》曾遠赴布拉格兩星期,二人不時相約外出影相,同劇的三哥苗僑偉及劉心悠應該親眼見證二人擦出愛火花。

拍拖買家品

據悉返港後《守護神》繼續拍攝,黃宗澤亦終於將陳嘉桓追到手,二人為保形象早已有共識,把戀情低調處理,至今拍拖半年一 直密冚戀情,不過半個月前,有人目擊到沙田宜家傢俬拍拖買家品,當時二人並肩而行沒有拖手,但非常有默契,買完家品即前後腳閃。

黃宗澤
黃宗澤

蠔吧會情郎

最近黃宗澤未有劇開,趁空檔籌備即將在中港城擴充營業的新蠔吧,而陳嘉桓亦在睇劇本階段,準備下月投入網劇《反黑第二季》的拍攝,二人都咁得閒,當然要爭取見面時間。

周 一晚 ( 25日 ) 11時許,陳嘉桓熟練地行入黃宗澤在九龍城投資的蠔吧「Oyster Mine」,她邊行邊撳電話,似是與在店內等她的黃宗澤傳短訊。

周一晚(25日)9時許,陳嘉桓獨自從銅鑼灣駕車過海到九龍城,陳嘉桓熟晒地形,先把車停泊在黃宗澤的蠔吧外,下車後先傳短訊給對方,然後慢慢行入蠔吧。

據知黃宗澤近日忙於為新店試新菜式,陳嘉桓這晚入內後亦直奔蠔吧廚房,二人在內逗留了個多小時才離開。

晚上12時許,陳嘉桓率先步出蠔吧,頭也不回上自己車離開,相隔唔夠十秒,黃宗澤亦步出,行去另一方向上其黑色七人車,由司機送返家。

陳嘉桓到蠔吧會合黃宗澤並逗留個多小時,凌晨12時許,陳嘉桓先行步出去攞車,黃宗澤相隔十秒才離開,一個向左走, 一個向右走。

與此同時,陳嘉桓亦開車尾隨黃宗澤的七人車,兩架車一前一後返回火炭晉名峰。期間黃宗澤的司機曾多次慢駛,警覺性甚高。

黃宗澤
黃宗澤

前後腳離開蠔吧後,黃宗澤坐上由司機駕駛的黑色七人車 (前) ,陳嘉桓則自駕軍綠色Cube (後) 尾隨黃宗澤的車,兩架車一前一後往火炭方向行駛。
最後到達黃宗澤位於火炭晉名峰的寓所,黃雖與母同住,但仍讓陳嘉桓進駐。
當日晚上9時許,陳嘉桓去蠔吧搵黃宗澤前,在銅鑼灣閒逛買繃帶,穿背心熱褲的她有愛情滋潤發福不少,之後上了繼父陸灼盛的拳館。
做完運動的陳嘉桓換上長牛仔褲又穿上厚外套,駕車由銅鑼灣過海去九龍城。

黃宗澤
黃宗澤
與陳嘉桓一齊返歸過夜後翌日 (26日),黃宗澤與同住的母親一齊坐七人車到沙田街市搵嘢食,雖然有新女,但黃宗澤仍盡孝順仔責任,抽空陪阿媽去街。

陳嘉桓回應話:

陳嘉桓回覆傳媒時,表示自己其實係去黃宗澤屋企睇波,因為大家都知Bosco新居入伙,而且正值世界盃期間,所以一大班人被邀請去開Party。陳嘉桓仲笑說自己出名食量大,開大食會時一定會請埋佢去幫手清晒啲食物!

🤩

A post shared by ∞RC∞ (@chankawoon) on May 14, 2018 at 6:26pm PDT

香港反覆既天氣☀️🌤🌦 令到我好想飛呀😩🤪

A post shared by ∞RC∞ (@chankawoon) on May 7, 2018 at 2:14am PDT

黃宗澤回應話:

至於男主角黃宗澤接受訪問時,就唔係話新屋入伙,而係屋企啱啱裝修完所以開Party,最近公司朋友、自己朋友及《守護神》劇組台前幕後都輪流上去食飯。提到佢一向鍾意長腿妹,Bosco就話長腳還長腳,鍾意還鍾意!

睇波睇到餓點算? #波波私房菜 幫到你

A post shared by boscowong (@boscomine) on Jun 26, 2018 at 7:18am PDT

即係話,黃宗澤同陳嘉桓喺電影《男人唔可以窮》入面的情節… 相信唔會喺現實中發生啦!

《男人唔可以窮》劇照
《男人唔可以窮》劇照

延伸閱讀:

林泳淘自爆曾被非禮 事件與鄧以婷有關!

關注我們Facebook專頁
    相關新聞
      更多瀏覽