90年航空小姐奪冠入行|羅霖 艷光滿載28年
2018年07月19日07:55

91年亞姐冠軍羅霖(Candy)早前相隔22年再拍無綫劇集《宮心計2深宮計》,就嚟53歲嘅佢同劇中一眾索女爭妍鬥麗,仍然不落下風,近日書展激發寫真集大戰,更令唔少粉絲再次懷念羅霖三年前推出嘅美魔女寫真集。今次本刊就搜羅Candy 28年嚟嘅罕見圖片,張張艷光難掩。

撰文:東方新地|圖片:新傳媒圖片庫、羅霖IG

延伸閱讀:

奇異博士變走咗啲頭髮!男神班尼狄·甘巴貝治拍新戲驚見中年脫髮危機?!

港女無知玩公審 老屈小店後嬲豬禁留言

羅霖 90年航空小姐冠軍

羅霖參選亞姐前為國泰空中服務員,90年參加有八個國家十五位佳麗角逐嘅《第九屆香港航空小姐競選》,結果Candy勇奪冠軍兼獲「最佳婚紗獎」,為佢翌年參選亞姐打下強心針。

羅霖
羅霖

戴騎呢巨帽

泳裝環節羅霖呢套泳衣冇乜睇頭,但佢頭頂幾呎長嘅飛碟形帽就相當搶鏡。

李美鳳頒獎

羅霖除贏得冠軍亦奪「最佳婚紗獎」,由87年港姐亞軍李美鳳擔任頒獎嘉賓,兩位美女初次同場。

羅霖
羅霖

91年贏亞姐冠軍

91年參選《第七屆亞洲小姐競選》,不但順利摘下冠軍后冠,更奪得「最完美體態獎」,再次成為雙料冠軍。

羅霖
羅霖

水著晒微乳

羅霖參選亞姐期間不時以泳裝示人,身材均勻。

羅霖
羅霖

七彩蝦條裝

91年亞姐決賽,佳麗一律著七彩蝦條式水著,超低胸,羅霖紮起頭髮雖然露出包包面,但冇阻佢贏得冠軍。

羅霖
羅霖

92年台慶試婚紗

講開婚紗,羅霖喺92年亞洲電視323台慶夜著婚紗表演歌舞,當時佢正同富商劉坤銘拍拖,試著婚紗時,待嫁之心溢於言表。

羅霖
羅霖

94年嘅羅霖同劉坤銘。

羅霖
羅霖

92年玩膠笠透視

92年羅霖替某娛樂周刊影海報大相,相中Candy著上膠質雨褸式衣衫,大玩透視誘惑,型格得嚟又性感。

羅霖
羅霖

93年扮甜甜圓夢

羅霖自言細個好迷日本經典卡通人物小甜甜,而小甜甜經常作公主打扮出席舞會,93年本刊替羅霖化妝成為公主式小甜甜,幫佢實現夢想。

羅霖
羅霖

15年50歲寫真集

2015年「美魔女」羅霖以50歲之齡推出處女寫真集《TIMELESS》,盡顯凍齡零皺紋美貌同34C 25 34驕人身材,不但哄動全港,連英國《每日郵報》、新加坡、泰國、韓國、日本、墨西哥電視台等地媒體紛紛作報道。

Thanks everyone for your support! As a single mother of 3, I will continue to work hard and provide for my sons 💪💪❤️❤️

Candy Lo 羅霖「亞洲小姐,國際航空小姐」(@candylolam)分享的貼文 於 PDT 2015 年 7月 月 16 日 上午 8:31 張貼

電視處女作

91年羅霖當選亞姐冠軍後,同年喺電視劇處女作《天地無情》中演黃日華嘅紅顏知己,更陷入糾纏不清三角關係。

羅霖
羅霖
《天地無情》

電視代表作

羅霖95年轉投無綫電視,翌年參演《真情》,憑演薛家燕女兒雙雙(唐麗雙)一角爆紅極,但同年下嫁劉坤銘後因懷孕而辭演。

羅霖
羅霖
《真情》

電影話題作

羅霖只拍過兩部電影,喺才子陶傑導演處男作《愛.尋.迷》中同關楚耀談戀愛外,仲有大膽床戰肉博戲。

羅霖
羅霖
《愛.尋.迷》

離婚後經濟壓力大 羅霖:好擔心無嘢做!

52歲美魔女羅霖(Candy)五年多前與前夫劉坤銘離婚,原本養尊處優的富太太,為了生計及三個兒子,復出幕前,出寫真、拍情慾片、做生意、中港兩邊跑出席活動搵銀。在與本刊的訪問中,羅霖說得最多的一句話是「我想照顧好我三個仔先!」跟她交流心水食肆,她會興奮說:「二仔放假返香港可以同佢去試。」空閒時會與三子在家玩Mario Kart,會趁教幼子做功課把握時間敷面膜⋯⋯跟前夫有著共同撫養權,但三名兒子卻選擇跟隨母親生活,別人的家事旁人無從得知,但羅霖對兒子的母愛,卻是絕對感受得到。

羅霖
羅霖
羅霖與三位公子。

離婚後,羅霖要靠自己從頭開始,首先要面對的是經濟上的困難:「尤其係頭幾個月,我真係咩都無、由零開始,只可以同細仔搬番我媽咪度住,當時我同細仔瞓一張床,細仔都問我點解要住咁細嘅房、瞓埋一張床,我話:『你畀啲時間媽咪,我會努力做嘢,搬出去租屋住。』嗰刻我下定決心,到佢瞓著我就喊。」

Happy moments!🤗💝🏊🏻‍♂️#happy #holiday #family #son#friends #Redang

Candy Lo 羅霖「亞洲小姐,國際航空小姐」(@candylolam)分享的貼文 於 PDT 2018 年 7月 月 15 日 上午 6:46 張貼

Candy Lo 羅霖「亞洲小姐,國際航空小姐」(@candylolam)分享的貼文 於 PDT 2018 年 7月 月 12 日 下午 5:44 張貼

離婚近六年,羅霖直言經濟隱憂仍未解除:「三個仔學費、生活費各樣支出都好大,尤其係去國外留學,每年加埋食宿三十幾萬,去美國更加貴,每年接近五十萬。當初分開,協議我負責生活費,佢(前夫)負責學費,但過咗都無一年,佢話淨係負責兩個大仔三分一學費,對我嚟講壓力好大,依家三個仔都同我住,佢哋都生性,有時做吓暑期工,我最希望佢哋可以經濟獨立,因為講真我年紀唔細,都唔知可以喺呢行做幾耐,有時壓力大,我都會喊住咁祈禱。」

羅霖
羅霖
前夫劉坤銘。

寧願自己辛苦

除了經濟上,少不了單親媽媽母兼父職教育三名兒子的壓力:「依家啲小朋友好有主見,但亦經唔起挫折,遇到困難可能會放棄,要不斷支持、包容、鼓勵,好多嘅愛同耐性,加埋我要做嘢,有時都幾心力交瘁,但作為媽咪,永遠都係支持、唔放棄佢哋,譬如大仔喺外國讀完三年,本來仲有一年畢業,但佢話要轉major(主修科目),要由頭嚟過,當時我覺得:『你咪嘥咗我啲錢?七位數字喎!我真係做幾份工捱通宵,做到喊㗎喎!』我沉澱,問自己:『你想個仔健康快樂,定繼續讀佢唔開心嘅嘢?』咁我寧願揀我自己辛苦啲,但我同大仔講:『你唔好成日轉,因為我仲有兩個細佬要供!』」

羅霖
羅霖

奇怪羅霖當年嫁入豪門,離婚後卻時刻為錢頭痛,羅霖爆前夫劉坤銘從未支付贍養費:「一向都無,無錯,法律上係要畀,但當(對方)可以證實到銀行啲錢係少過我,當然之前做咗好多功夫啦⋯⋯唔緊要,只要個天畀我有工作,我每日祈禱就係有嘢做,我唔怕辛苦,無嘢做我就擔心嘞!」

羅霖
羅霖
廿年冇拍劇的羅霖早前在《宮心計2深宮計》演尚宮。

一日食五餐keep fit

年過半百,又是三子之母,偏偏羅霖胸是胸、腰是腰,比例勻稱,而且應大則大,盡顯女性曲線美,攝影師邊影邊讚不絕口,直教青春少艾汗顏,說到保養方法,羅霖琅琅上口,媲美坊間自居的美容纖體專家:「少食多餐,一日可能食五餐,主要食蔬菜、魚、雞,我由細到大都唔鍾意食牛同羊,但無辦法我個名叫Candy,甜品戒唔到,飯又戒唔到,晚晚一定要食飯。」

羅霖
羅霖
年過半百的羅霖身材仍勁fit,獲讚為美魔女。

「我有少少懶,通常做運動係拍電影,或者好似之前影寫真,就會的起心肝做,平時多數喺屋企伸展吓,做五至十分鐘伸展運動,每個月推一至兩次脂,keep住身形,做瑜伽都可以,身形會靚,但就唔會做gym,因為肩膊會橫,好容易畀人感覺肥,骨架細會靚啲。」

Candy Lo 羅霖「亞洲小姐,國際航空小姐」(@candylolam)分享的貼文於PDT 2018 年 6月 月 10 日 上午 6:36張貼

離婚後無感情生活

既保養得宜,追求者自然也不少,傳聞裙下之臣涵蓋老中青,傳得最火熱要算跟年輕廿載的內地富二代J君「母子戀」,微博上有感而發傷春悲秋也會被聯想成感情有變,眼前的羅霖卻一臉正色否認:「一直以嚟都係朋友,出街食飯就有,正式去嘗試(拍拖)真係無。」原來外間一直高估了她對忘年戀的接受程度,「雖然人唔係為其他人生活,但(年齡)細太多社會輿論都會有好大壓力,相差幾年OK嘅,十幾年我未必會接受。」

羅霖
羅霖

曾代理紅酒生意並親身上陣拍廣告,被年輕內地追求者J君追到法國,自薦做男模合拍婚紗照,羅霖說:「我未影過婚紗相,難得公司畀錢我去到古堡咪影。」

羅霖
羅霖

羅霖更強調自離婚後一直單身,「啱啱離婚嗰時,都有啲朋友追嘅,後尾見我咁勤力投入工作,無時間同佢哋去街,就愈嚟愈少嘞。兩年前做嘢太辛苦,都諗過有個膊頭挨吓、倚靠吓,但我已經好大壓力,如果再投入一段感情,感情一定有開心同唔開心,我唔想因為拗撬再加重我壓力,所以我決定暫時唔投入住,到啲仔畢晒業,如果都仲有人等我,咁搵番個伴囉!如果無就算,孤獨一生囉!」

羅霖
羅霖

「朋友」冷言冷語

離婚、出寫真、重返幕前,羅霖說外間觀感有好也有壞:「難聽嘅說話反而來自我以前嗰啲所謂嘅朋友,你都知所謂上流社會好現實,見到面都唔打招呼,或者冷言冷語,我會覺得係好事,畀我知邊啲係真正朋友。反而我出到街好多女士會走埋嚟同我講:『加油、我支持你!』我好感動。」

羅霖
羅霖

回想離婚後的經歷,羅霖說:「我外表好柔弱,但我可能捱得,個天畀啲磨練我,令到我堅強。」

羅霖
羅霖

女人當自強

羅霖又寄語女性:「結咗婚唔係一世就係咁,有好多突發性嘅嘢係預料唔到,我覺得如果可以兼顧到,都做吓嘢,一嚟增值自己,二嚟唔使咁無安全感,當自己賺到錢,就真係有安全感嘞。」

Candy Lo 羅霖「亞洲小姐,國際航空小姐」(@candylolam)分享的貼文於PDT 2018 年 6月 月 21 日 下午 9:25張貼

早前農曆年假羅霖跟幼子到北海道旅遊:「細仔鍾意滑雪,上年我有工作陪唔到佢,佢跟咗我啲朋友去,日頭玩得好開心,夜晚就掛住我,所以今年我爭取賺多啲錢同佢去滑。」

羅霖
羅霖

索爆美魔女寫真

羅霖現52歲,是1991年亞洲小姐冠軍,她在2015年推出首本寫真《Timeless》,以50歲美魔女為賣點,書名《Timeless》,是不是想告訴大家女人的美貌是不受時間限制的、不朽的呢?雖然當時惹來一些執相疑雲,但無可否認寫真裏散發著自信的女人魅力。

羅霖
羅霖

羅霖
羅霖

羅霖這本個人寫真集專誠飛到首爾取景,更請來曾與金宇彬、池昌旭等著名韓星合作嘅攝影師操刀拍攝。羅霖表示相集並無任何添加,非常natural,以真面目示人!

羅霖
羅霖

羅霖
羅霖

羅霖
羅霖

羅霖
羅霖

【父母都係中國人】同細佬都鬼鬼哋?陳凱琳:我係爸爸媽媽親生!

39歲處女下海 噴血寫真吸富豪 楊思琦:好多人問價!

楊思琦
楊思琦

【港姐2018】第二輪面試!整容女唔見晒!

宮女輪入豪門 直擊何艷娟甜蜜爺孫戀

何艷娟

鄧麗欣甜笑認愛王子 小方掩面網民祝福

8位紅星公開減肚腩餐單

延伸閱讀:

精選6位祖雲達斯球星 或成全球最多靚仔球會!

關注我們Facebook專頁
    相關新聞
      更多瀏覽