快閃名店買袋 陳豪即興冧茵媺
2018年07月15日12:25

可能係娛樂圈最sweet嘅人夫,47歲陳豪自從五年前同老婆陳茵媺結婚再三年抱三,經常話對老婆有所虧欠、喺Aimee事業最高峰時掹佢落馬咁話,所以結婚至今勤力搵家用、親手湊仔女之外,亦都盡力做個24孝老公,盡量抽時間陪老婆享受二人世界、亦都為博老婆歡心,萬幾蚊對鞋至十幾萬個手袋眼都唔眨話送就送。

繼年初飛去意大利買價值15萬限量Hermès賀老婆生日、上月五周年結婚紀念坐直升機去澳門撐枱腳後,日前興致一到,陳豪又車住老婆快閃銅鑼灣買番個Chanel襯吓衫,邊個話陳豪氹老婆要擇日、要等紀念日㗎?

撰文:東方新地|圖片:新傳媒圖片庫、陳豪IG陳茵媺IG

延伸閱讀:

有竹內涼真、福士蒼汰…|日本小鮮肉男神 寫真大激鬥

街頭大戰 打到飛起|周柏豪 好揪得!

陳豪 違泊極速入手新袋

上月11日是陳豪(Moses)、陳茵媺(Aimee)結婚五周年木婚紀念,人妻例牌又喺IG放閃,由老公揸機、全程錄影上直升機升空畫面,直擊二人飛住過大海食飯慶祝。當時Aimee甜絲絲向記者表示結婚紀念冇禮物收喎:「我哋坐直升機去澳門食飯,兩個人靜靜哋,冇小朋友圍住,已經覺得好浪漫。我哋兩個著重一齊嘅時間,反而唔係買禮物行先,不過都可以計劃重遊巴黎嘅。」事實證明,原來有心氹老婆,禮物隨時隨地都可以送!

陳豪
陳豪
入到名店內Aimee揀袋、陳豪埋單,等待店員包貨時,Aimee陪老公一齊坐低,表情冧爆。

日前在名店林立的銅鑼灣利園商場,又見陳豪孖住陳茵媺現身專門店內。陳豪恤衫短褲隨意束起長髮、陳茵媺就素顏襯上白T鬆身褲,明顯拍拖即興殺到嚟銅鑼灣。孭住經典款Chanel手袋的Aimee在專門店內專心揀手袋、識做老公就坐埋一邊乖乖等候,十分鐘都唔使,Aimee搵到心水、店員細心包裝、阿Mo二話不說攞出銀包負責埋單。

陳豪
陳豪
出錢又出力,買完袋送畀老婆,陳豪再二話不說幫手攞埋,齊齊行出商場時,陳豪又例牌有風度地開埋門。

正所謂物以類聚、人以群分,出街買個袋又遇到粉絲想集郵,兩公婆都唔覺得被打擾,反而笑容滿面有求必應,性格一樣平易近人又難怪拍劇撻著修成正果。一向鍾情買袋儲袋,原來呢一日Aimee目的就係得一個,全程半個鐘內完成購物,陳豪畀完錢再幫手攞埋戰利品,好有風度咁幫老婆開商場玻璃門、再有講有笑行上車揸車回歸,恩愛夫妻咁又一日!

陳豪
陳豪

集郵夫妻

陳豪出名平易近人,私人時間被店內客人認出要求影合照一樣有求必應;又難怪二人咁啱channel,Aimee同樣唔覺被打擾、笑笑口站在一邊老公被集郵,自己再被集埋一份。

陳豪
陳豪

陳豪
陳豪

兩公婆呢轉目的只得C字頭名店一間,買完就離開攞車,原來為咗快靚正買到戰利品,陳豪冒險就泊咗架車喺隔籬街。

陳豪
陳豪

陳豪
陳豪

仔女無份

三年抱三、平時亦都經常一家五口出動家庭日,不過呢日係爸爸媽媽拍拖日,唔見4歲Aiden、3歲Nathan同兩歲Camilla。

Aimee Chan(@aimeechan_official)分享的貼文 於 PDT 2018 年 3月 月 28 日 上午 3:57 張貼

長期閃光彈

生日送袋

愚人節生日的Aimee今年生日前同陳豪放低仔女一齊飛到去意大利預祝生日,等到生日正日,就晒個炒價一度高達20萬的Hermès On A Summer Day Constance III限量袋生日禮物多謝老公。

I love my new limited edition present from Italy! 😍 thank you baby! 😘

Aimee Chan(@aimeechan_official)分享的貼文 於 PDT 2018 年 3月 月 29 日 上午 6:38 張貼

大賀木婚

上月11日係二人結婚五周年木婚紀念日,陳豪特地安排直升機行程飛去澳門撐枱腳,Aimee就全程拍片放上網,閃到網友眼都盲。

陳豪
陳豪

Our ride to our anniversary dinner.😎💍

Aimee Chan(@aimeechan_official)分享的貼文 於 PDT 2018 年 6月 月 12 日 上午 2:03 張貼

拍拖睇戲

Aimee產後復出客串電影《某月某日》,陳豪現身支持完首映、再擇日同Aimee買飛入場睇多次,同日又買咗對萬多元Roger Vivier鞋送畀老婆。

Spending our date 💏watching an afternoon show of “When sun meets moon” 英皇 電影 某日某月… 👫 你們睇咗未呀? @bennylauwaihang… Your “BB” is so sweet and touching! 😘 #lovestory #puppylove #awsome datemovie

Aimee Chan(@aimeechan_official)分享的貼文 於 PDT 2018 年 6月 月 7 日 上午 2:29 張貼

甜讚性感

老公出錢老婆就出口,陳豪送袋送鞋包豪遊,陳茵媺就間中在個人IG上載陳 豪專心工作樣,讚老公專注時最性感!

Man he’s so hot when he’s working and focused. 😍 @moses_chan_ #menatwork

Aimee Chan(@aimeechan_official)分享的貼文 於 PDT 2018 年 6月 月 15 日 下午 7:36 張貼

陳茵媺撇甩陳豪 一拖三返加拿大探親

陳茵媺(Aimee)同老公陳豪結婚五年,婚後三年抱三,日前雖然各自出席活動,但不約而同都大講仔女經,Aimee透露將會趁暑假撇甩陳豪,自己一拖三帶住三個仔女返娘家加拿大探親,話就話上年都試過一拖三去旅行,但Aimee指以前囡囡仲細好易湊,依家就開始識得跑跑跳跳,大仔仲未出發先興奮㖭,佢又話:「我覺得我實在太掛住娘家,去一個月太少啦,而且一返嚟就要開學!」

陳茵媺
陳茵媺

Aimee表示將會安排仔女去加拿大農場玩,仲會有好多戶外活動。

陳茵媺
陳茵媺

Aimee指老公陳豪有工作在身,所以唔會同行,佢笑言可以畀老公放吓假:「因為佢冇工作時都要幫手湊啲仔女,而且佢嚟緊拍下部劇集,要準備操Fit啲身形!」

陳茵媺
陳茵媺

Aimee又表示有意帶仔女做慈善探訪:「以前我喺加拿大時都有跟爸爸媽媽去做義工,所以都想繼承呢個傳統,帶幾個小朋友去做義工,希望小朋友將來亦都會帶佢哋嘅仔女去。」

陳茵媺
陳茵媺

同場嘅陳嘉寶(Anjaylia)話想請教Aimee保養心得:「生一個都已經好忙,佢仲有三個,生完仲要好似冇生過咁,我都想好似佢咁樣!」

陳茵媺
陳茵媺

陳豪 做仔女榜樣

同日出席另一活動嘅陳豪就同一名患血癌嘅五歲小妹妹Selina上台互動,佢大呻三個仔女已經開始識得駁嘴,但表明佢哋兩公婆都反對體罰:「我哋有時會好有耐性咁同佢哋講道理,有時就會隻眼開隻眼閉,基本上乜方法都做齊!」

陳豪指三個仔女仲未識得許願望,只識要同唔要:「例如邊啲想食唔想食、邊啲玩具想買。我自細就知想要嘅嘢要自己去爭取,所以都會灌輸自己嘅價值觀、人生觀畀佢哋知,同埋我成日都講做父母嘅唔係要擁有佢哋,係要做好榜樣,鼓勵佢哋識自主、自律同有自發性。」

陳豪直認自己思想較傳統,有時會太過保護小朋友,相反太太陳茵媺更加勇於嘗試:「佢對小朋友有信心過我,我見到仔女拎住玻璃杯嗰陣都會騰騰震,反而太太會由得佢哋,培養佢哋嘅自發性!」

問陳豪佢囡囡係咪屋企嘅小公主?佢話:「我用一剛、一柔、一烈應付,仔女都一樣!囡囡喺屋企最細,個個都錫她,但兩個哥哥間唔中都會同佢『切磋』吓。」

陳豪同Aimee早前剛慶祝過五周年結婚紀念,提到Aimee想重遊當年舉行婚禮嘅巴黎,陳豪甜爆表示︰「既然太太都許下願望,做老公嘅就負責畀佢成真!」

Happy anniversary baby! @moses_chan_ Paris will always be my favorite place and your hand will always be my favorite to hold. 😘

Aimee Chan(@aimeechan_official)分享的貼文 於 PDT 2018 年 6月 月 11 日 上午 5:55 張貼

Aimee Chan(@aimeechan_official)分享的貼文 於 PDT 2018 年 5月 月 13 日 上午 7:18 張貼

Aimee Chan(@aimeechan_official)分享的貼文 於 PDT 2018 年 5月 月 13 日 上午 7:34 張貼

Aimee Chan(@aimeechan_official)分享的貼文 於 PDT 2018 年 5月 月 12 日 上午 2:58 張貼

Aimee Chan(@aimeechan_official)分享的貼文 於 PDT 2018 年 4月 月 1 日 上午 12:31 張貼

Aimee Chan(@aimeechan_official)分享的貼文 於 PDT 2018 年 6月 月 12 日 下午 9:47 張貼

陳茵媺一拖三旅行:Plan咗六個月!

陳茵媺(Aimee)上年都試過一個人帶三子女回加拿大探親,佢話為嗰次行程做咗好多準備功夫,plan足六個月,仲教各位父母點樣可以氹到班仔女乖乖哋坐足十六個鐘!說起曾一拖三帶三名年幼子女坐長途飛機返加拿大探親仍一額汗,陳茵媺話:「知佢想喊,畀個新玩具或者畀少少嘢佢食,總之分散佢注意力,落飛機嘅時候,我已經攰到成個散晒。」

I finally did it! 💪 獨個兒帶三個 3 under 3.5 years old 小朋友回到老家 Toronto 。第一次帶小朋友坐長途16小時飛機⌚,非常刺激,非常擔心💦,但亦十分享受。畢竟作為一個母親,實在不容易! 😘 10 months of planning wasn’t wasted! 😝

Aimee Chan(@aimeechan_official)分享的貼文 於 PDT 2017 年 7月 月 6 日 下午 9:59 張貼

陳茵媺:要諗好多計仔

陳茵媺真係廿四孝媽咪,喺細微處都見到佢對子女非常細心。好似去年陳茵媺就一個人帶三子女回加拿大探親,佢話:「有一個工人姐姐幫手,但都非常、非常吃力,因為佢哋比較黐我,同埋慣咗我照顧,唔係好跟其他人,喺飛機上會有少少吃力,但係好彩佢哋都算乖,坐成十六個鐘頭飛機,一啲都唔容易!」

Aimee Chan(@aimeechan_official)分享的貼文 於 PDT 2017 年 8月 月 1 日 下午 5:26 張貼

DIY禮物袋畀仔女

「我要諗好多計仔,事前做好多準備功夫,我plan咗六個月,點去娛樂佢哋、keep佢哋嘅注意力,等佢哋唔好周圍走。我同佢哋講喺飛機一定要戴住安全帶,佢哋真係好乖,搭飛機嗰16個鐘除咗去洗手間,冇落過地,真係好犀利。跌咗個玩具都話:『跌咗,點算?』我話我幫你執。」

陳茵媺
陳茵媺
由於怕長途機程悶小朋友會扭計,陳茵媺自製15個不同的禮物袋,每小時讓子女拆一個,希望帶來驚喜,可見她為子女所花的心思實在不少!

Aimee同「王子」同「公主」一齊親親大自然!

Aimee Chan(@aimeechan_official)分享的貼文 於 PDT 2017 年 7月 月 8 日 上午 9:18 張貼

隔住個Mon都感受到嗰份溫馨!

Aimee Chan(@aimeechan_official)分享的貼文 於 PDT 2017 年 7月 月 23 日 下午 7:57 張貼

【港姐2018】第二輪面試!整容女唔見晒!

8位紅星公開減肚腩餐單

《深宮計》收視高 黃心穎、康華、馬浚偉床照、裸照找數!

延伸閱讀:

大忙人撈過界 盧覓雪 拍到放蚊

關注我們Facebook專頁
    相關新聞
      更多瀏覽