誰人無鮮肉過?廿歲嘅陳展鵬好靚仔!
2018年07月13日19:23

誰人無鮮肉過?最近網上就流傳咗幾張煎Pang(陳展鵬)年輕時候嘅照片,成為熱話。雖然都不乏「亞視味濃」呢啲意料之內嘅評論,但都唔少留言都話年輕嘅煎Pang「堅型」、「好青澀」、「眼神好純真」!小編今次就收集咗煎Pang歷年嚟嘅經典圖片,唔知大家覺得煎Pang嘅小鮮肉時代正啲,還是依家佬味濃啲煞食啲呢?

撰文:東方新地|圖片:連登討論區、新傳媒圖片庫、YouTube截圖

延伸閱讀:

【父母都係中國人】同孖生細佬都鬼鬼哋?陳凱琳:我係爸爸媽媽親生!

「宅男女神」劉佩玥做才女 今個書展出第一本個人寫真散文集

《天命》陳展鵬演和珅

千呼萬喚始出來~ 陳展鵬(煎Pang) 最近在《天命》中擔演中國史上最著名貪官「和珅」,劇集分別於北京及橫店拍攝外景,風格嚴肅悲情,劇中煎Pang與姚子羚、李施嬅、唐詩詠三人都有感情線,仲會同譚俊彥飾演嘅嘉慶皇帝展開一場生死惡鬥。

陳展鵬
陳展鵬
陳展鵬飾演清朝歷史上最成功的官員、18世紀天下間最富有的人,亦是權傾天下、富可敵國的「貪官之王」和珅。
陳展鵬
陳展鵬
劇中陳展鵬與姚子羚、李施嬅和唐詩詠三人都有感情線。

廿歲出頭嘅陳展鵬:

年輕時嘅煎Pang雖然就無咩出位嘅打扮,但就勝在夠Pure夠True吖嘛!小編就覺得呢個時期嘅煎Pang的確係青靚白淨,幾靚仔嘅~

陳展鵬
陳展鵬

陳展鵬
陳展鵬

阿舜
阿舜
有網民就話諗起當年以「娃娃愛天下」闖出個名堂嘅阿舜喎⋯⋯
大家又覺得有冇幾分相似呢?

亞視時期:

陳展鵬
陳展鵬
講起煎Pang,又點少得呢張經典海報啊!
陳展鵬
陳展鵬
煎Pang喺亞視劇集《笨小孩》中飾演自閉人士,望落又幾Pure喎!

陳展鵬
陳展鵬

其實煎Pang真係可以考慮主持返個東南亞旅遊特輯啊~完全融入哂當地文化喎!

近年無綫時期:

睇返煎Pang呢幾年嘅相,都不難發現佢都相當鍾情於各式潮帽,簡直係著咩都要戴返頂帽先⋯⋯小編呢啲咁老套庸俗嘅人,真係唔明,唔知大家又點睇呢?

頂帽嘅格紋,心口嗰條藏不住嘅花巾,加上嗰幾條頸鏈,簡直係低調得嚟又帶啲花俏啦~
同樣係Cap帽,今次煎Pang就襯咗條十字架頸鏈同幾串手鏈,帶出咗一絲MK味,但配襯返黑框眼鏡又添加咗啲成熟嘅感覺,真係鬼馬啦~
陳展鵬
陳展鵬
呢頂紅噹噹嘅冷帽,除咗友善地悄悄提醒返大家香港天氣可以好寒冷之外,仲同佢手中嘅利是封襯成一絕,加上煎Pang燦爛嘅笑容,真係充滿喜慶感啊~
陳展鵬
陳展鵬
出席台慶,當然要著得精精神神、醒醒目目啦,呢個「老夫子mix and match秦先生」嘅Style就夠哂Eye-catching啦~

老夫子
老夫子
衣著呢就似秦先生,髮型就似老夫子啦⋯⋯

賣太陽眼鏡做老闆:

一向對研究時裝同潮流充滿熱情嘅煎Pang,近年更加開設咗自己嘅太陽眼鏡店,誓要一展所長咁話啦!

唔知呢個神似實驗室護目鏡嘅太陽眼鏡,又有冇啲咩防護作用咁呢?

Golf day ,有半年冇玩!準備17迎戰💪🏽

A post shared by 陳展鵬(香港) (@rucochan) on May 14, 2017 at 12:54am PDT

呢個白Cap帽+黑超+花裇衫嘅Style,都唔係個個人都(敢)Carry到㗎!

陳展鵬
陳展鵬
「平頭+窩釘黑超+Simpson潮Tee+高筒白波鞋」,呢套更加係少啲玩味都搞唔掂啦!小編真係試都唔敢試啊~

「我要做視帝!」系列:

雖然煎Pang平時比較習慣走在潮流尖端,但老實講,小編就私心覺得一身勁裝嘅佢就最Man最型最有佬味啦~
陳展鵬
陳展鵬
攞視帝嗰時著到官仔骨骨咁,都幾煞食㗎!

好啦,相就睇哂啦,唔知大家又最Buy邊個時期嘅煎Pang呢?還是覺得佢咁多年都一如而往咁有型靚仔呢?~

楊思琦39歲首出寫真 童顏+噴血身材冇得輸!

《深宮計》收視高 黃心穎、康華、馬浚偉床照、裸照找數!

延伸閱讀:

【港姐2018】次圈佳麗IG起底 有美人魚有混血兒有日本妹

關注我們Facebook專頁
    相關新聞
      更多瀏覽