【出街搵食】元朗即叫即炸臭豆腐!芝士奶蓋冷泡茶+黑糖珍奶|元朗掃街小食|
2018年07月11日13:55

臭豆腐,雖是小眾口福,但懂欣賞者,必對此物有癮。 可惜,臭豆腐一身奇香,鋒芒太露,早年招惹官非, 今天在香港街頭,一件夠味得體的臭豆腐,買少見少, 「 真係好食嘅舖頭,五隻手指數得晒,我想做番呢種懷舊味道。」 於是,臭豆腐癡阿 Yuk,索性拉上老婆創業,開間手沖茶店,小食獨賣臭豆腐。

延伸閱讀:

【出街搵食】西貢食街鹹蛋黃炸髀!500g即炸巨型雞髀+金沙單骨雞翼|西貢掃街小食|

味の時計台拉麵+炸雞+咖喱牛肉麵+點心!旺角最新Foodcourt|旺角T.O.P

獨沽一味 !即叫即炸臭豆腐

店子開在元朗千色附近,租貴競爭大,沒有琳瑯滿目燒賣魚蛋多款 選擇,用臭豆腐獨步教育路,真係得?「 我又冇驚過,真係做得好,一味就夠!」老闆阿 Yuk 自信說道。

店主阿 Yuk

跟老婆胼手胝足經 營,一個炸豆腐,一個 沖茶,繁忙時候,孩子 甚至也要帶落店裡照顧。

店子雖開在元朗舊式商場,但裝修簇新光猛,格局跟大街那 些台式茶飲店相似,甚至更加乾淨企理,後場炸爐不見油漬,也沒有濃烈滷水和油煙臭味。

「一件臭豆腐!」「十分 鐘,OK? 」類似對答,此起彼落。老婆收銀,阿Yuk就從雪櫃拿出臭豆 腐,豆腐是供應商達興即日新鮮來貨,與灣仔那間影帝愛店,屬同一貨 源。大大件的鹽滷豆腐,滲出淡淡膻臭,叫排隊者垂涎。

鹽滷豆腐來做臭豆腐,內 裡全是小孔,方便吸收滷 水,形成獨特風味。

「 出面好多炸定 放涼吹凍,已經唔係細個種味,一定要即炸,要慢火炸,先好食!」阿 Yuk 將一件件豆腐落進滾油,噼嚦啪啦,不時翻動,細心看著細嫩的氣 孔,十分鐘過去,膨脹成金黃的酥皮,出爐!

開半,上籤,入袋。客人 接過,雙手捧到立食位置,熱得要摸摸耳珠,才將豆瓣醬、甜醬盡情唧 在金黃酥皮上,熟客還要加上小店獨有的酸青瓜,這樣才叫過癮。

臭豆腐 $13/ 件

炸得脹卜卜,金黃酥皮,像豆卜般有脆度也有點嚼勁,內裡綿密厚實,配上醬汁和酸瓜,實 在好味,可惜是臭味,沒舊時濃,不夠過癮。

醬料都自家調過,酸青瓜是 阿Yuk 個人喜好,吃來酸 爽,配臭豆腐,確有驚喜!

精挑細選!冷泡茶+芝士奶蓋

即炸臭豆腐,固然香口火氣足,不過大快朵頤,難免上火,好在這 裡有手沖茶為你清熱潤喉。「 家人自小就會帶我上茶山,對茶葉也算略懂 一二。」阿Yuk 實在謙虛,店裡做的不是連鎖模式,用茶粉茶碎大批沖 泡,反而只用原片茶葉,都是精挑細選,如白牡丹,就來自福建政和 「茶葉都選用當季時令,像白牡丹就在夏天最靚,消暑解燥,尤其適飲。」

沖泡也特別,用一夜冷泡出味,喝來份外順喉清雅,沒有茶粉過度 萃取而來的澀口感覺,配著臭豆腐正好。

冷泡茶還可配上近年大熱的芝 士奶蓋,用原磚忌廉芝士發打而成「 配方我測試了半年,我敢講,跟大 陸那間名店,做得有九成相似。」術業有專攻,獨賣臭豆腐,配一杯好 茶,小小店子的膽識和用心,值得佩服。

芝士奶蓋白牡丹 $25

奶蓋又厚又綿滑,芝士味恰 到 好 處, 呷著有淡淡甜香,清茶杏黃明亮,清潤微甜,與奶蓋配搭,確與喜茶的,有幾分相像。

黑糖珍珠鮮奶 $28

近月幾乎每家茶飲店都有 推出,小小店子也是自家 煮黑糖煮珍珠,配著十字 奶,水準不俗。

尚品坊

地址:元朗西菁街9號富盛大廈地下15號舖 (顯示地圖

電話:9856 2971

營業時間:星期一至四1:00pm-9:30pm,星期五至六及公眾假期 1:00pm-10:30pm

備註:只收現金

【牛油果】陳奐仁健身減肥Comfort food 私房餐單牛油果烏冬|上環日本菜|

0
0

延伸閱讀:

深圳地鐵沿線好去處2018|10大商場+創意園 同閨密跟住打卡尋美食

關注我們Facebook專頁
    相關新聞
      更多瀏覽