李美慧賀富商老公生日 竟送廿蚊紙幣一張!
2018年07月05日16:00

31歲落選港姐李美慧(Vivi)因《宮心計2深宮計》做宮女秦槐而人氣急升,上個月更嫁給年紀比她大25年的富商曾文豪,成為幸福少奶奶。日前,她與老公飛到法國大搞派對,兼送老公一張廿蚊紙作為生日禮物,認真「豪爽」!

撰文:東方新地|圖片:李美慧曾昭亮Instagram

延伸閱讀:

【深宮計】結局篇死得人多 黃心穎周秀娜先後慘死

馮盈盈繼續「性博士」上身 大爆自己似日本女優!

李美慧與富商老公慶生

昨日,現年31歲的李美慧同富商老公曾文豪,飛到法國莊園開派對兼度蜜月,再順道慶祝老公57歲生日。心情愉快嘅Vivi於個人社交網上載多張相,見到佢雖然佗住6個月大BB,但當佢分別著起綠色及碎花長裙,身型依然望落纖瘦,連肚都唔係好覺眼!

據知,原來二人今次除咗係結婚派對、度蜜月、慶祝老公生日外,仲有奶奶都生日,認真喜事重重!

派對中可見,Vivi與眾人相處十分融洽,表現相處愉快。

派對期間,Vivi仲化身DJ打碟,但其實佢只係作狀打碟而已。

Vivi更於相中留言話:「Happy Birthday,老公大人,希望你開心每一日!工作順心如意,愛你」真係夠哂sweet!

除咗有同老公哂恩愛互攬外,Vivi仲同老公以花場作背景,嘟嘴錫錫,大放閃光彈!

派對中,仲準備有多款糖果之餘,亦有一個四層高的大蛋糕,望落夠哂排場。

兩公婆更於池邊跳舞,整個派對都氹得老公曾文豪非常開心,難怪老公笑得咁開心啦!

李美慧送廿蚊紙幣做禮物

老公生日,Vivi又點至陪過生日派對咁簡單,其實佢仲有特登整咗本紀念冊,仲有一張廿蚊紙!

唔好以為係一張普通廿蚊紙咁簡單,其實個重點係張鈔票的號碼同曾文豪生日日子一模一樣。

李美慧 宮女變闊太

近日在劇集《宮心計2深宮計》飾演「太平公主」陳煒親信宮女一角的李美慧,隨著劇集熱播,亦閃嫁富豪飛上枝頭變鳳凰,令唔少女人趨之若鶩。

李美慧
李美慧

大肚李美慧 爆喊嫁富商曾文豪

完婚後,一對新人接受傳媒訪問,新娘子李美慧開心話:「我哋儀式同普通新人一樣。」曾文豪接住話:「換衫,化妝,嚟到招呼朋友、簽紙。之前講話落雨,好彩今日天氣好好。」再婚兼有三名女兒的曾文豪表示自己嘅仔女有到場觀禮,因為儀式簡約,無安排啲孫做花仔:「兩個女外孫,同一個男外孫都有到齊。」

李美慧
李美慧
將做闊太,李美慧依然有幕前工作至8月,才停工等生仔,問到有否害喜情況,她表示:「都幾好,冇乜點嘔。」

新娘子講到出嫁心情:「想令自己攰啲,所以出海游水游咗一個晏畫,但夜晚都係成晚瞓唔着,到依家都未瞓過。(心情係咪好興奮)唔知興奮定緊張,驚啲嘢安排得唔好,好多謝老公。不過頭先台上致辭時,腦中一片空白,唔知自己想講咩。」老公即刻話:「我都有好多嘢想講,怕overrun冇講。」

儀式結束後,一對新人從長樓梯下來,新郎細心扶住大肚老婆落樓梯!

問李美慧幾時正式停工養胎?佢就話8月前會完成所有工作。老公有冇叫結咗婚之後唔好做嘢?曾文豪搶住答:「唔會,佢鍾意就得。」李美慧聽到個樣勁冧,挨實老公然後話:「我老公好好。」新娘着住束身腰間透視婚紗,無花誇裝飾,戴住條珍珠頸鍊,手上戴上鑽戒,簡約好睇。

到地面時,新娘又挽住老公手影合照,並應要求咀足3次。

婚禮中,請咗唔少TVB藝人同事出席,當中陳展鵬、楊明、楊卓娜、李綺雯同樂易玲等親自嚟賀新娘子,眾人更開心同一對新人影大合照。

開門利是 金牛成寸厚

郭千瑜受訪時,就喺個袋度拎出封開門利是,見到全部係1千蚊紙,仲有成寸咁厚,楊埕大讚新郎:「男家好大方,女方嫁得好,Peter(曾文豪)份人好好,乜都OK。今朝其中一個玩新郎環節,要喺尿片食啲嘢,本來唔使佢食,但佢都搶住食,仲話好肚餓,所以啲遊戲難唔到佢哋,兄弟團個個又好有義氣,做唔到嘅環節都會畀利是,唔會托手㬹。」

問到兄弟團有冇合適對象?楊埕大嘆:「佢哋已經結晒婚。」郭千瑜笑話:「不過唔緊要,我哋仲有大把時間。」

陸詩韻是姊妹團成員之一,而準新郎曾文豪弟弟曾文能是其舊愛,問陸詩韻到時會唔會撞到曾文能覺得尷尬,佢大方話:「唔會,我哋有聯絡,有時都會食飯gathering,唔會尷尬,同Auntie都熟。」

李嘉欣老公許晉亨亦有到賀!

婚禮前一日,李美慧到1881試婚紗,新娘子全程神采飛揚,陀B的她更加胸前升cup,著上婚紗好有睇頭。

李美慧
李美慧

陀住曾家金叵羅,李美慧當然要小心護胎,化妝換衫一直著住平底鞋,直到影相時才由專人服侍換上高踭鞋。

李美慧
李美慧

延伸閱讀:

同Victoria結婚19周年!碧咸豪飲8萬3千紅酒慶祝

關注我們Facebook專頁
    相關新聞
      更多瀏覽