【刑事偵緝檔案】監製潘嘉德吹雞搞飯局 陶大宇郭可盈郭藹明世紀重遇
2018年06月24日12:51

無綫劇集《刑事偵緝檔案》系列相隔23年喺深宵神劇時段重播,大受歡迎吸引不少觀眾追看,日前劇集監製潘嘉德吹雞搞台前幕後重聚飯局,大批劇集演員包括陶大宇、郭可盈、郭藹明、鍾麗淇、佘詩曼、周家怡、馬德鐘、郭政鴻、海俊傑、陳美琪、向海嵐等都有出席,並紛紛喺社交網上載合照,好熱鬧!
撰文:東方新地 | 圖片: 陶大宇、郭政鴻、郭可盈微博

延伸閱讀:

【深宮計】御用皇帝唔憂做 李龍基手揸6層樓收租

謝安琪分享產後調理心得 以親身經驗鼓勵大家

刑事偵緝檔案 監製吹雞搞飯局

大批有份演出《刑事》系列演員事後紛紛喺社交平台上載合照,網友看見好多久未在幕前露面嘅演員,都讚場面難得一見!不過「義仔」梁榮忠、以及正在香港藝術中心演出舞台劇《謊言》的「容金枝」蘇玉華都冇出席!

陶大宇 郭可盈 郭藹明 世紀重遇

有份演出《刑事》一、二、三輯的男主角陶大宇,當晚四圍同老拍檔合照,更留言話係「刑事偵緝集郵」,唔使問,當中最搶眼梗係同劇中大搞三角戀的郭可盈、郭藹明合照啦!兩位女主角都保養得宜,好靚女!

至於向海嵐就話:「在《刑事偵緝檔案》的聚會裡,當然抓著大勇and jessie合影!但這個組合,加上我又變了另一個組合。《心花放》大家記得嗎?」

套劇嘅監製潘嘉德話同無綫電視的合約其實今年10月底才到期,但他已提前離開,是「和平分手」,又指現時自己屬自由身,會去旅行,但年底又會再為娘家效力,參與電視電影的拍攝工作。

當晚潘嘉德準備咗一把大紙扇,原來係一眾有份出席的演員都在上面簽名,好珍貴!

郭藹明 復出拍劇機會微

郭藹明話重播時段太夜所以冇重溫,唔知網民洗版追劇,佢話當年選完港姐冇拍太多劇,同潘嘉德、陶大宇當年都合作得好開心,不過近年少聯絡,Amy話冇乜戲癮所以復出機會好微。

有份演出第四輯的佘詩曼也有出席,可惜古天樂及陳錦鴻因事未能現身!

當晚另一焦點,就係郭可盈原來都帶埋囡囡Tania出席,一班叔叔、姨姨都爭住同佢合照,好受歡迎呢!

【深宮計】御用皇帝唔憂做 李龍基手揸6層樓收租

【飛虎之潛行極戰】素顏拍劇上位 何佩瑜Jeana帶表妹自由行

何佩瑜
何佩瑜

可能正過冠軍?歷屆8位索爆港姐亞軍一覽

麥明詩贈「粗口」生日禮物 馮盈盈預告床照益網民

延伸閱讀:

麥明詩贈「粗口」生日禮物 馮盈盈預告床照益網民

關注我們Facebook專頁
    相關新聞
      更多瀏覽