共享的時光 何嘉莉
2018年06月11日15:30

近日樂壇「失蹤人口」相繼浮現,前英皇小花何嘉莉(Lillian),早前就上大台重唱當年的首本名曲〈兩種人〉,但她明言不會復出做歌手,只會做KOL,日日在網上分享生活點滴,「上年十二月開始簽英皇做KOL,因為我處理唔到咁多嘢,要有人幫我接job,分擔吓。我會上網分享fashion、美容、親子同運動。」

一四年與甜品太子爺黃逸璋結束九年婚姻後,她翌年即偕兒子與飛機師Gerald Sze再婚,去年誕下一女。有仔有女有老公錫,她不時在網上開心share,「我將愛情放喺第一位,其實我唔係閃電再婚,拍拖都有一年,大仔同老公關係好融洽。」

將興趣跟網友分享之餘,又有錢賺,好過復出做歌手吧!

撰文☆俞倩欣 攝影☆何國豪 場地☆重慶劉一手火鍋 設計☆美術組

分享親子秘訣

訪問當日,何嘉莉只穿了一套衫前來,她認真地表示不夠時間準備,她就是有這份堅持。現時她以湊小朋友為樂,經常在自己的社交平台上,分享五歲大仔黃尚恩和六個月細女Zoe的近況,「無所謂啦!又唔係億萬富豪,唔怕會俾人綁架,外國好多artist都係咁,唔使遮樣。」

與其患「分享症」,倒不如做商機處處的KOL。內地的網紅,甚至可月賺十萬,「其實我做咗幾年,有時間就拍?片,唔會阻住我湊小朋友。KOL邊個都做到,分享?生活,對產品俾?意見。」

身為「潮媽」的何嘉莉,穿衣入型入格,但家庭觀念好重,對仔女事事親力親為,永遠放在首位,「媽咪成日提我,唔好乜都交晒俾工人,幾忙都要自己做番,珍惜吓親子時間,所以我每日會同個仔講睡前故事,如果老公喺香港,就主力湊細女。要同仔女保持親密,第時佢哋青春期就算幾反叛都好,都會傾到心事,唔會剩係聽晒朋友講。」

何嘉莉在一五年再婚,嫁給相識多年的好友Gerald,她偕兒子一同投入新生活。關於前夫,她絕口不提,據知二人關係仍然友好,她只說:「大仔同老公關係好融洽。」

嚴母收放自如

講起教仔,何嘉莉自稱是嚴母,「我係擔當鬧人角色,尤其係食嘢,我要佢乜都食。如果佢喺屋企食飯食足一個鐘,我會叫佢快啲食,但唔會餵佢哋食。我好少喺街發惡鬧人,好傷小朋友自尊心,俾人見到又唔好睇。」

她稱對兒子的學術就好「hea」,她寧揀國際學校,讓他可以過快樂的童年,「佢讀緊一年級,國際學校無咁大壓力,我唔想重新讀多次書,要讀書將來大把時間,最緊要佢開心,讀書逼唔嚟,反而老公比我更緊張,覺得要逼下,因為佢細個都係咁樣俾人逼返嚟,好似學琴咁,靠填鴨式成長。」

細味〈兩種人〉

早前何嘉莉獲邀到大台唱〈兩種人〉,令她過足歌癮,「我無刻意同阿囝講自己做過歌手,佢知唔知都無所謂。上次伍樂城演唱會出咗CD,阿仔見到我唱〈兩種人〉,都識得跟住唱。」

何嘉莉與容祖兒、葉佩雯曾是「英皇小花」,當年以「純情玉女」形象打入娛圈,直至○三年與英皇和平解約,婚後絕?娛圈,「當年Mani管得好嚴,唔俾出街,佢話唔會有大明星喺街度行。但我好愛自由,試過偷偷出街,俾佢發現鬧到死。當時公司覺得我幾甜美,就要我做玉女,成日背心短裙,其實呢個形象唔適合我,我性格好直,又好強悍,最後Mani覺得我無心戀戰,無條件放我走。」

走過烽火處處的娛樂圈,放下面具,前事變得模糊,當下才最緊要。她笑一笑說:「唔好再問我以前啲嘢啦,廿幾年前,&#134513家無乜記性,已經唔記得啦,問番我&#134513家好過啦!」

▲何嘉莉三年前與飛機師Gerald再婚,大仔與繼父關係很好。她去年再添一女,湊成一個「好」家庭。

▲何嘉莉喜歡分享湊仔生活,不時與大仔一起玩直播,大仔表情多多,吸到好多like。

▲細女生得和她一個餅印一樣,眼大大,又精靈活潑。

▲身為KOL,她在網上教人,即使BB哭哭鬧鬧,也可以單手抱住個女化妝,強!

▲老公是飛機師,何嘉莉見到老公?飛機,即刻心心眼。

▲何嘉莉自言心直口快,圈中的交心好友不多,但與她同期入行的黃伊汶(左二)和谷祖琳(右二),friend到至今,後期加入的鄭希怡(右一)都有偈傾。

▲何嘉莉與經理人霍汶希的關係好好,當年她離開樂壇後,霍汶希亦有請她為英皇旗下藝人做形象設計。

▲她入得廚房,烹飪都有一手,新年包幾盤雲吞給家人吃。

關注我們Facebook專頁
    相關新聞
      更多瀏覽