佘詩曼年幼喪父 佘媽媽 獨力湊大三子女
2018年05月13日01:37

最索身家最豐厚嘅視后佘詩曼一向出名觀眾緣好,而且仲係孝順女一名, 佘詩曼 媽媽Lily在70年代曾擔任港台DJ,喺阿佘年僅5歲嘅時候,爸爸因交通意外而過身,這些年全靠媽媽母兼父職含辛茹苦搵錢養家,獨力湊大阿佘三兄妹,阿佘為咗報答媽咪養育之恩,現在即使工作再忙都會陪媽咪,又試過喺母親節送車送樓,目的是要令辛苦了半生的媽媽安享晚年,認真孝順!

原文:Sunday kiss │圖片:佘詩曼facebook佘詩曼微博、新傳媒資料庫、TVB節目截圖

延伸閱讀:

《復仇者聯盟3》必知7件事!

袁偉豪親自剖白:爸爸情況好反覆!

佘詩曼5歲喪父 佘媽獨力湊大仔女

現年42歲的佘詩曼有一個哥哥和一個弟弟,喺阿佘年僅5歲時爸爸因交通意外而離佢而去, 佘詩曼 媽媽母兼父職,獨力湊大三個仔女,更加供阿佘到瑞士留學修讀酒店管理課程,實在唔容易。而自幼喪父的阿佘都好生性,當年在協恩讀書嘅阿佘自己做功課同溫習,不用母親操心,而為了媽媽不感孤單,阿佘從小就陪媽媽瞓覺直至她十幾歲到瑞士留學。試過有一次,阿佘和哥哥弟弟好想去戲院看電影,但因為當時家境欠佳而未有買票進場,佘媽更為此感到內疚,難得年紀小小的阿佘好懂事,提議去不用花錢的公園玩,真係好乖!

佘詩曼
佘詩曼
保養得宜的佘媽長有一頭白髮,她說:「白髮係遺傳自我媽媽(阿佘婆婆),朋友仲以為我係特登去染,阿佘( 佘詩曼 )遲吓都會同我一樣,佢12歲嘅時候就有第一條白頭髮。」

觀眾嫌棄雞仔聲 阿佘發奮學演技

佘詩曼 97年在瑞士畢業返港後選港姐,當年嘅港姐冠軍翁嘉穗同亞軍李明慧因為掛住爭仔,對娛樂圈無心戀戰,造就奪季軍的佘詩曼一卸任就被大台力捧,出道後即獲擔任女主角,先後擔正拍劇集《雪山飛狐》同《刑事偵緝檔案IV》等劇,雖然初期被觀眾踩佢唔識做戲兼雞仔聲,但阿佘努力進修演技,演技亦愈做愈好,2000年拍主張智霖主演《十月初五的月光》更一炮而紅,之後拍過多部劇集如《宮心計》、《公主嫁到》、《使徒行者》等都係當年收視冠軍,06年阿佘終憑《鳳凰四重奏》一人分飾四角,登上第一個視后寶座。

阿佘雖然選港姐只攞到季軍,但阿佘現今演藝成就已超越當年冠軍翁嘉穗。
2014年佘詩曼在劇集《使徒行者》演活了「釘姐」一角,劇集收視好好,而阿佘更憑此劇成為雙料視后。

報答養育之恩 阿佘送車又送樓

因為知道媽媽獨力捱大三兄妹很不容易,所以 佘詩曼 也非常孝順,工作再忙都會抽空陪媽咪過生日及母親節,每年母親節及生日都和媽咪慶祝,她更留言說:「我相信一見鍾情!因為從我出生睜開眼的那一刻,我便愛上我的媽媽了!」

前年佘媽媽生日,阿佘搞咗個生日派對,更送上birthday kiss,佢留言話:「她是我最大的快樂,65歲佘媽媽生日快樂!身體健康!愛你一世。」

現年67歲嘅佘媽媽Lily正享受退休生活,在2015年她出席公開活動時曾透露,阿佘曾送上一幢三層高嘅村屋作為母親節禮物,又試過送上名車給她,至於兒子則畀咗一筆錢佢做自己喜歡的事。Lily直言:「以前養大一對仔女好辛苦,目前是收成期,人生去到呢個年紀,最重要係過得好!」看阿佘咁有孝心,相信佘媽媽都深感安慰。

阿佘豈止會名車同樓,去年母親大人生日佢抽時間到畫廊,畫咗幅畫送畀媽咪,絕對物輕情意重!

阿佘封視后 佘媽現身送驚喜

2011年,佘詩曼登上福布斯中國名人榜第67名,是首位登上此榜的TVB女藝人。2014年阿佘更憑劇集《使徒行者》「釘姐」一角,連奪「最佳女主角」和「最受歡迎電視女角色」,成為首位「雙料視后」,而長居美國嘅佘媽媽突然現身無綫為女兒送上驚喜,阿佘冇諗過媽咪會現身,驚喜到又喊又笑,阿佘喺台上多謝媽媽一直喺身邊照顧佢,因為自己拍劇壓力好大,成日發媽咪脾氣,但媽媽都一一包容,場面相當感人!

母親生病 阿佘探不得好想哭

現在離巢無綫的佘詩曼自組工作室,長時間在內地工作賺人仔,之前佢接拍內地廚藝真人騷《星廚駕到3》,仲攞埋全季冠軍,令她在內地人氣急升成為搶手貨。不過去年佘在內地節目《說出我世界》中,說出了鮮為人知的經歷,原來2005年有一次她身在北京參加頒獎禮時,卻傳來母親在美國病重的消息,阿佘說:「當時在台上很想哭,但是我不停的告訴自已,忍住、不能哭,不可以把傷心的情緒帶給觀衆。那一刻我真的很討厭當明星,因為我永遠都要把自己真實的情緒藏在心裏。」而那次後她決定每月要抽時間探望媽媽,再忙也要這樣做!

佘詩曼:一直有拖拍

16年離巢無綫,轉往電影界發展又北上搵真銀,佘詩曼終於回歸香港同老拍檔黃子華合拍賀歲片《棟篤特工》。等到頸都長,農曆新年,《棟篤特工》正式公映,阿佘聯同子華及一眾演員密鑼緊鼓四出為新戲宣傳造勢。

離巢後人氣、片約繼續上揚,工作排到密密麻麻,平時唔使開工都係同七魔女聚會或者做孝順女陪媽媽,不少人擔心42歲單身女郎佘詩曼疑似感情多年空窗冇著落,阿佘今年初接受本刊專訪就自爆雖然目前單身,不過多年來斷斷續續都有拖拍:「呢幾年梗係有拍過吓拖啦,不過就梗係唔話畀你哋知啦,咩都話畀你哋知咩!如果有穩定戀情被影到或者公開咗,我覺得都好自然,若果真係成事嘅時候,一嚟係開心事,二嚟想避都避唔到,到時都會同人分享,等我好消息,OK?」

佘詩曼
佘詩曼
入行21年,多段感情對象都是圈內人,佘詩曼話其實圈內外都冇所謂,最緊要溝通到,唔怕冇話題。
佘詩曼
佘詩曼
42歲佘詩曼自爆一直有拖拍,現時雖然感情空窗期,不過就唔排除遇啱人選即閃嫁。

至於依家感情狀況,當然不乏追求者,但追求人士亦都貴精不貴多:「追求者唔使咁多,好嘅一個就夠,我又要做嘢,應付唔到咁多人。我諗呢啲嘢要睇緣份,有時人哋刻意討好,我會唔知佢想點,但好自然令我欣賞佢,我覺得最舒服,先至會長久,因為我欣賞嘅係真正嘅佢,遇著啱就唔等喇,呢個年紀仲邊有咁多時間醞釀呢?所以我覺得唔排除閃婚呢個可能性,遇到啱就會去做,但單身生活我都享受,唔會為結婚而結婚囉。」

佘詩曼
佘詩曼
在內地拍完劇,再宣傳埋賀歲片,佘詩曼過年後將會投入戚其義新劇拍攝,更是入行以來第一次演律師。
佘詩曼
佘詩曼
七魔女相交多年情同姊妹,除了結過婚更離埋的梁靖琪,剩番佘詩曼一個未嫁。
佘詩曼
佘詩曼
好姊妹個個做媽媽,佘詩曼都爭住認上契,包括周家蔚兒子TJ及姚樂怡女兒Gaibe在內, 現時已經有成10個契仔契女。
佘詩曼
佘詩曼
姚樂怡女兒Gaibe亦係佘詩曼契仔契女之一。

過億身家五樓揸手

佘詩曼由97年選港姐紅到依家、肯做肯捱有價有市,最緊要亦都投資有道,正如范冰冰講過:「我不嫁豪門,我就是豪門!」阿佘毋須為結婚而結婚,皆因名下物業豪宅遍布港九新界,嫁妝粗粗哋都過億,搵另一半絕對要小心揀:「擇偶條件,我諗要好似全盒咁,乜都有啲,唔需要超級靚仔、唔需要超級有錢,或者超級叻,但係唔係好樣衰、唔好太廢咁囉,個個見到全盒都好開心,我都想搵一個我會欣賞嘅人,啱傾啦,同埋要read到大家嘅mind,起碼唔會講完嘢之後唔知講乜。其實我冇刻意去揀邊一類人,我諗圈唔圈中人各有各好處,同圈外人生活可能會正常啲,同圈中定圈外人拍拖始終都有啲分別嘅,我未試過,我又真係唔知得唔得。」

佘詩曼
佘詩曼
幾時都話買磚頭係最佳投資,出道21年密密做,佘詩曼將大部分片酬及廣告酬勞用來買樓收租投資,賺多過蝕,目前手上五個物業市值已經過億。
佘詩曼
佘詩曼
佘詩曼現居的西貢南山獨立屋,屬於西貢優質地段之一,15年一次過扑槌購入兩幢相連獨立屋,同感情要好嘅媽咪一人住一間,既可互相照應,又可保持私人空間。
佘詩曼
佘詩曼
佘詩曼目前有五樓揸手,坐擁過億嫁妝。
佘詩曼
佘詩曼
運程書都話屬兔今年運勢一流,果然一立春,佘詩曼在2018年出席團年飯局就同自組的工作室拍檔一齊抽到大獎,一步入狗年就應驗超強運勢!
佘詩曼
佘詩曼
佘詩曼個人社交網絡相片除咗契仔契女,最多就係拉麵、和牛各地美食,皆因阿佘話要靚首先要保持心境開朗。
佘詩曼
佘詩曼
美食要食、運動要做,個人保養亦不能少,佘詩曼話:「我成日去溫差大地方開工,我就最注重保濕,早晚一塊mask,亦都堅持隔日一杯紅蘿蔔汁。」

七年之癢再合作

七年前合拍電視劇《絕代商驕》,佘詩曼與黃子華首度合作已經擦出火花,創出40點全年最高收視紀錄。七年後移師大銀幕再發放連場笑彈:「我哋兩個冇七年之癢,一拍就即合番!子華今次唔止係演員亦都會參與劇本,佢好了解我,知道我底線同埋尺度去到邊,所以呢個角色真係佢度身訂造畀我做。話說因為佢個角色曾經嚴重欺騙過我肉體同心靈,所以我用盡畢身精力去追殺佢,由交通警做起捱到上保安局局長,就係為咗用最大權力所有方法去趕盡殺絕佢。呢個角色因為感情受創、內心嚴重扭曲,鬱到個面容都扭曲,所以我講句嘢都係戚起個嘴角,從未試過咁樣衰刻薄⋯⋯唔知係唔係因為子華見到我個樣咁樣衰啦,可能驚我搶咗佢啲戲,所以佢就整咗好多仲樣衰過我嘅造型出嚟,務求冚咗我啲戲囉。」

佘詩曼
佘詩曼
與子華七年後再合作,佘詩曼自言沒有七年之癢,反而因為子華對自己了解十足,角色度身訂造夠晒啱身。
佘詩曼
佘詩曼
七年前拍完神劇《絕代商驕》 後,七年後再拍賀歲劇《棟篤特工》,有份編劇的子華神更為女主角佘詩曼度身訂造角色。
佘詩曼
佘詩曼
廿年前情傷,廿年後佘詩曼爬到上保安局局長為報仇追殺子華神,所 以話小心女人,千祈唔好得罪!

佘詩曼 有獨門凍齡秘訣

佘詩曼
佘詩曼
薯條、漢堡包,佘詩曼一個人成個麥記餐都仲叫肚餓,為食得嚟仲好可愛。
佘詩曼
佘詩曼
勢估唔到身形fit到一個點嘅佘詩曼在拍攝現場食不停,更狂飲汽水。
佘詩曼
佘詩曼
點解食極都唔肥,佘詩曼話原因好簡單:「因為我係必瘦站代言人吖嘛!」

念舊再拍戚其義

子華神都驚畀人搶戲?佘詩曼澄清純粹講笑啫:「其實子華份人做嘢時好正經,拍戲時冇整蠱我仲去得好盡㖭!有時啲造型樣衰到我都笑佢:『嘩!乜你咁都制!』為套戲真係好大犠牲!」忙完《棟篤特工》宣傳就會收爐,過完農曆新年,阿佘就話除咗同梁家輝合作的《西伯利亞風雲》同宮廷劇《延禧攻略》會輪住推出,自己將會投入戚其義監製新網劇拍攝:「我成日上網睇粉絲留言,好多人都話我咩角色都做過,係未做過律師,想我做律師喎⋯⋯今次率先爆畀大家知,過完年拍戚其義監製、周旭明編審新劇我就真係做律師,大家滿意啦?對我嚟講就真係好大挑戰,要我做好多功課,考我記憶力。至於個班底呢,幕後幕前都係合作開班底,女主角你哋知啦,男主角就要賣個關子,遲吓至公布得!」

佘詩曼
佘詩曼
揀男友,佘詩曼話最好似個新年全盒一樣,樣貌、 事業、才華樣樣有啲,見到就開心滿足。
佘詩曼
佘詩曼
過年前,佘詩曼剛剛從哈爾濱回港,與梁家輝拍攝新戲《西伯利亞風雲》:「家輝哥係我偶像,第一次合作真係好緊張,不過佢好nice,好樂意提點後輩。」
佘詩曼
佘詩曼
過年後即將投入新網劇拍攝,佘詩曼透露班底是合作開的金牌監製戚其義,不過男主角就要遲吓公布。
佘詩曼
佘詩曼
屬兔的阿佘聽講自己生肖今年事業和人緣不俗,都話要買番棵桃花放在家中催吓姻緣。
佘詩曼
佘詩曼
雖然享受單身,身邊又有大把好朋友錫,佘詩曼表示還是期待愛情降臨,遇啱對象更加不會再浪費時間,盡快嫁自己出去。

佘詩曼
佘詩曼

佘詩曼
佘詩曼
個個女星都自稱素顏其實化咗淡妝再用PS加工,42歲佘詩曼真正天生麗質,經常以真面目示人。
佘詩曼
佘詩曼
正所謂真人不露相,早前電影海報美腿風波激勵佘詩曼晒出真 ‧長腳示眾,其實絕對比起腿模有過之而無不及。

15位大台富貴兵團 個個有樣更有米!

傳魏焌皓疑鹹豬嘴麥明詩被TVB解約 │重溫娛圈八大鹹豬手事件!

曾華倩囝囝代表港隊出賽 19歲Martin仲高過袁文傑

袁偉豪那些年參加過《YES!》校草選舉 原來黃宗澤都選過⋯

賴慰玲獲秋生封「小鄭裕玲」|原來教過前輩做戲⋯

單立文「奔六」恨仔 胡蓓蔚最後衝刺

單立文
單立文

熊黛林晒四口全家福 老公抱孖女唔捨得放手

延伸閱讀:

袁偉豪撲水醫患癌父 情緒崩潰甩頭髮

關注我們Facebook專頁
    相關新聞
      更多瀏覽