姜皓文同老婆殷寧甘苦與共 恩愛18年
2018年04月22日12:00

「黑仔」姜皓文與亞姐出身的老婆殷寧識於亞視年代,殷寧早年已淡出幕前做黑仔背後的女人,二人曾共患難,現在則共富貴⋯⋯

撰文:東方新地|圖片:新傳媒圖片庫、姜皓文IG

延伸閱讀:

AGA 睇藝術展做真文青

朱晨麗為《棟仁的時光》苦練鋼管舞 細數TVB女星經典鋼管舞表演

姜皓文檳城送樓

姜皓文與殷寧(原名金慧英)結婚18年,人前人後表現恩愛,去年結婚周年紀念日,黑仔更送上檳城一層樓給殷寧,揚言要與摰愛「牽手相伴甘苦與共」。黑仔對於老婆多年來的遷就更是感恩,雖然時有嘈交,不過二人很珍惜這段關係。

姜皓文
姜皓文
早前二人一起去日本福岡浸溫泉食好嘢,當作是金像獎前夕出埠減壓。
姜皓文
姜皓文
15年在殷寧計劃下,夫婦二人外遊慶祝結婚周年,更影了一輯sweet爆的婚紗相。
姜皓文
姜皓文
為支持黑仔的電影事業,二人不時孖住出席首映及公開活動放閃。

拍拖行名店

黑仔笑言同老婆結婚十八年嚟成日嗌交:「初初結婚唔識得點去珍惜,唔識點去處理婚姻生活,兩個人生活,唔係咁簡單,唔係話住埋一齊,你就我、我就你,真係有種節奏喺度,大家要配合得好好。我覺得最忌一樣嘢,兩口子點樣發脾氣、點樣惡都好,唔好講啲真係太傷人嘅說話,一次就你、兩次就你,三次就真係唔得㗎嘞,唔可以郁啲話離婚、分開,千祈點嬲都要忍住唔可以講,除非你唔想段婚姻長久落去啦!老土啲講句人氹人係OK嘅,個節奏咪大家盡量去配合囉!」

姜皓文
姜皓文
早前黑仔現身中環IFC,手持一袋戰利品的他撳住手機快步行,原來是趕住去會合在商場內的老婆殷寧。
姜皓文
姜皓文
黑仔與老婆見到本刊記者一直保持笑容非常友善,入到𨋢仲直豎拇指扮鬼臉。

考慮搬去檳城

問黑仔去年豪花七位數字喺檳城買樓送畀太太,係計劃將來喺當地定居?佢話:「我有諗過搬去檳城,因為有次去檳城旅行,我同太太都好鍾意,咁啱朋友介紹,睇到個樓盤,唔係即刻買,我都計好多數,跑到氣咳,大家都鍾意,咪當係大家嘅一份禮物,第日旅行住又好,過三、五、七年我想放慢工作又好,甚至乎我繼續做嘢都可以喺馬來西亞住㗎嘛,咁近三個鐘頭機。」

姜皓文
姜皓文
去年10月,姜皓文趁結婚18周年,喺馬來西亞檳城買樓送畀太太。
姜皓文
姜皓文
對於太太金慧英近年改名殷寧,黑仔話:「佢覺得個名靚,貪玩啫!」

愛玩煮飯仔

問佢閒時同太太做咩多?黑仔回答:「我有我,佢有佢,哈!佢鍾意啲花花草草,好鍾意魂遊太虛諗啲佢自己世界裡面嘅嘢,但係每年我哋都會一齊放假去旅行,因為我哋生日同結婚周年連住幾日,平時就一齊煮吓飯,依家我唔鍾意出街,飲酒又唔揸得車,我依家都少飲,因為我好控制唔到自己,我會追酒飲,飲完亂晒籠,又斷片,好恐怖㗎,試過同朋友返內地飲酒,飲到唔見咗我,我去咗第度唔知同邊個飲,瞓醒褲袋一大疊咭片,所以好危險。」

姜皓文
姜皓文
姜皓文閒時會同太太殷寧一齊煮吓飯仔。
姜皓文
姜皓文
問到拍咁多戲,有冇女埋身?黑仔話:「冇呀,邊有咁多女埋身,咁犀利咩?除咗以前曳吓之外,咁耐都真係未試過。」

第37屆香港電影金像獎2018完整得獎名單!古仔毛姐首次封金像影帝影后!

古天樂首奪影帝 多年來低調行善 內地建逾百學校

金像獎紅地毯大戰 女星爆乳大激鬥

延伸閱讀:

王宗堯偏愛嫩口女生 現任與歷代女友皆正妹

關注我們Facebook專頁
    相關新聞
      更多瀏覽