田蕊妮簽星夢做一姐 逼吳若希坐歪
2018年04月06日12:00

入行25年,已經貴為TVB雙料視后的田蕊妮,踏入40歲,決定重返樂壇做歌手再出碟,無綫首席花旦升呢做埋星夢娛樂一姐,阿田更獲公司全面力撐,特許她今年停劇瞓身錄碟,更落重本力谷她殺入樂壇。之前掛住生B的吳若希,見新一姐來勢洶洶,亦驚青同公司拍晒心口表示年中會由澳門搬返香港住,更押後生第二胎!

撰文:東方新地|圖片:新傳媒圖片庫、田蕊妮吳若希IG

延伸閱讀:

三上悠亞第一首K-Pop MV推出!網民:「看不慣穿衣服的三上」

【獨家新相】 黎明新寵Wing Chan 陀B出巡狂掃貨

田蕊妮 攞過金獎

06年由亞視殺入TVB ,田蕊妮在13年憑《巨輪》奪台慶頒獎禮雙料視后,演技被肯定,但其實阿田一直有另一心願,是希望得到觀眾認同她一樣唱得。

田蕊妮
田蕊妮
田蕊妮93年參加亞洲電視舉辦的「未來偶像爭霸戰」,憑演唱關淑怡〈一首獨唱的歌〉摘下金獎。
田蕊妮
田蕊妮
田蕊妮向無綫請假停工一年,日前就約了一班朋友去銅鑼灣行街,休息咗一排的她,望落精神煥發,淡妝之下皮膚白滑非常省鏡。

早於93年田蕊妮已對唱歌充滿理想,參加當年亞洲電視舉辦的「未來偶像爭霸戰」奪得金獎,可惜當時亞視未有唱片部門,令阿田冇機會出碟,反而轉去拍劇,95年拍第一個劇《縱橫四海》演技受讚,從此劇集一部接一部,觀眾似乎亦忘記了她當年是歌手出身。

田蕊妮
田蕊妮
田蕊妮同友人行去宜家睇傢俬及家品,見她睇得好仔細,似乎想幫屋企添置新傢俬。

田蕊妮
田蕊妮

停劇一年錄碟

據知情者透露:「阿田呢幾年喺無綫發展真係好順利,但佢對當年未有出碟一直耿耿於懷,佢一路都好想再出碟做歌手,雖然14年得Paco(黃柏高)賞識佢,簽咗太陽城娛樂出過一張唱片,但嗰時佢喺無綫上緊位,劇接劇冇停過,根本冇時間宣傳爭取更好成績!佢覺得嘥咗機會,覺得好可惜!」

田蕊妮
田蕊妮
雖然停劇休息,但田蕊妮卻未有偷懶,反而日日狂操keep fit,早前就在IG大晒操弗成果,戰鬥格十足!

已經踏入40歲,阿田唔想再拖,決定再圓歌手夢,難得獲TVB力撐,阿田已簽約TVB旗下何哲圖揸旗的星夢娛樂,正開始籌備新碟,據知情者透露:「阿田好想擺多啲時間去唱歌,還自己一個心願,加上公司全力支持,所以佢決定停劇一年,只會間中做吓主持,其他時間就放晒唱歌方面,依家已經揀緊歌,公司好錫佢,畀佢停工做碟之餘,仲答應會放晒資源,全面力谷佢呢張唱片。」

田蕊妮
田蕊妮
06年加盟無綫的田蕊妮,13年憑《巨輪》成雙料視后,從黃秋生手上接過獎項的她,喊到收唔到聲。
田蕊妮
田蕊妮
田蕊妮對當年未有出碟一直耿耿於懷,一路都好想再出碟做歌手。

吳若希 延後生B

田蕊妮加入星夢做一姐,曾經是公司頭寵的吳若希,之前因為掛住結婚生女,老闆何哲圖又錫佢,畀佢生完BB放足半年產假,但咁啱嗰時新人菊梓喬彈出,公司自然全力力谷,吳若希見菊梓喬上位,自己嘅地位受動搖,自己再唔努力聽執包袱:「佢知道公司簽咗阿田嚟緊仲會出碟,已經好緊張,驚公司唔睇佢,即刻答應老闆話遲啲會搬番香港住,會放番重心喺香港發展,仲會延後生B,咁話晒阿田係無綫一姐,佢明知公司今年會將資源擺重阿田度,都同公司講話想去拍劇,諗住多一條出路囉!」

去年四月誕女停工休息的吳若希,一度失勢被公司新人菊梓喬搶晒風頭,上年10月才急忙復出收復失地;但近日又得知星夢會全面力捧新一姐田蕊妮,寧願同老公分居,都全面搬回香港搏殺,更即要求公司畀佢拍劇,5月入劇組拍《多功能老婆》!
近來在公司失勢,人氣又下滑,吳若希激罕頻頻晒B女相,連老公瞓覺相都出賣,為呃like谷人氣,乜都做齊!

張振朗
張振朗

邵子風去年6月與蝦頭分手 蝦頭分後繼續扮女友

延伸閱讀:

男人愛大胸定平胸反映人格特質 有錢愛平板?!

關注我們Facebook專頁
    相關新聞
      更多瀏覽