蘇韻姿做煙幕 揭阮政峰真女友
2018年04月05日18:00

近日憑《愛回家之開心速遞》池子孝一角上位的阮政峰,同劇中女友紅衫魚(蘇韻姿)經常被網民大讚登對,兩人亦不時孖住甜蜜放閃,Sweet爆令人以為他們戲假情真;但原來蘇韻姿只係煙幕,阮政峰真正女友,其實是劇中好友安仔(周嘉洛)的女友Bonnie,15年參選港姐落選只得友誼小姐的林凱恩。據知二人因拍劇撻著,拍拖半年,但因男方正在上位中,為免影響大家的前途,決定玩地下情,收工去街都搵劇中女友蘇韻姿及好友周嘉洛做掩護,以為拍拖神不知鬼不覺!

撰文:東方新地|圖片:新傳媒圖片庫、蘇韻姿阮政峰IG

延伸閱讀:

【獨家新相】 黎明新寵Wing Chan 陀B出巡狂掃貨

男人愛大胸定平胸反映人格特質 有錢愛平板?!

蘇韻姿 阮政峰 互谷人氣

26歲阮政峰近日憑《愛回家之開心速遞》池子孝一角入晒屋,更同劇中女友蘇韻姿,被網民喻為最登對熒幕情侶,難得觀眾受落,兩人就順勢將戀情疑幻似真,經常孖住放閃,早前更一齊在車廂合拍了一條跳「情侶手勢舞」片放上IG,期間阮政峰還突然錫蘇韻姿面珠一啖,似足蜜運情侶一樣。每次訪問時,還不時自爆同對方好傾得埋,不排除有發展可能,令戀情更升溫。

蘇韻姿
蘇韻姿
池子孝同紅衫魚(右),再加安仔Bonnie兩啤《開心速遞》情侶,因為受觀眾歡迎,不時四人行放閃,大家亦理所當然以為阮政峰同蘇韻姿真撻著,冇諗過林凱恩先係阮政峰真愛!
蘇韻姿
蘇韻姿
池子孝(阮政峰)為冧紅衫魚(蘇韻姿),在劇中表現進取又癡纏,但網民就勁like,難怪阮政峰唔敢將真女友身份曝光。
蘇韻姿
蘇韻姿
見網民勁like,阮政峰同蘇韻姿食住個勢繼續扮情侶,兩人早前就一齊在車上拍了一條片,大跳情侶手勢舞,合拍到暈。
蘇韻姿
蘇韻姿
阮政峰還突然錫蘇韻姿面珠一啖,片段有接近50萬點擊率,網民受落更以為佢哋真係撻著。

但原來甜蜜只係做戲,阮政峰真命女友,並唔係蘇韻姿,反而是劇中演好友安仔女友的Bonnie,15年參選港姐獲友誼小姐的林凱恩(Iris)。

阮政峰刻意搵好友安仔(周嘉洛)做掩護,同女友林凱恩到將軍澳商場拍拖撐枱腳,不過,全程林凱恩都黐住阮政峰行。
林凱恩(右)參選15年港姐選舉,雖然只獲友誼小姐,但就同季軍即現任小小超李澤楷女友(右二)郭嘉文成好友。

拍劇撻著

比蘇韻姿參選早一屆香港小姐的林凱恩,15年獲友誼小姐名銜,亦因此加入TVB,但一直都係做綜藝節目及客串演出,直至近日在《開心速遞》演阮政峰好友安仔女友Bonnie,才開始被人留意,更因此撻著新男神阮政峰。

蘇韻姿
蘇韻姿
林凱恩坐蘇韻姿車離開電視城,但一出到門口,就極速落車會合男友阮政峰。
蘇韻姿
蘇韻姿
三人企街吹水,但不時四處張望,警覺性奇高。

據知情者透露:「林凱恩喺《開心速遞》入面,係同蘇韻姿姪仔安仔(周嘉洛)演一對,因為咁佢哋四個有唔少群戲,阿峰(阮政峰)同蘇韻姿過唔到電,反而撻著咗林凱恩,但偏偏網民又好鍾意池子孝同紅衫魚(蘇韻姿)呢一對,覺得佢哋兩個先最合襯。見大家咁接受,佢哋咪順住個勢扮情侶囉!話晒情侶檔除咗可以幫到人氣,如果個勢再好啲,仲可以拍住檔賺錢!」

0
0
周嘉洛接力陪阮政峰林凱恩拍拖。
蘇韻姿
蘇韻姿
蘇韻姿功成身退,一個人揸車走人

搵好友掩護

劇中兩pair情侶變好友不時四人行,蘇韻姿同周嘉洛就聯手做掩護,幫阮政峰同林凱恩封密戀情。今年初,四人一齊去AIA歐陸嘉年華玩,即使被市民捕獲,阮政峰事後受訪時大條道理表示當日是兩Pair熒幕情侶去拍宣傳片,令人全不起疑。據知情者透露:「林凱恩同阮政峰知自己仲係新人,戀情曝光對佢哋都冇好處,所以玩地下情,佢哋同蘇韻姿、周嘉洛好friend,所以成日搵佢哋做掩護,尤其收工,更加會四人行,連同劇演員、幕後都呃埋!」

之後三人坐阮政峰車去食飯,林凱恩習慣性上車坐正司機位旁,女友身份不言而喻。
林凱恩把在車上開餐的照片放上網,原來正正係坐喺男友阮政峰架車內影的。

坐正身旁

不過,紙包唔住火,真戀情終於被本刊揭發。上周二(3月27日)傍晚七時許,阮政峰在電視城收工,一個人駕車從後門駛去電視城前門等候,原來係等女友林凱恩,為低調戀情,當日林凱恩刻意坐蘇韻姿座駕離開電視城,但出到門口,林凱恩已極速跳落車,走去會合男友,而阮政峰一見女友出現,亦開心落車迎接,不過三人十分小心,一齊企街吹水,期間不停兩頭望。

阮政峰同周嘉洛兩個都大唔透,邊行邊玩到癲,又起飛腳又出拳,氹得在旁的林凱恩非常開心。

等了大約二十分鐘,周嘉洛由正門步出,行去會合三人,做掩護的蘇韻姿終於可以功成身退,由周接力做掩護,蘇獨自揸車離開,期間兩位男女主 角仍未放下警戒,不時四圍𥄫,周嘉洛接力陪阮政峰林凱恩去食晚飯,三人先一齊上阮政峰車出發,女友林凱恩二話不說,上車坐在阮政峰司機位身旁如女主人,周嘉洛亦習慣性坐到後座位,主客之分一目了然!三人先去南豐中心,落車一齊上樓,約二十分鐘後又一齊落樓,轉場去Popcorn食晚飯,有兩位好友做護法,阮政峰林凱恩大可安心拍拖!唔驚畀人撞破啦!

26歲阮政峰11年參加第25期無綫電視藝員訓練班,同年參加功夫新星,曾參演劇集《心路GPS》、《末代御醫》等。
在《心理追兇Mind Hunter》飾演一名易服癖男子出位。
最近阮政峰憑《開心速遞》爆紅,又在《果欄中的江湖大嫂》演香香表弟受注目,成TVB新男神。

TVB女藝人學歷大檢閱

6大運動型女神 鍾意爆汗定爆乳?

延伸閱讀:

【獨家新相】 黎明新寵Wing Chan 行頭十級跳變闊太

關注我們Facebook專頁
    相關新聞
      更多瀏覽