福祿壽十周年演唱會 王祖藍承諾:努力造人
2018年03月09日20:45

「福祿壽」王祖藍、李思捷同阮兆祥三子日前舉行咗一連兩場《福祿壽十周年演唱會》,邀請咗好多嘉賓上台,包括李司棋、關菊英、黃凱芹同陳國邦、羅敏莊嘅囡囡陳禛等,而被兩位兄弟催生B嘅王祖藍,就承諾會同老婆李亞男努力「造人」,希望今年計劃可以成功,叫大家放心!

撰文:東方新地|圖片:新傳媒圖片庫

福祿壽十周年 王祖藍:點可以冇眼淚

「福祿壽」組合踏入十周年,王祖藍同阮兆祥講到三兄弟走過十年唔容易時,都忍唔住喺台上眼濕濕,李思捷話自己都爭啲畀佢哋搞喊:「但驚一喊就收唔到科,所以即刻啜番啲眼淚落去。」祖藍就笑言:「因為我哋成立咗十年,經歷咗好多嘢,所以點可以冇眼淚!」

福祿壽
福祿壽
「福祿壽」一出場扮演超級英雄,王祖藍反串神奇女俠、阮兆祥化身美國隊長,李思捷就蒙面扮蝙蝠俠,唔通想同「明蝠俠」爭fans?
福祿壽
福祿壽
李思捷同「細細粒」陳嘉佳著校服重演經典嘅陽光檸檬茶廣告,細細粒仲唱出高潮眼,勁重口味!

睇吓陳禛表演,去片:

福祿壽
福祿壽
祥仔孖契女陳禛合唱軟硬天師嘅〈廣播道Fans殺人事件〉,年僅五歲嘅陳禛第一次上紅館,表現好淡定,跳得又Rap得。
福祿壽
福祿壽
王祖藍話黃凱芹係佢哋搵朋友搭上搭搵返嚟,好感謝佢專誠由加拿大返港做呢個騷。

解散處女黨

祖藍喺台上畀兩位兄弟催生B,不過其後喺三子反串扮Handelababy、Hungry同大Ex講「Girls’ talk」,已經娶咗處女黨成員李亞男嘅王祖藍親自宣布現有嘅處女要解散,因為鍾嘉欣已經生完再生,王君馨同岑麗香結咗婚等生,苟芸慧快將結婚想生,而講到李亞男,祖藍就扮晒喊咁口話:「佢老公唔係好得,唔知幾時生!」認真百無禁忌。

福祿壽
福祿壽
司棋姐首次踏上紅館舞台,為「福祿壽」獻唱〈啼笑姻緣〉,關菊英亦出場獻唱〈講不出聲〉,二人仲順便同祥仔一齊宣傳今年4月延續《溏心風暴》嘅舞台劇。
福祿壽
福祿壽
演唱會上仲見到司琪姐年輕時嘅靚相。
福祿壽
福祿壽
王祖藍、李思捷同阮兆祥分別反串扮演Handelababy、Hungry同大Ex,大唱〈迷人pink lady〉。
福祿壽
福祿壽
祖藍話希望下次再開演唱會,可以雙喜臨門,仲幫埋未來囝囝起名:「生仔就叫王思祥、王福祿或者王祿壽!不過我講啫,老婆唔會俾我改呢啲名!」

信唔過鄭嘉穎

講到處女黨要招攬新成員進行重組,祖藍指陳凱琳係虔誠教徒,應該信得過,但思捷就話信唔過佢男友鄭嘉穎。問佢哋攞陳凱琳同鄭嘉穎出嚟講笑,有冇事先同佢哋溝通過?思捷話唔使事先溝通,大家都明白只係講吓笑話啫,祖藍就搞笑話:「其實呢個係一個復仇嘅心態,因為佢哋冇嚟到,嚟咗嘅我哋都冇講㗎!你哋唔覺咩?」

福祿壽
福祿壽
祖藍話招攬陳凱琳做新處女黨成員,但思捷話信唔過鄭嘉穎!

有片睇

福祿壽
福祿壽
祖藍話鄭嘉穎畀佢哋攞出嚟講笑,係因為冇嚟到捧佢哋場,好似陳敏之專程嚟捧場,就畀佢哋放過一馬。
福祿壽
福祿壽
祥仔話為咗喺演唱會上跳好啲舞,特登減肥減咗25磅!
福祿壽
福祿壽
李思捷滿面鬍鬚反串扮Hungry,係三子之中最性感。
福祿壽
福祿壽
之後訪問再講到生仔問題,祖藍話會同老婆一齊努力,叫大家放心:「希望今年計劃會成功!」思捷就起哄:「今晚就要努力!」祖藍話:「唔得呀,我依家已經腳軟啦!」

姚子羚認分訊 胡說八道姊妹陪療傷

0
0

黎明新寵曝光 直擊女助手返黎宅

關注我們Facebook專頁
    相關新聞
      更多瀏覽