張建聲 搵錢第一 結婚零計劃
2018年03月09日20:30

網劇《反黑》點擊超過17億、更衝出世界被Netflix睇中,上完線全球播放之餘更會投資拍第二、第三季。監製陳國坤、導演宋本中固然飲得杯落,其實最大贏家應該係憑「招積」一角名利雙收的張建聲。34歲仔出道八年捱出頭來,張建聲愛情同事業一樣得意,兩年前撻著同公司的「翻版吳千語」陳嘉莉,陪住登上事業首個高峰之餘,最難得係捱得又等得,明知有排至嫁得出、一樣肯同男朋友踎街邊食個麵!

撰文:東方新地

圖片:新傳媒圖片庫、張建聲IG

張建聲 鬧市拍拖

由男模變三級男星、再由蕭定一旗下閒角變17年度全民公認最佳奸角,張建聲憑網劇《反黑》的「招積」一角成功上位,先被大導莊文強睇中拍住發哥、城城演《無雙》,又躋身製作費億億聲合拍片《真‧三國無雙》演張飛,今年再下一城,開拍電影《作家的謊言》身兼監製同男主角。

張建聲
張建聲
日前一同出席完健身室開張活動,趁住天未黑,小兩口一齊遊街拍拖,就算去到旺角人頭湧湧,Kelly一樣旁若無人捉實張建聲。
張建聲
張建聲
坐公司保母車到達大角咀,張建聲和女友商量一輪,決定拍拖上樓去按摩店舒筋活絡吓先。
張建聲
張建聲
份屬同一經理人公司,張建聲去到邊都例牌帶埋女友陳嘉莉在身邊,二人拍拖兩年,感情穩定。

身價、人氣十級跳,難得張建聲毫不介意公開感情狀況,無論開工定拜年,去到邊都帶埋拍拖兩年的女友陳嘉莉(Kelly)在身邊,最新搞作係學樂器自彈自唱冧爆女友,小兩口日日在社交網站互留「I Love You」放閃放不停!

張建聲
張建聲
鬆完骨,張建聲和女友在按摩店附近中式麵檔醫肚,碗麵40蚊有找。連茶水都一早買定自備,呢個女友認真唔話得!
張建聲
張建聲
食完麵等的士齊齊返歸時,張建聲更幫女友孭埋女裝手袋。
張建聲
張建聲
張建聲雖然短期內未有結婚大計,不過Kelly一早被張家上下接受,經常在張家出入,早被張媽媽視為新抱仔。

40歲前唔諗結婚

事業有成、感情穩定,日前在年宵市場被姜文杰爆就快結婚娶Kelly入門,不過張建聲就回覆本刊記者絕無其事:「我有計劃,要瞓身演戲發展事業,希望40歲喺電影圈闖到一番事業,好老實講,我並冇諗過幾時要結婚,一定唔係呢幾年。」

張建聲女友
張建聲女友
明知婚期有排等都願意做張建聲背後女人,Kelly日前仲喺面書po文公開示愛派定心丸。

張建聲女友
張建聲女友

張建聲女友
張建聲女友
25歲Kelly讀設計出身,拍廣告入行,一出道就被內地商場睇中,做韓星金秀賢廣告微電影第一女主角。

「我自細屋企窮,係窮到冇飯開嗰隻,對我嚟講愛情同麵包,麵包一定係好重要好重要。香港地社會好現實、冇嘢重要得過賺錢,結婚起碼要等我養得起三家人、我同老婆、我媽媽同佢父母時先至會考慮。(女友願意等?)我哋感情好穩定,佢好好,一直冇提過呢個話題。我相信適當嘅時候就會發生,個天會安排最好嘅嘢畀我哋。」其實女朋友仔都係得25歲,張建聲呢個潛力股,等得過嘅!

張建聲
張建聲
為咗打好演員呢份工,張建聲增肥、減肥、裸露樣樣肯做肯捱,去年終於等到入行第一個代表作、在《反黑》扮演奸角「招積」。
張建聲
張建聲
上位後張建聲機會不斷,去年底更被大導演莊文強睇中,飛去加拿大同周潤發、郭富城合拍電影《無雙》。
張建聲
張建聲
呢頭由加拿大回港,嗰頭即飛去新西蘭開《真‧三國無雙》,今次張建聲對手就有「 劉備」楊祐寧(右)同「關羽」韓庚(中)。
張建聲
張建聲
張建聲極速上位後,公司排名僅次於一哥張智霖,有傳因此招妒,與好友王宗堯反面。
張建聲
張建聲
張建聲就話二人關係依舊:「我哋合作無間,我監製套新戲《作家的謊言》佢都係做統籌,亦有份客串。」

姚子羚回歸單身 37歲索爆「表哥」重新上市

阮政峰憑《開心速遞》彈起 原來係首代「蔥蔥」!

關注我們Facebook專頁
    相關新聞
      更多瀏覽