王祖藍爆演藝畢業要扮King Sir 蘇永康病到唔抱得囝囝好內疚
2018年01月16日13:38
蘇永康因病兩日無抱過囝囝,直言感到內疚。

【星島日報報道】王祖藍邀請到鍾景輝(King Sir)擔任《人生有幾多個福祿壽》嘉賓,更扮演泰迪羅賓跟肥媽(Maria Cordero)合唱。祖藍想到跟King Sir同台已經笑不攏嘴,更笑指於演藝學院修讀,不模仿King Sir就不能畢業。祖藍笑說:「我同白只、張繼聰試過搞比賽,喺King Sir面前扮佢。King Sir一句,乜我係咁講野嘅咩,已經KO晒我哋。(最後邊個贏?)都係打和啲Friend啦,哈哈!」

另外,李思捷就邀請到蘇永康(阿公)同台演出。但阿公患嚴重喉嚨痛,要服用類固醇才能開聲上台。他說:「我從未試過病得咁內疚。我兩日無抱過個仔,今日外母抱個仔離開嘅時候,個仔含住一泡眼淚望住我,好似講緊Daddy做乜唔抱我,嗰種心情真係難以形容。(想盡快好返?)要畀錢,有辦法畀我今晚好返,我即刻畀啊!」

關注我們Facebook專頁
    相關新聞
      更多瀏覽