【筍盤猷君】媾掂內地超模 用公司LED外牆示愛?
2017年11月06日07:00

賭王四房孻仔猷君上個月被爆同少女標本袁紫僑(CoCo)分手,不過呢個筍盤的確搶手,有人見到佢同內地超模奚夢瑤遊東京!

星期六晚奚夢瑤忽然喺Ig貼咗一幅上海尚嘉中心嘅夜景相,場上面嘅LED外牆上面有個紅色心心,大家可能覺得,只不過係普通燈飾,冇乜特別,之旦係呢座大廈主人係四太梁安琪嘅私人投資公司尚嘉旗下項目,唔通猷君借呢座大廈玩示愛?

猷君本身都有畀「LIKE」,同留一個心心emoji回覆,但隨後又取消。梁安琪接受訪問時表示,唔清楚何猷君係咪拍拖,但就話:「男女仔呢個年紀都應該拍拖。」

問到猷君係咪喺商廈玩LED示愛,四太話:「我哋大廈都有唔同LED投射,我都要問番。據知公司唔會拎啲資源出嚟。」

22歲何猷君感情世界受到外界關注,早前傳出同括BY2妹Yumi、新加坡百億千金Kimmy、無名混血辣妹,以及10月中先分手嘅袁紫僑拍拖,兩年就換四任女友!

關注我們Facebook專頁
    相關新聞
      更多瀏覽