冧掂奶奶好過門!4招令婆媳感情升溫方法
2017年10月18日13:20

拍拖同埋結婚,其中一樣最大嘅分別,就係拍拖可以兩個人想點就點,而結左婚對嘅唔止係你老公,仲要對埋佢屋企人。

好多結左婚嘅姊妹都會話奶奶難相處,但講真做奶奶嘅,由細睇個仔大,突然有個女仔分薄左同啊仔嘅相處時間,心理有少少唔平衡都情有可原。兩個都係老公生命中重要嘅女人,又唔可以無左任何一邊,呢種關係仲難過三角戀!如果咁岩有個好奶奶的話,真係要恭喜你喇,但如果奶奶或者老公果邊比較麻煩的話,以下呢四個方法可能會幫到你!

1 – 調整自己心態

他日你做左媽媽就會明白,望住個仔慢慢變大30幾年,然後突然有日佢娶老婆,或者你都會有種莫名失落,正常嘅。

作爲一個新抱,唔係要同奶奶爭奪老公嘅愛,而係間中提醒下老公去關心下奶奶感受,或者同佢飲個茶,當奶奶漸漸明白你唔係競爭對手嘅角色,慢慢就會放下戒心,關係就自然會變好。

2 - 沉默是金

當你真係覺得相處唔到喇,唔需要同其他人抱怨嘅,自己減少接觸機會,要見面時儘量笑多D,講少D野,無論任何時候亦唔好係你奶奶面前講自己老公不是,總之相處少自然摩擦少。

3 – 禮多人不怪

去到老公屋企,最好每個人都叫齊,佢地已經係一個family,作爲新加入呢個family的,你可能要比其他人做得更加多,人地先會從心底接納你。大時大節送禮,做好應該有嘅禮節,係對大家的一種尊重。

4- 老公一齊努力

同老公講出你嘅處境,而唔係抱怨!記住,唔好抱怨!話比佢知道你需要佢點樣配合你,例如今晚吃完飯你想早走既,咁就預早同佢講定,唔好臨場先打眼色。

如果你想同佢生日兩個人過的話,預早book定燭光晚餐,同佢講想第二日先家庭聚會。你老公完全明白你諗法時,佢都會爲你地嘅關係而努力。

延伸閱讀>>王貽興專欄:婚後的妥協與孤寂,你又知幾多?

延伸閱讀>>點解佢遲遲都唔求婚?男人眼中 5種未必夠膽娶的女人

Related Articles

結婚六周年!孫燕姿罕有發表愛的宣言

默默守護對方!周渝民與老婆喻虹淵結婚兩年低調幸福

拍拖半年閃婚!梁詠琪和老公的浪漫哲學:「感覺前世就已經認識!」

關注我們Facebook專頁
    相關新聞
      更多瀏覽