暑期親子樂 千嬅 子丹 茵媺 暑假歎世界
2017年07月31日19:39

暑假一到,所有星爸星媽都會特別忙,忙住同班仔女籌劃一系列暑期活動,唔少人都會選擇去旅行,既可帶小朋友出去見識吓,享受 暑期親子樂 ,又可乘機叉叉電,一舉數得!不過要數最勁一定係陳 茵媺 ,陳豪要開工唔得閒,呢個超人媽媽一個湊住三個仔女返多倫多,真係叻叻!

圖片來源:楊千嬅@IG、陳茵媺@IG、汪詩詩@IG

暑期親子樂 陳茵媺 一拖三返加國

老公陳豪忙拍劇,陳茵媺一個女人仔湊三個細路坐長途機返老家多倫多,三個仔女最大嘅只得三歲,要坐16個鐘頭長途機,真係超高難度,連Aimee自己都話過程好刺激,而且仲花咗10個月去plan今次行程!

喺香港冇時間shopping,去到加拿大Aimee去咗佢至愛嘅shopping mall行餐飽,不過都係去掃小朋友嘢。

Aimee同小公主Camilla玩騎膊馬喺草地上奔跑,玩得好開心。

大仔Aiden摘咗一籃紅莓話要請媽媽食,冧死!楊千嬅 歎世界 沖繩放閃

好似楊千嬅就同老公丁子高帶囝囝Torres飛咗去日本沖繩玩,千嬅更順道為月尾生日嘅老公慶祝,千嬅同老公去沙灘同陽光玩遊戲,丁子高仲肉麻指千嬅係佢嘅「sunshine」!

一家人同陽光玩遊戲,爽爆!

丁子高同囝囝Torres着上父子裝、戴晒超扮cool!

千嬅喺沖繩提早為月尾生日嘅丁子高慶生,仲送上靚靚蛋糕祝福,連丁生都話冧爆!甄子丹 豪華歐遊

而甄子丹同汪詩詩就帶一對仔女去咗歐洲,遊走意大利、西班牙等地,參觀酒莊兼食lunch,又揚帆出海,認真寫意!

一家人揚帆暢遊地中海,好歎。

唔止對仔女,佢哋兩公婆都玩得好開心,詩詩話囡囡同囝囝仲輪流負責揸機幫佢哋影相。

甄子丹同汪詩詩一對仔女經已長大,可以plan去更遠嘅地方玩。

相關文章:

無綫斟拍劇 吳美珩 專心湊仔拒復出

幾年內閃電轉女 王宗堯 專食廿歲女

重新認識 新一代Racer 系列$549就有交易

關注我們Facebook專頁
    相關新聞
      更多瀏覽