Cherry孖Saving開放式結局 網民有彈有讚
2017年05月29日13:41
《撒嬌》以王浩信和唐詩詠補拍這一幕作為Open Ending。

【星島日報報道】無線劇《不懂撒嬌的女人》昨晚播出兩小時大結局,Mall姐同Gordon就Happy Ending,Cherry同Saving就以所謂的Open ending收尾,網民對此意見兩極,有人對這結局感到失望,但亦有網友大讚超好睇,好唔捨得。

劇中王浩信演的「暖男」Saving等足唐詩詠演的Cherry兩年,每日Keep住自拍一張相傳到ICQ,兩年傳了700多張相,終於給Saving在街頭重遇Cherry,Saving還將自己設計的手帶送給Cherry,Cherry決意用二人定情的10元硬幣買下,代表大家關係了結,Saving仲睇到Cherry手戴訂婚戒指,只有傷心目送愛人離開,跟住Cherry仲傳短訊給他,說要結婚了。這是原先二人的結局,最後就播出補拍片段,Saving與Cherry在樓梯街重遇,Saving跌下那10元硬幣,Cherry拾起硬幣交還給他時,兩人深情對望至劇終;原來重點是,Cherry拾起硬幣時,沒戴任何婚戒,以開放式結局給觀眾幻想空間。現場直播時,王浩信就話鍾意Sad Ending多一點。不過在TVB的社交網站,很多網民留言均大表不滿,表示對結局感到失望,不明白Cherry為何這樣冷待Saving,又有人指王浩信和唐詩詠後來補拍的雨中重遇一幕是多此一舉。另有網民認為整集大結局劇情拖泥帶水,故事講到一忽忽,東拉西扯。其中黎諾懿飾演的賤Han同純純一齊,本來賤到出汁,最後又變成馬壯上身;Annie條線又斷了,成集影都無,有失望網民直指結局不好。

不過,亦有網民對套劇的結局大讚:「再遇見既時候Cherry剩係帶咗手帶,冇帶戒指!唔錯個結局」、「超好睇,好唔捨得」、「全部藝人做得十分之好」。

關注我們Facebook專頁
    相關新聞
      更多瀏覽