Cherry婚前為Saving不辭而別 唐詩詠:有一種愛是放手
2017年05月26日10:06
詩詠之後出post,話可能沒有人明白cherry的選擇,我卻明白,當你明白甚麼是愛,你可以為他做任何事情」。

【星島日報報道】無綫電視劇《不懂撒嬌的女人》講到唐詩詠飾演的凌禹勤(Cherry),與王浩信飾演的程日暉已去到談婚論嫁階段後,昨晚播出一集又講到兩人愈來愈幸福甜蜜,Saving更彈結他與Cherry合唱《陪着你走》,令Cherry感動爆喊,情到濃時更捧起Saving塊面連環咀,唔少觀眾都被呢一幕為之感動。不過,原來Cherry係因為佢打算之後不辭而別而喊!

Cherry留低錄音比Saving,話「如果我無能力將你變得更加好,我應該比你自由,比你做想做嘅事」,又話知道結婚對Saving嚟講,壓力好大,多謝佢一直努力嘗試,又知道佢一直無放棄過創業,相信佢一定可以做到。結果Saving一路聽錄音一路爆喊,唔少觀眾睇完呢一幕,都上網留言話好心酸,睇到一齊喊!

劇集播出之後,詩詠都有喺facebook出post,話呢一場戲係佢最喜歡,「那一刻內心是感動、激動、痛苦、傷心難過,卻只有自己知道,可能沒有人明白cherry的選擇,我卻明白,當你明白甚麼是愛,你可以為他做任何事情,只希望他可以更好,而痛苦的是,我不是那個可以令他更好的人。」唔少網民都留言,有人問「點解你走咗去呀???」詩詠就回覆:「有一種愛是放手」。

影片來源:myTVSUPER

關注我們Facebook專頁
    相關新聞
      更多瀏覽