【識貨之人】尼古拉斯基治突襲灣仔買黃金戰士
2015年09月19日07:00

奧斯卡影帝尼古拉斯基治(Nicolas Cage)近日秘密來港,被網民喺灣仔太原街野生捕獲。?住一身西裝褸同恤衫?尼古拉斯喺工作人員同保鑣陪同下,去咗灣仔出名玩具多?太原街,仲好似好識窿路咁走入一間模型玩具鋪。當時都有其他顧客喺該鋪買嘢,而當見到知名巨星之後好多在場人士都拎起電話影相,不過尼古拉斯就一於少理慢慢睇心頭好。

而玩具鋪?老板娘就表示尼古拉斯喺15號同前日(17號)都有嚟,亦都係同家人、保鑣同翻譯一同前來。老板娘仲有透露尼古拉斯買咗咩玩具:「第一日佢買咗3、4個黃金戰士,噚日又嚟一次,買咗大、中、細唔同顏色?黃金戰士,有黑色、金色同銀色,呢啲黃金戰士係我哋公司出,佢差不多買齊晒所有款,約買咗十幾個。」而老板娘亦表示尼古拉斯好nice,亦有同佢影相。其實早年尼古拉斯都特意嚟過香港觀光,而佢亦曾經講過自己有考慮喺香港置業,睇嚟佢都幾鍾意香港喎!

尼古拉斯曾經拍過吳宇森執導?《奪面雙雄》,所以喺香港都有知名度,殺入灣仔買玩具都被唔少途人認真,仲有影低上網添!不過有唔少年輕網民都唔知佢係邊個,冇法啦!佢拍攝《奪面雙雄》同拎奧斯卡影帝都差唔多廿年前,後生嗰輩唔認得都正常?!

關注我們Facebook專頁
    相關新聞
      更多瀏覽