【客串主角?】翠如繼聰《愛‧回家》收視差或腰斬
2015年08月19日17:23

《愛.回家》幾咁有愛H名,但係自從冇咗馬家之後,根本令唔到人有想回家H感覺,第二輯H收視更一跌再跌。上月首播有25點(162萬人次)收看,但截至本月7日跌到得番21點(136萬人次),仲有周刊爆料,指如果《愛‧回家》收視持續下跌,半年後就會被腰斬,真係冇眼睇。

消息仲話劇中主角(以為係)黃翠如同張繼聰已經拍晒所有戲份,好快就會say goodbye。但佢哋唔係主角嚟架咩?知情人士指,大台只係想搵兩人撐場,短暫加入兩個月,希望等佢哋啲「一線」演員幫下套劇。而張繼聰一開始已講明唔會長拍,翠如BB都係「執三攤」,代岑麗香同徐子珊演。不過兩人似乎就唔係好幫到套劇,翠如BB反而仲害咗自己,之前喺《超強選擇1分鐘》做主持被狠批,網民同一日見佢兩次就鬧佢兩佢次….

報道仲話大台想搵番馬家救亡,不過演員都未埋到班,最快都要11月先有機會歸位。而張繼聰同黃翠如BB都係播多一個禮拜左右就完,之後就轉去麥長青條海味舖線同龔嘉欣、何君誠同張振朗三角戀,睇牌面就…完。

關注我們Facebook專頁
    相關新聞
      更多瀏覽